مركز السبع ناس محترمة جدا
فى البداية السلام عليكم ورحمة الله وكل عام وانتم بخير
انا معايا صنى 2008 ماشية 112 الف ك من فتره كان عندي مشكله فى العربية كانت احيانا بتبطل وهي ماشيه واحيانا مفيش استجابة لدواسة البنزين وبتقطع و استهلاك البنزين عالي ومش ثابت على معدل واحد ومشاكل من النوع ده كتير كنت شرحتهم قبل كده فى موضوع هنا فى المنتدي المهم روحت لميكانيكي هنا فى الغردقه فك الحساس اللى عند مدخل الهوا ونظفه ونظف البوابه والعربيه مشيت شويه حوالى 4 الاف ك ورجعت عملة صيانه ال 110 الف وطلبت من الناس انهم يعملو ري ست للعربيه وظبطو العربيه تمام وبعدها رجعت الغردقه والمشكله ظهرت تاني ولكن باختلاف بسيط هو ان العربيه على التاني مفيش استجابة لدواسة البنزين لفترة دقيق وفجئة تحس ان العربيه بتامرك لوحدها المهم حجزت فى السبع يوم السبت 27/8/ 2011 ورحت قابلت مهندس الاستقبال / خالد ( راجل فى منتهى الاحترام ربنا يكرمه ويوفقه الى مايحبه ويرضاه ) حكيت الحكايه قالى فى قطعه غيار هاتتغير لكن انتظر شويه اكلم مدير المركز نحاول نخليها فى الضمان بعد شويه قالى مدير المركز وافق انها تكون فى الضمان ان قولت ممكن تكون سينسور ولا حاجه فوجئت انها الضفيره كامله ( تكلفتها حوالى 2500 جنيه ) على فكره انا اول مره اقابل مهندس خالد ده واول مره اتعامل معاه والراجل من نفسه هو اللى كلم مدير المركز بدون اي نقاش او جدال مني وان لو كانو قالولي ادفع كنت هادفع لان العربيه خرجت من الضمان .
المهم الحمد لله ان ربنا وفقنى واقتنيت صنى وكمان الحمد لله على التوكيل ومراكز الصيانه المحترمة اللى بتعامل معاه وكمان الحمد لله على المهندسين اللى ربنا كارمنا بيهم .
اخوكم مصطفى
الحمد لله فعلا المهندس خالد دا راجل محترم جدا جدا اااااااا
أنا المشكلة دي عندي دلوقتي في تيدا ورحت النهاردة لتوكيل السبع بس المشكلة ببساطة كالتالي:-
1- لمبة تشيك كانت منورة من حوالي شهر ورحت كشفت على العربية برة وتم الغاء المشكلة علما بان السيارة كانت لا توجد عليها اي اعراض نهائيا لاقبل اللمبة وبلا بعدها. (عربيتي اتوماتيك).
2- اللبمة نورت تاني من اسبوعين وبردو رحت كشفت تاني (هههههههههه) ولغيت ال error.
3- منذ يومين وانا ماشي بالعربية على سرعة من 30 - 40 كم بلاقي اللمبة تنور وومفيش استجابة نهائيا لدولسة البنزين( بس الموتور شغال) .
4- تختفي المشكلة فور غلق الكونتاكت واعادة التشغيل
5- المرة دي حكمت عقلي بقة، اتصلت بالسبع وحجزت معاد ورحت واستقبلني المهندس خالد (راجل محترم جدا) بص على العربية ووصف لي الحالة بشكل عام ودخلها للفحص.
6-نسيت اقول ان وانا رايح للسبع وماشي بالعربية لم ارى او الاحظ اي مشكلة والعربية ماشية ذي الفل.
7 المهم تم الفحص (بس مش عرف اقول للأسف ولا لحسن حظي) ولم يستدل الكمبيوتر على اي عطل نهائيا، وقابلت مهندس الفحص وقالي هاطلع اجربها معايا الكمبيوتر وراح جربها ورجع وقالي مفيش حاجة والكمبيوتر لا يعطي اي مشكلة.
8- قلت له طيب سيبني اجربها انا يمكن رجلي فيها عفريت واطلع ال error ، وطلعت وهريت العربية وبردة مفيش حاجة والعربية كويسة.
9- رجعت تاني للتوكيل ومش عارف اقول اية ( محتار-جزين-فرحان) بسا تفقنا اجرب العربية تاني وارجع لهم فور ظهور المشكلة تاني.
تفتكروا عربيتي فيها اية يا شباب ، أنا كدا لعبتها كل الألعاب , كيكة على العالي وكيكة على الواطي ، وكشف برة التوكيل وكشف جوة التوكيل
احترت واحتار دليلي