الموضوع: أنا أسف .. استطعتم خداعي .. و لكن هل اعود لصوابي؟

المشاركة الأصلية كتبت بواسطة chicobon

طيب و فين البديل لو الناس مش هتشتري الكوري

ليه هو الكوري مكتوب عليهم ؟؟؟

هو قصد صاحب الموضوع اساسا ان الناس متعرفش ان في حاجات مقلب عشان الناس بتمشي ورا اللي ماشي وبتسيب الحقيقة


ياريت كل واحد يركب حاجة تستاهل الي بيتدفع فيها .. كقيمة واداء

تفتكر الأوروبي عاجز عن تصميمات تلحس العقل ؟؟؟ كفاية المصممين الإيطالين وتلاقي اساسا بيتر دة دارس في اوروبا

يا أستاذي الكريم ((بيتر شراير)) مصمم سيارات كيا في جيلها الجديد ده كان مصمم شركة أودي في الأساس لكنة أنتقل للعمل و تولي منصب كبير مصممي كيا بعد أما كيا خطفته من أودي و أغرته بالإمتيازات و الفلوس طبعا

مش الفوانيس الجديدة سواء الأمامية او الخلفية الي هتخليني اشتري الكيا الي مواتيرها وعفشتها هيونداي وقبل كدة كانت واخدة من مازدا مواتيرها

ليه ما كل الشركات المحسوبه علي الناس إنها كبيره و كل عربيه من عربياتها مختلفة عن الأخري بتعمل كده بتبقي مجموعة شركات و بتضم علامات تجارية عده هو مش ده كلام حضرتك

فولكس كمان عملت كدة في الجولف 4 والبورا والأودي a3
كلهم نفس الموتور والشاسيه بس كلهم نفس الشركة

طيب ما هيونداي و كيا واحد و هيونداي هي الشركة الأم أيه اللي جد بقي

وكمان مش من قلة المواتير عندها دي بتنزل للعربية الواحدة ولا 6 مواتير

طيب حضرتك بتشوف منهم كام موتور في مصر لكل عربيه
مش هو واحد قول أتنين واحد عادي و التاني بشاحن تيربو أو سوبرشارجر
طيب ما كل الأسيوي عامة بيبقي مجهز للتسويق بأكثر من موتور بأكثر من سعة ليتريه

و صدقني حضرتك دا مكنش موضوعي أنا كنت بلفت نظر حضرتك إلي إن اللي صمم دي هو اللي صمم دي و متكلمناش في المواتير لكن أقول أيه غير تحياتي لحضرتك و في إنتظار موضوع جديد لسلسلة سلوكيات القياده

خلاصة رأيي الموضوعي (طبعا رأي شخصي بحت )
أن مفيش حاجة ممتازة على الأطلاق و مفيش حاجة وحشة على الأطلاق .
و مفيش حد بيفضل في المقدمة على الأطلاق و مفيش حد بيفضل في المؤخرة على الأطلاق
و الصغير بيكبر ...... و بينضج و بيصل لمرحلة الشباب و بيكون شاطر لو يفضل في مرحلة الشباب و النضوج لفترة كبيرة بالتطوير المستمر و البحث الدائم عن الأفضل .
يعني مفيش حاجة أسمها شركة بقالها 100 سنة و شركة تانية بقالها 50 سنة يبقى الشركة أم 100 أحسن و خلاص علشان هي قديمة
الناس اللي بتفهم في التكنولوجيا و المحركات
أكتشاف طريقة تصنيع الشئ هي أصعب مرحلة ..... و لكن تصنيعة هي أسهل مرحلة .
و بمجرد وصولك لمعرفة طريقة تصنيع الشئ و تطويرها دائما .... خلاص معرفتك أصبحت مثل معرفة صاحب الخبرة القديم لأنك انت كمان أصبحت صاحب خبرة .
و الأمثلة كتيرة ........ و هوندا هي أقوى مثال على ذلك و كمان لوتس الأنجليزية .

اللي بيفرق بقى شوية حاجات تانية زي خامات التصنيع المستخدمة .... الأسم التجاري الرنان ( ده عليه 50 % من عملية أقناع الزبون أو العميل ) و الشكل و توافر قطع الغيار و جودة و كفاءة الوكيل المحلي و مراكز الخدمة .
يعني مثلا بي أم دبليو بتستخدم خامات ذات جودة عالية و بتستهدف أيضا زبون مختلف تماما و بتصنع في فئة معينة و بالمثل مرسيدس و أودي إلى حد ما بعكس فولكس فاجن اللي بتحاول تعمل كدا و كدا .
نيجي بقى لكل المقصد و هو التعميم

الناس مقسمة العالم أوروبي (وواضيعنه في سلة واحدة و ده مش صحيح لأن مش كل الأوروبي جودته زي بعضه )
و ماسكين الكوري في سلة واحدة و ده مش صحيح و لكن مش خطأ كبير لأن الكوري بيستهدف فئة معينة و هي فئة السيارات الأقتصادية زيهم زي فيات الأوروبية و بيجو إلى حد ما و سيتروين الفرنسيتين .

يبقى مينفعش نقول الاوروبي ........ لأن فيه فيات بونتو أوروبي و فيه مرسيدس و فيه بي أم و فيه لوتس أوروبي برضه .

يبقى كل حاجة تأخد حجمها الطبيعي و تتقارن شئ بشئ ....... أو مُنتج بمُنتج و ليس بلد أمام بلد .

عندنا الياباني فيه الياريس و السيريون ....... و فيه النيسان جي تي أر و عندنا الصني و عندنا الهوندا ....
و عندنا اللكسس الفخمة

و على فكرة ....... بكرة الصبح ممكن شركة النصر اللي يرحمها
تجيب أفضل خامات في العالم ....... و أفضل تصميم في العالم و تصنع العربية و تضع عليها علامة نصر ..... و لا حد هايشتريها و لا حد هايعبرها و هايقولوه ما تستهلش ثمنها (و ده علشان ملهاش أسم تجاري رنان )
و لكن لو نفس العربية بنفس التصميم و نفس الخامات ..... ووضعت عليها علامة مرسيدس أو علامة بي أم دبليو ....هاتتباع و حدش هايقولك دي ما تستهلش ثمنها .

فكل شئ له عوامل كتير بتحدد ثمنه و تحدد أمكانية بيه و لمين .
و مش معنى ان مرسيدس بتتباع بربع مليون جنيه يبقى تستاهل كل مليم مدفوع فيها ..... بل على العكس أحنا بندفع جزء من ثمن السيارات الفارهة في أسمها فقط و ده مقصود من الشركة الصانعة علشان تعمل تممييز لعملائها .
أرجوا أن وجهة نظري تكون وصلت