الموضوع: أنا أسف .. استطعتم خداعي .. و لكن هل اعود لصوابي؟

المشاركة الأصلية كتبت بواسطة SYD

الهوندا سيفيك من 90 لحد 95 بنفس الموتور (الجيل الرابع والخامس) اخر الجيل الرابع عملوا Face lift وغيرو الموتور سنة 90 وفضل نفس الموتور ال1500 لحد الشيب الي بعده ابتداء من 92 لحد 95 للموتور 1500 الكربراتير

مش دوول قمم الياباني

،

انا بس هعلق على نقطة المحركات بعد اذنك ياباشا

دلوقتى هية هوندا ماكنتش محتاجة تغير محركات مع الشكل لان محركاتها كانت اقوى محركات يعنى لما تلاقى محرك 1500 سى سى كربراتير بيخرج قوة حصانية 105 حصان من 20 سنة وسرعة قصوى 210 كم فى الساعة

ودة بجانب المحركات ال1600 الانجيكشن ذات القوة الخارقة 130 حصان اللى لسة يادوبك الهيونداى واصله للقوة دية ومعلش مع احترامى لهيونداى دة مش محرك قوتة 130 حصان ابدا

دة بجانب المحركات الرياضية ال1600 سى سى انجيكشن بقوة 160 حصان من عام ال1988 الى1991 ثم تم تحديثها كليا لتصل الى قوة 170 حصان و 174 حصان

وتسارع وثبات رهيب الى هذا الوقت افضل من سيارات كتير حديثة اكيد الناس كلها عارفة يعنى HONDA CIVIC SiR فامعتقدش انها كانت بحاجة الى تطوير لان مافيش حد قدر يوصلها تكنولوجيا ولحد وقتنا هذا مع احترامى للجميع

بالنسبة بقى للسيارت الحالية هتلاقى ان اتخن عربية كورى بتخرج من محرك 1500 سى سى انجيكشن 100 حصان ودة طبعا رقم انا مبالغ فية لان طبعا هو اقل من كدة يجى ب10 حصان

واتخن عربية كورى بتخرج من محرك 1600 سى سى 140 حصان والماتور دة مش عندنا يبقى هنقول انة 130 حصان وحتى لو 140 حصان بردة مش هتقدر تجيب ال170 حصان بتوع الهوندا وكل دة من غير تيربو

واقوى سيارة يابانية من محرك 1600 انجيكشن 125 حصان وكمان مسجل للسيفيك الجديدة

وعلى فكرة بردة عندك المايفك من ميتسوبيشى ومع انة بيخرج 172 حصان بس قدرتة ضعيفة على التسارع

انا بس حبيت اوضح النقطة

تقبل مرورى واسف على الاطالة