عرض للطباعة
باب اتخبط و انت راجل نزيهة و مالكش في السمكرة و البوية رحت اشتريت باب استيراد نفس اللون و ركبته. لمل تيجي تبيع العربية لازم تقول للمشتري ولو مقولتش كدا يبقى غش؟
طب لو كبوت؟
طب دا باب و سهلة أمال لو نص امامي مثلا و برضة شيل و ركب و معمول بنضافة؟
طب بصرف النظر انت قلت للمشتري او هو ناصح و عرف دا يقلل من تمن العربية كتير؟
و ربنا يخليكوا ليا و يخلوكوا لبعض على طوا ان شاء الله :)
أبواب مش مشكله طالما مافيش اثار معجون و رش علي القوايم و العتب
انا اعرف كتير مغيرين 4 أبواب العربية نزاهه و حتي كانوا بلون مختلف
بس تغير ربع امامي و الكلام ده لا يقبل ابدا و يقلل من تمن العربية جدا
نادر ..جابلك من الآخر....مادام بعيد عن القوايم...وشغل فك وتركيب فقط...لايعيب العربيه فى شىء
كأنك مغير فانوس مثلا ولا حاجه
بس انا من رأيى..اى حاجه تدخللك حيز الشك.....تريح دماغك احسن
يعنى تقول عادى انك مغير الباب...مفيهاش حاجه خالص....مادام الاساسيات سليمه....اطلب السعر اللى انت عايزه وانت مطمن
السلام عليكم
بص ياباشا اعتقد طبعا واخواتنا برضك قالوا نفس الكلام
تغير الباب بيتغير عادي لاسباب كتير منها ان الباب يكون متاثر بعوامل التمدد والانكماش وابعاده تتغير فتقوم مغيره
او اخد خبطه والسمكري هيفتي فيه فانت غيرته بدل وجع القلب برضك عادي
بفس الكلام الكبوت بيتاثر بعوامل التمدد والانكماش زي الاكسيل مثلا او حاجه وقعت عليها طوبه مثلا لا قدر الله فبرضك مفهوش مشاكل
وكل ده طبعا بيعتمد علي ان والعربيه في البويه بعيده عن الاساسات والقوايم
طيب نيجي بقي لموضوع النص ده
ده مليون الميه ملوش حل غير انك بعد الشر عملت حادثه
وفي الحاله دي بالذات لازم تقول لازم تقول
حتي لو كنت انت اشتريت العربيه ومكنتش تعرف قول انته لو هتبيع علشان ميبقاش البيع واقع تحت طاولة الغش
بس ده كان رأي
وربنا يكرمك
طب بالنسبة للسعر؟ الواحد يتكلم بقلب جامد ان دا عادي و المهم ان القوايم و الاساسات سليمة و مش راشة؟ ولا المفروض يتنازل شوية؟
و لو العربية مغيرة حوض كامل بس يعني القوايم الامامية سليمة و معمولة بنضافة و مش مأثرة على اي حاجة طب اقول ليه او انا كدا بغشه في ايه و مش لازم تكون عاملة حادثة انا اعرف واحد عمل كدا عشان كان فيه برومة جامدة في المكان اللي فو المساعدين و طبعا دا اللي عليه الحمل كله و عمل لحمات و فشلت و طبعا بقى كانه راكب عربية كارو فبرضة شال و حط؟
بص بأه المفرووض يكون كل شئ مبنى على نور.لان الامانه مهمه جدا فى موضوع البيع والشراء.ووممكن الواحد زى ما ضحك على واحد.هايجى يوم ويضحك عليه فى عربيه
رأى الشخصى لازم تقول للشارى كل حاجة عن حصلت فى العربية حتى لو غيرت الباب لإن دى امانة و المفروض يعرف كل حاجة عن العربية لإنها لو بالنسبة لك مش مؤثرة ممكن تكون مؤثرة بالنسبة له
ده الكلام المظبوطاقتباس:
المشاركة الأصلية كتبت بواسطة sharky
اي حاجه قولها
لو مش هتقولها يبقى اكيد عارف انها ممكن تأثر ولو ممكن تأثر يبقى لا تقبلها على نفسك ولا تقبلها على الغير
لو مش هتأثر يبقى قولها وريح ضميرك وذمتك امام ربنا
اوكي انا فاهم قصدكوا ايه و دا اسلوبي في البيع و الشراء الحمد لله
بس انا قصدي ان زي مافي ناس فاهمة زيكوا في كمان ناس مش فاهمة و البيعة هتبوظ او يكون فاهم ويكشف و يعرف انها مش مأثرة على اى حاجة بس يستغلها طريقة لتنزيل مبلغ محترم و خلاص
مش عارف!!
كلامك سليم بس هو حقه يعرفاقتباس:
المشاركة الأصلية كتبت بواسطة loodabds
وحقه يحاول ينزل في السعر بناء على المعلومة
و حقك برضه ترفض او تقبل مادام بضاعتك سليمة
بس تختصر كل ده منك لنفسك و تخبي .........
تبقى ممكن تكون حرمت فلوسك بايدك ومن غير سبب
ابتغي وجه الله زي مانت كده و هو يحسنلك البيعة
ربنا معاك
المفروض نكون امناء للغايه وخلينا نخلص من خراب الذمم والغش والخداع اللي انتشر واصبح السمه الرئيسيه في حياتنا واصبح الشك في الأخر هو القاعده .
والموضوع ده شاغلني جدا لاننا اكتر بلد في الدول العربيه نستخدم الأيات القرآنيه في حياتنا ... علي السيارات وعلي الحوائط ويفط المحلات ... الخ .
ورغم ذلك كل هذه مظاهر لا اكثر واصبح الدين عندنا مجرد طقوس نقوم بها ولا ينعكس هذا علي تصرفاتنا .
الجوامع مليانه والذبيبه علي معظم الوجوه والكثير من الذقون وجمبع مدارس البنات في مصر تقريبا اصبحت محجبه وبعد كده مفيش تقوي .
الدين المعامله يا ساده ..الدين المعامله . بنتجاهل العباره دي ليه ؟
حرام والله ... حرام والله . .. الخواجات بلا مناقشه افضل منا في التعامل ولا ينقصهم الا الأسلام .. نقولها كده بصراحه
اصبح المنفعه الشخصيه والتكالب علي المصالح واكل الحقوق هو الغالب ويبقي التاجر مثلا واكل الزبون وضاحك عليه وغاشه ويسمع اذان الجمعه يقفل المحل ويجري علي الجامع والسبحه والسجاده في ايده .
معلش طولت عليكم بس انا فعلا مبقوق من هذا الحال .
الا البيع والشرا
هاتلاقي بركة الفلوس ربنا محقها
وهوووب تجيب حاجة اسواء من اللي كنت راكبها
طب ولية
انا عربيتي كذا وفيها كذا وعامل كذا وخلاص
+1111111111111111111اقتباس:
كلامك سليم بس هو حقه يعرف
وحقه يحاول ينزل في السعر بناء على المعلومة
و حقك برضه ترفض او تقبل مادام بضاعتك سليمة
بس تختصر كل ده منك لنفسك و تخبي .........
تبقى ممكن تكون حرمت فلوسك بايدك ومن غير سبب
ابتغي وجه الله زي مانت كده و هو يحسنلك البيعة
ربنا معاك