ربنا اكرمني السنادي بعمرة كانت جميله بس شوفت حاجات من مصريين هناك معجبتنيش
في كتير منهم مبيعرفش يقرأ و لا يكتب - في كام واحد وقفني في الشارع و اداني ورقه فيها اسم و عنوان الفندق اللي هو نازل فيه - ناس بسيطه جدا بس انا رأيي ان زي مبيطلب كشف صحي للواحد قبل ميسافر و تطعيم لازم علي الاقل يتطلب توافر قدر معين من التعليم - شهاده ابتدائيه او حتي محو أميه - لصالح المعتمر و لصالح مصر - و علشان نحافظ علي صوره مصر في الخارج
انا عملت جروب علي الفيس بوك بالمعني ده
للاسف كلامك مش صح ولا منطقي
يعني من لا يجيد القراءة ولا الكتابة ميروحش يعمل عمرة ولا يحج، طب بلاش يصلي بقي بالمره ............
لا طبعا ازاي نمنع اي حد من زيارة بيت الله الحرام حتي لو فيه مشكله زي دي
يعني مثلا واحده عندها 80 سنه و مش متعلمه و لها كذا سنه بتجمع فلوس الحجو العمره نقول لها روحي اتعلمي القراءة و الكتابه الاول
فيه طرق تانيه لحل المشكله دي لكنمش منعهم
تقبل مروري
ايه يا جماعه الهجوم ده على الراجل, انا شايف ان الفكره مش وحشه اوى كده , فعلا الموضوع ده بيسبب مشاكل كتير , الفكره العامه مهمه جدا و هو ان المصريين اللى رايحيين ميتعرضوش لمواقف كده و يبقوا عارفين جايين منين و رايحيين فين ,و كمان فى المطار , ممكن يكون فى الزام لشركات السياحه انه يبقى معاهم مرشد ا و يدولهم كورس صغير كده فى اجراءات المطار و الجوازات و الكلام ده.
و بعدين الفكره بتاعت محو الاميه ممكن تطبق فى نطاق معين , يعنى مثلا على حجاج القرعه اللى هم مدعومين من الدوله ممكن تشترط انه يكون بيعرف يقرا و يكتب و ده فايده ليه و للبلد
لالالالالالالالالالالالال الالالالالالالالالالا طبعا
لا اوافق
يعني علشان اروح بيت الله لازم يبقي معايا محو الأميه !!!!
معظم اللي بيعمل عمره من كبار السن
فا اكيد معظمهم مش معاه شهاده
عمره مقبوله بإذن اللهاقتباس:
المشاركة الأصلية كتبت بواسطة شريف
انا متفهمه طلب حضرتك سببه ايه لأن سبق وصادفت تصرفات مسيئه ومخجله من بعض المعتمرين هناك
كفايه التدافع لخطف أي ماده غذائيه يقوم احد المتبرعين بتوزيعها حتى لو كانت علبة زبادي
لكن صعب جداً يكون في شرط لمحو الأميه قبل السفر للعمره لأن في كتير كبار في السن وفقراء وغير متعلمين
الأفضل شركات السياحه تعمل حملة توعيه للمعتمرين او حتى لمشرف المجموعه
و ليه منكنش منظمين زي بلاد كتير جدا بترسل معتمرينها بشكل يخليك تشعر بالغيره
كل يوم بعد الشروق تلاقي الاتراك و المغاربه و دول كتير ينزلوا يطوفوا و يسعوا في جماعات منظمه و ملابس موحده
ليه ميبقاش ده حال المصريين كمان
لازم نعترف ان في مصريين كتير بيقضوا فتره العمره علي السبيل او حتي الشحاته
و فيه اللي يتخلف منتظر فتره الحج و طبعا هيعيش الفتره دي علي الشحاته
ليه العمليه متبقاش منظمه و مدروسه
اذا كان في ناس بسيطه و حالها رقيق بتعمل عمره و بتعمل حاجات كتير مع العمره تخليك تتحرج ان الناس دي مصريين
او واحد سعودي ييجي يقولي المصريين بيعملوا مصايب و بيكلمني كانني اللي عملت المصايب دي لانني مصري
الفكره اللي عاوز اوصلها انني ارفع من صوره المصريين في الخارج و لازم علشان نغير الصوره دي اننا نبدا نحسن من سلوكنا
واجب المتعلمين انهم يدلوا الغير متعلم و يحاولوا باي طريقه معاه ان تصرفاته تبقي علي قدر من المسؤليه انه مسافر رسول لبلده لازم يحسن و يرفع من صورتها امام اي سعودي او اي حد تاني
و نقطه تانيه انا جدتي فوق التمانين و بتعرف تقري كويس و بتقري الجرايد دايما - يعني مش كل الناس الكبار مبيعرفوش يقروا - العلم نور و مش عيب ان حد كبير في السن يتعلم القرايه و اكيد ادراكه لامور كتير هيتغير ساعتها
أولا تقبل الله منكم وعقبال الحج
مع تفهمي لما أغضب الأستاذ شريف لكنى أختلف معه في شرط الحصول على شهادة محو الأميه (القراءة والكتابه) لكني مع محو الأميه الخاصة بالحج والعمرة وهذا فرض عين على كل من يسر له الله الحج والعمرة...
