استفسار بخصوص صيانة 5000

**hassaan** · 04-09-2011 04:41 PM

عندي صيانة 5000 مع العلم ان العربية معايا من 10 شهور بسال هل الزيت هيتغير لاني قربت علي سنة ولازم الزيت يتغير بعد 10 الاف او سنة ايهما اقرب زي كلام مركز الصيانة؟ ولو غيرتة بعد 5000 تاني اغيرة تاني ؟
تاني حاجة في حاجة تنصحوني بيها اقولهلهم في الصيانة ؟

**MOUSTAFA_SAAD** · 04-09-2011 06:43 PM

الزيت فعلا مدته سنه او 10000 كيلو ايهما اقرب
قولهم اى حاجه بتشتكى منها

**ayman1204** · 04-09-2011 06:53 PM

المشاركة الأصلية كتبت بواسطة moustafa_saad

الزيت فعلا مدته سنه او 10000 كيلو ايهما اقرب
قولهم اى حاجه بتشتكى منها

**keeko** · 04-09-2011 10:08 PM

هو مش المفروض صيانة ال5 الاف لما اوصل ال5 الاف او بعد مرور 6 شهور ولا ايه؟؟؟

**ch_mahm2024** · 04-09-2011 10:45 PM

ما اعلمه عن صاينة ال 5000 هو لا شئ سوى التنظيف بالهواء(يعنى بلاور كده وينضفو العربية وبس) اما بالنسبة لقصة تغيير الزيت فأنا قرأت بحث عن ذلك بيقول ان الزيت ممكن يستخدم فى العربية حتى 20000 كيلو وقصة تغيير الزيت كل 10000 او 5000 كيلو دعاية كاذبة من شركات الزيوت وليس لها اى اساس علمى وانا عن نفسي لم اغير الزيت بس لسه عامل 12000 كيلو وناوى ان شاء الله اوصلها الى 18000 كيلو وبعدين ابتدى افكر اغير الزيت وفى خلال هذه الفترة ممكن تزود بزيت ذو جودة عالية فقط تزويد هذا والله اعلم واليك رابط الموضوع
حقيقة تغير زيت السيارة - ملتقى المهندسين العرب - أول ملتقى هندسي عربي

**hassaan** · 05-09-2011 10:49 AM

بس يا جماعة كلمتهم علي خدمة العملاء بيقولو تغيير الزيت اما بعد 10000 او سنة يعني كدة هيغيرولي زيت دلوقتي وييجوا تاني يغيروة علي صيانة 10000 يعني انا بقي هغير زيت ال10 الاف بعد كل 5000 كيلومتر ؟ دة يبقي تهريج

**salah_amir** · 05-09-2011 12:43 PM

جزاك الله خير على عرض تجربتك لكى يستفيد منها الجميع
و بالتوفيق

**Abdm** · 05-09-2011 06:12 PM

المشاركة الأصلية كتبت بواسطة hassaan

بس يا جماعة كلمتهم علي خدمة العملاء بيقولو تغيير الزيت اما بعد 10000 او سنة يعني كدة هيغيرولي زيت دلوقتي وييجوا تاني يغيروة علي صيانة 10000 يعني انا بقي هغير زيت ال10 الاف بعد كل 5000 كيلومتر ؟ دة يبقي تهريج

حضرتك سيبك من موضوع السنة دة أهم حاجة الكيلو مترات لو عايز تحط زيت موبيل يبقى هيعد فى العربية 10000 كيلو متغيروش وقلهم فى التوكيل الزيت لسة ما كملش 10000 كيلو ومش هغيروا دلوقتى .... وممكن يقعد أكتر من 10000 كيلو يعنى ممكن يوصل ل 12000 أو 15000 وأنت حاطط فى بطنك بطيخة صيفى وما تقلقش وما تخافش لآنهم مش مدة كبيرة .أنا ما قولتش 20000 كيلو ممكن تخاف .لكن لغاية 15000 ما فيش مشكلة بأذن الله
الحل التانى: أنك تحط زيت 5000 كيلو وتغيرو عند صيانة العشرة ألاف أو الخمس ألاف كيلو متر حسب ميعاد الصيانة
والله الموفق والمستعان

**hassaan** · 08-09-2011 11:26 AM

شكرا علي الافادة

**Egyzizo** · 08-09-2011 01:10 PM

المشاركة الأصلية كتبت بواسطة hassaan

بس يا جماعة كلمتهم علي خدمة العملاء بيقولو تغيير الزيت اما بعد 10000 او سنة يعني كدة هيغيرولي زيت دلوقتي وييجوا تاني يغيروة علي صيانة 10000 يعني انا بقي هغير زيت ال10 الاف بعد كل 5000 كيلومتر ؟ دة يبقي تهريج

بسيطة ، وحصلت معايا فى عربية لوجان تخص قرايبى ..
كانوا عاملين 6 آلاف فى سنة ، فرحت صيانة ال5 آلاف وخليتهم يغيروا زيت ويحطوا زيت 5 آلاف فقط مش زيت الـ 10 آلاف ، على أساس ان فى صيانة العشرة أبقى أغير زيت عادى ..
ولو نفس استخدام العربية البسيط مستمر هخليهم يحطوا زيت 5 آلاف فى صيانة الـ 10 آلاف
وبكده تبقى ما خسرتش حاجة ، السنة بتاعتك استخدمت فيها زيت مناسب لمشيك وسعره نصف سعر زيت الـ 10 آلاف ..

الكلام ده كان فى مركز خدمة معتمد اسمه العدوى على طريق المحلة المنصورة .. وممكن تعمله فى أى مركز خدمة معتمد أو حتى فى التوكيل.