انا الحمد لله استلمت العربية وكله كويس بس مش عارفة ليه مش بيجى معايا الغيار الثالث بسهولة الا لما اغير للرابع وبعد كدة ارجع للثالث وساعات بتغير عادى انا مش عارفة العيب ايه اروح التوكيل ودى دى طبيعى فى الاول وليه الثالث بس
عرض للطباعة
انا الحمد لله استلمت العربية وكله كويس بس مش عارفة ليه مش بيجى معايا الغيار الثالث بسهولة الا لما اغير للرابع وبعد كدة ارجع للثالث وساعات بتغير عادى انا مش عارفة العيب ايه اروح التوكيل ودى دى طبيعى فى الاول وليه الثالث بس
حضرتك العربية ما فيهاش حاجة بأذن الله كل ما فى الموضوع أن حضرتك محتاجة تحفظى مكان الغيار الثالث وتعودى أيدك كمان على مكان الغيار الثالث لآنة فى الآول بيكون بيلخبط شوية بينة وبين الآول وبعد كدة هتلاقية سهل وما فيش مشاكل بالآضافة لآهم حاجة وهى الضغط على دواسة الدبرياج للأخر أثناء نقل الغيار علشان يجى الغيار بسهولة بأذن الله
والله الموفق والمستعان
شكرا جدا هجرب مرة تانية طيب سؤال تانى سخيف هو الزجاج الخلفى من الطبيعى انه ما يفتحيش للاخر بيوصل لنص الشباط بس دى طبيعى كدة
طبيعى .
الزجاج الخلفى فى كل العربيات اللانوس من موديل 99 مش بيتفتح للأخر ..حاجة تانية بخصوص الغيارات زى ما قال الزميل ممكن تكونى بس مش متعودة على مكان الغيارات ....أو ممكن يكون ظبطت العصاية من قدام وبيسموه (تيش عصاية الفتيس ) محتاج يتظبط ودى حاجة بسيطة جدا جدا ...هتتعمل فى التوكيل بسهولة مش عيب يعنى
شكرااا جداااااااااااا
انتي علشان تظبطي الغيارات اوي.... تعملي ايه
تاخدي الاول عادي.... ولما تيجي تغيري للتاني ممكن ترجعي العصاية لوضع التموير او تاخدي التاني علي طول..
التالت بقي تنزلي من التاني للمور وتديه زقه قدام علشان تاخدي الثالث والعصاية تمشي في مجراها صح.... وده علشان تريحي الفتيس... والرابع وهكذا
الخلاصه
من الاول للتاني.... ممكن تموري او تاخدي الغيار علي طول
من التاني للتالت... الافضل انك تموري من التاني وتاخدي التالت مستريح
من التالت للرابع.... زي من الاول للتاني
من الرابع للخامس... زي من التاني للتالت
وطبعا وضع المور ده بياخد ثانية ولا حاجه... ومع التكرار هاتتعودي
ووضع الازاز الخلفي ده كان موجود في ال 128... علشان لو في اطفال يبقي الازاز عالي وميقعوش من الشباك
تقبلي مروري... اقعدي بالعافية;)))
شكراااااااا جداا انا كنت هركب انذار فى التوكيل ووحدة رفع للزجاج من الداخل دى عملى ولا لا وهل من الممكن اركب باركينج سينسور ولا مش محتاجة
لو مفيهاش انذار... ركبيه ضمان ليكي,
ووحدات الرفع كويسه
هو اللي اضمنه ان السنسور مهم اوووي و بركن بيه اسهل واسرع وتركيبه سهل جدا ومالوش دعوة بالضفيرة
الانذار ووحدات الرفع اعتقد لازم هايفك الابواب ويلعب في الضفيرة... ومتابع معاكي;)))
ركبى كاميرا وشاشة أحسن كتير - الرؤية أحسن من السمع - لاتتنازلى عن Spy 5000 alarm مش أى جهاز
SPY ALARM - YouTube
:tumb:
واحدة واحدة كدة ...أولا الإنذار من الأشياء المهمة خصوصا فى الظروف إلى أحنا فيها دلوقتى وممكن تركبى معاه وحدات الرفع مافيهاش مشكلة بس عموما أنتى هتضطرى تركبية بره مش فى التوكيل لأننا بالفعل سألنا أنا وصديق ليا معاة شيفروليه لانوس وقالو فى التوكيل مش بنركب الإنذار ووحدات الرفع داخل التوكيل وممكن تركبوه عادى برة مافيش مشكلة بس الفنى إلى هيقوم بالتركيب مايجيش جنب الضفيرة الأساسية للعربية ويكون تقفيلة وشغلة نضيف ودة فعلا إلى حصل ..وماتخافيش العربية مش هتخرج طبعا من الضمان ...بس أهم حاجة الصانيعى إلى هيركب ...ممكن حضرتك تقولى نطاق المكان إلى أنتى ساكنة فية ونقولك ممكن يكون فين أقرب مكان ...
