الموضوع: الخوف من السواقة بقى حالة مزمنة .. ايه الحل ؟؟

المشاركة الأصلية كتبت بواسطة aboharb

مشكلة مش عارف اعالجها فى السواقه انى لما كون ماشى فى شارع طوالى والاقى حد جه من اى شارع جانبى ولسه مكسرش على الطوالى بلاقى نفسى لا ارادى بهدى جامد من سرعتى حتى لو الطريق فاتح وده بيخلى الكل يشغل الكلاكاسات وابقى متبرجل لحد يخبطنى من ورائى او اخبط انا اللى طالع من الجانبى وبعد ما يعدى الموضوع اكتشف انى انا الغلطان لانى ممكن اديله كلاكس او نور وامش على نفس السرعه من غير ما اكعبل الشارع كله لكن مفيش فايده كل مره بعمل كده لا ارادى والحاجه التانيه انى بحب امسك الشمال مع انى بسوق هادى ولسه جديد فى السواقه وده بردك بيخلى اللى ورائى يدى كلاكسات وياسلام لو سايب مثلا 10 متر بينى وبين اللى ادامى تلاقى عربيه حديثه طارت ورمع نفسه فى المسافه ده :n_no[1]:

بص في مصر كدا كدا هاتلاقي اللي يكلكسلك بسبب و بدون سبب و حكاية انك تهدي لما يكون في حد طالع من الجانبي مش غلط لانك مش عارف هوا مقرر يكمل طلوع على الطوالي اللي انت فيه و لا هايقف و يستنى فا مفيش مانع انك تهدي لحد ما تشوف هوا هايعمل ايه بس المهم ماتهديش فجأة و جامد عشان اللي وراك برضو يلحق نفسوا و مايلبسش فيك و ماتقلقش دي حاجة هاتيجي بالممارسية بما انك لسة جديد في السواقة

بس حكاية انك تمشي في الشمال ببطىء دي بلاش منها خااااااااااااالص لانك كدا بتعطل اللي وراك و بتعطل اللي على يمينك كمان لان التخطي المفروض يكون من الحارة الشمال و انت كدا قافلها و التخطي من اليمين غلط فا حاول تمشي في النص افضل ، انت عشان جديد في السواقة حابب تامن نفسك و يبقى جنبك عربيات من ناحية واحدة بس بدل ما تبقى ماشي في النص و جنبك عربيات من ناحيتين و حد يكسر عليك ولا حاجة و كمان اليمين فيه عربيات بتقف و بتهدي كتير فا انت شايف ان اأمن حاجة ليك هي الشمال و برضو شوية شوية لما قلبك يجمد هاتلاقي نفسك بتمشي في اي حارة و تتعامل عادي ماتقلقش