أيضا انا مع ان شركات السياحة او الهيئة المسئولة عن الحج والعمرة ان تقوم بتوعية الناس بشكل إجباري لهم وللمعتمرين والحجاج وذلك من مصر وقبل الذهاب وتعريفهم أولا بالمناسك الصحيحة على سنة الرسول علية الصلاة والسلام لما نراه من مخالفات كبيرة وجهل كبير بالشرائع بالإضافة لشرح أبواب الدخول والخروج وأماكن السكن وماذا يفعل في حالة انه فقد شئ او تخلف عن المجموعة.
وأيضا محاولة التعريف والتأكيد على الإلتزام بالسلوكيات السليمة وعدم الغضب والعصبة بلا مبرر ومنها عدم التزاحم والإلتزام بالصف في اي طابور بالإضافة للتعريف بالأشياء الهامة التي يجب ان يأخذها معه الحاج او المعتمر من مصر.
وأخيرا يجب على كل شاب ذاهب لأداء العمرة ان يراعي كبار السن ويحاول تذليل المصاعب لهم والتخفيف عنهم ويلتمس في ذلك الأجر من الله عز وجل.
وال ناس اللي مبتعرفش تقرأ دي فين المسئول عن الفوج بتاعهم وسابهم إزاي يعني
مش الناس اللي تتحاسب على جهلها بالقراءة
اللي يتحاسب هو اللي معملش شغله صح وساب واحد زي ده يمشي يسأل الناس
مين قال ان القرعه مدعومه ... القرعه الدوله مبتكسبش منها بس الحاج بيدفع التكلفه الفعليه ... مفيش حج مدعوماقتباس:
المشاركة الأصلية كتبت بواسطة ahmadyusuf
لأ طبعا مينفعش
اقتباس:
المشاركة الأصلية كتبت بواسطة madyyuri
+1
ناقص نعمل كشف هيئة و نقول له هات بيانات اهلك كلهم (زي ما كلية شرطة بتعمل) و اللي شكله مش شيك نمنعه ....
ده بيت ربنا على فكرة مش بيت أبونا ......
هى ممكن تبقى قبل سن معين
يعنى مثلا قبل الاربعين لازم يبقى معاه محو الاميه وبعد كده مش لازم لانه صعب يتعلم
وعموما غالبا قبل الاربعين بيبقى متعلم
وانا باعتبرها وسيله للمساعده على نشر التعليم
وَمَنْ أَظْلَمُ مِمَّنْ مَنَعَ مَسَاجِدَ اللَّهِ أَنْ يُذْكَرَ فِيهَا اسْمُهُ
انتوا بتهزروا يا جدعان؟ عارفين يعني ايه واحد قادر ماديا و بدنيا انه يروح المسجد الحرام و نقول له لأ ..... سوري ...... اتعلم الاول و بعدين نوديك !!!!!!!!