وللعلم ........سعر الإنذار ( ماركة ولف ) حوالى 170 جنية والتركيب 50 جنية
وحدات الرفع وحدتين للأربع أبواب 100 التركيب 30 جنبه ..الأسعار تقريبية ولن تزيد
أما بالنسبة للسينسور فأنا لسا صديق ليا مركبة وفعلا عملى جدا جدا .....وفى منة أنواع طبعا والسعر من 250 جنية وأنتى طالعة ...بس كدة
أتمنى أكون أفدت وبالتوفيق أن شاء الله
ازاى يركبة و ميجيش جنب الضفيرة؟؟ سؤال ضرورى عشان انا محتاس و عندى نفس المشكلة هى الضفيرة دية مش هى اللى ورا الكاسيت كدة؟؟
الضفيرة دي هي تجميعت الأسلاك اللي فالعربية كلها مع بعض بتروح للكاست والانوار وكل حاجة
ازاى يركبة و ميجيش جنب الضفيرة؟؟ سؤال ضرورى عشان انا محتاس و عندى نفس المشكلة هى الضفيرة دية مش هى اللى ورا الكاسيت كدة؟؟
....
حسب معلوماتى موجود فى العربية أكتر من ضفيرة كهرباء خاصة بكذا حاجة- كمبيوتر السيارة الأساسى ( الكنترول ) -التابلوة والكاسيت والإضاءة والزجاج الكهرباء - كهرباء الموتور والرشاشات والحساسات
وعموما ماتشغلش بالك موضوع الإنذار ووحادت الرفع مالهاش علاقة بكل دول ..يعنى عادتا بتكون فى ضفيرة أزرار الزجاج الكهرباء والسنتر الرئيسى فى باب السائق ..يعنى المهم الى هيركب يكون تقفيلة كويس وطبعا فاهم ....
وبالتوفيق ان شاء الله .......
انا فى الاسكندرية وسالت قالوا لو ركبت الانذار برة هيخرجوا الضفيرة من الضمان
بالنسبة للباركينج سيتشور انا شايفة انه فعلا عملى جدااا بس مش عارفة دى يتركب فى التوكيل ولا برة ولو ركبته برة هيلغوا ضمان ايه
مش فاهمة موضوع الكاميرا والشاشة ليه وبتتركب فين
انا اشتريت جهاز انذار سييمفونى ب 180 ووحدات رفه للاربع ابواب ب 9- جنيه بس لسة ما ركبتيش انا اللى قلقانى العصابات اللى شغالة سرقة فى كل مكان وربنا يلطف بينا كلنا
شكرا ليكم كلكم للمساعدة
كنت عايز بس أقولك غن الإنذار الولف أحسن شوية علشان كمان صيانتة سهلة بس عموما مش هتفرق كتير المهم تأمنى العربية ....
وموضوع الضمان دة انا سألت عنة بس هنا فى القاهرة فى التوكيل الموجود على طريقة مصر أسكندرية وكنت معى صديقة لأنة كان أول مرة يروح وطبعا أول عربية فقالو الحكاية دى أنها مش هتخرج من الضمان لو ركب برة ....وفعلا سألت اكتر من مهندس واكدلى دة ..
وبالفعل أحنا ركبناة برة عند واحد ممتاز ويعتبر صديق ليا وتقفيلة كان نظيف جدا وبعد كدة روحنا عملنا صيانة ال 5000 عادى ومافيش أى مشكلة
وعايز أقولك حاجة هما مش بياخدوا بالهم من الموضوع دة خالص لأن الفنييين هناك على ماقسم
وبعدين هأقولك على نصيحة عن تجربة معظم التوكيلات مش كلها طبعا مش تمام زى ماأنتى فاكرة الإستفادة الوحيدة ( قطع الغيار الأصلية )
وبعد كدة أنتى إلى تشوفى فنيين كويسين ( ميكانيكى - كهربائى - عفشجى) برة التوكيل وتشترى قطع الغيار الأصلية بس هتوفرى على نفسك كتير جدا لأن العربية بقت محفوظة خلاص ...........
بالنسبة للسينسور دة بيغنى عن الكاميرا الخلفية ..
الكاميرا الخلفية بتتركب فى الإكصدام الخلفى لكن بتحتاج شاشة عرض ( dvd ) جوة العربية ...
وأسف انى طولت عليكى ...وبالتوفيق ان شاء الله
شكرا جداا والله ربنا يكرمك لانكم فعلا بتجاوبوا باستفاضة وفى حاجات كتير استفدتها ربنا يبارك لكم
لو حضرتك ركبتي جهاز الانذار بره التوكيل وبعد كده رحتي التوكيل يا ريت تقولي الوضع بالنسبة للضمان ايه هل فعلا الضفيرة هتفضل في الضمان ولا هتخرج من الضمان
طب و لو جى ام ؟؟؟يركب فين؟
انا لما حبيت اركب انذار
كلمت منصوره شيفروليه وسالت هناك قالولى مش بنركب انذار خالص
طنشت ورحت التوكيل فى سندوب وسالت قالولى اه بيتركب عادى بس اشترى الانذار من بره
وركبته هناك فعلا بس كان غالى اوووووى 200 جنيه تركيب انذار بوحدتين رفع بس بصراحه شغله كان نضيف اوى
وانا قلت اضحى بالفلوس فى سبيل انى ابقى متطمنه على العربيه مش مشكله
دلوقفتى فعلا انا عايزه الباركينج سينسور
عن تجربة أنا سألت فى التوكيل هنا قال مابنركبش برضوا ..وبالفعل انا وصديقى ركبنا برة عند واحد طبعا متخصص وشغلة نظيف جدا ....وماكانش فية أى مشكلة ..المهم تكونى متطمنة وشخص موثوق فية ...أنا شايف كدة إنك أتكلفتى كتير بس عموما مافيش مشكلة مادام أتركب كويس ...ورأى معظم الزملاء فى المنتدى وعن تجربة ليا شخصيا بلاش الواحد يحمل نفسة أو يكلف نفسة زيادة بدون داعى ...يعنى أهم حاجة قطع الغيار الأصلية والفنى يكون موثوق فية وفاهم شغلة ..
لان كمان فى معظم التوكيلات ومنهم طبعا منصور مش كل الفنين فاهمين وفى ناس كتير أشتكت منهم وأنا جربت بنفسى مع صديقى ...يبقى لية بقا نكلف نفسنا
ثانيا ..بخصوص السينسور باركينج ..فده تركيبة سهل جدا وتكلفتة كمان بالتركيب بتبداء من 250 جنية ..المهم الكهربائى طبعا ودول موجودين وأشطر كمان من التوكيل لأنة حافظ العربية ؟؟؟
أتمنى أكون أفدت ,,وبالتوفيق ان شاء الله