هو رايح يشتغل في ميكروسوفت و انا مش واخد بالي؟
ههههههه
هو الناس قلبوها هجوم كده ليه و كمان من اظلم
و الله الواحد كان مكسوف انه يقول انه مصري من اللي كان بيشوفه هناك من مصريين كتير جدا
و الواحد نفسه المصريين يبقوا واجهه مشرفه لبلدهم
و بعد الثوره لسه قيمه المصريين بره قليله ليه في اعتقادكم مش من اللي بيحصل منهم !!!!!!!!
الواحد مش عايز يمنع الناس انها تعمل عمره او تحج - الواحد عايزهم يطلعوا فيتقبل الله منهم و قي نفس الوقت محدش يسبب ازي لنفسه او لغيره
علشان كل الناس تطوف و تسعي و تعمل جميع المناسك و هي مبسوطه من غير تدافع او حد يدخل يزق - الفكره ان لو المعتمر كان بيعرف علي الاقل يقري فده بجانب انه ليه فايده ليه و كمان بيوسع مداركه و بيخليه انسان ارقي و ساعتها احتمال نبقي علي مستوي المكان اللي احنا رايحينه - محدش عارف مين يتقبل منه و مين لا يتقبل منه
و التعليم مش لسن معين مش شرط فوق الستين يبقي مينفعش يقري و يكتب
و مادام بنتكلم بايات قران فبفكر باول ايه كريمه نزلت آقرآ
قال تعالى في محكم تنزيله : " اقرأ باسم ربك الذي خلق ، خلق الإنسان من علق ، اقرأ و ربك الأكرم ، الذي علم بالقلم، علم الإنسان ما لم يعلم " صدق الله العظيم
سبحان الله
اقتباس:
المشاركة الأصلية كتبت بواسطة شريف
اعمل توعية ...... اعمل اللي انت عايزه ...... بس ما ينفعش تمنع مسلم عن المسجد الحرام
و على فكرة فيه ناس معاها دكتوراة و اسلوبها في التعامل ازبل من ميت جاهل ........
العبرة بالتربية مش بالتعليم
يا استاذ شريف لازم تفرق بين شيئين مهمين و هو حبك للحفاظ على صورة البلد و صورة شعبها و الشىء الاخر هو حق كل شخص فى اداء الشعائر الدينية طالما توفر له ذلك و قادر عليه ، و النقطة الاخيرة تحديدا ليس فيها اى جدال و لا تجد اى شخص عاقل يوافقك الراى حيث انه من غير الادمى ان تمنع انسان و لو كان حرامى مثلا عن التوبة فى بيت الله الحرام , و هو امر له ابعاد انسانية اولا و شرعية و قانونية الخ الخ
لو السعودية كانت تقدر تعمل كدة كانت عملتها من زمان خصوصا مع تزايد الزائرين المصريين اللى من النوع الهمجى و الذين لا يفكرون لا فى صورة مصر و لا فى البتنجان . و نفس الفئة هم المسئولين عن ان السعوديين اول لما يلاقوا زائر مصرى معاملتهم تتغير نظرا للترسبات التى تولدت على مدار السنين الماضية
انا لم اذهب الى السعودية و اتمنى من الله ان يمن علي بالحج او العمرة او بكلاهما ، لكن مفيش حد بيجى من حج او من عمرة إلا و يقول ليهم حق السعوديين يعملوا كدة بعد اللى بيشوفوه من الفئة المذكورة و العبرة هنا ليس بالاشخاص اللى مش عارفين القراءة و الكتابة لكن المقصود هنا هم كل المعتمرين و الحجاج المصريين الذين تنتج عن افعالهم ما يسىء الى صورة كل مصرى حيث ان السعوديين لهم ما يروه و لا يعلموا الصورة الحقيقة للمواطن المصرى الا من خلال تعاملهم ( و تجاربهم السيئة مع هذه النوعية )
هذا الموضوع ليس له علاج و لا حل و لا موانع و لا اى شىء ، كل المسألة ان يخفف الله الابتلاء عنا و يتغير سلوك الفئة الهمجية من الشعب المصرى الى الاحسن