الموضوع: الخوف من السواقة بقى حالة مزمنة .. ايه الحل ؟؟

المشاركة الأصلية كتبت بواسطة د.أحمد عبد الرحمن

الموضوع طبي بحت

post traumatic stress disorder
أعراض ما بعد الصدمة

ودي بتحصل للناس اللي واجهوا ظروف صعبة زي الحروب والحوادث أو لا قدر الله شاهدوا احد اقربائهم بيحصلوا حاجه

دا اللي حصل للجنود الامريكان بعد حرب العراق ولاحظي انهم بيعانوا منها لحاد دلوقتي

المرض ده عبارة عن نوع من القلق الغير مفسر, وممكن يقعد فترة طويلة

لاحظي ان سنك مش كبير ومع ذلك حصل لك حاجه محصلتش لمعظمنا

مش كتير مننا عربياتهم راحت total loss وبالتالي انت من جواكي حاسه ان حصلك حاجه exceptional بالنسبة للناس اللي انت بتعرفيهم بيسوقوا

رأيي المتواضع :
1. زيارة طبيب نفسي, مش عيب وياما بره عندهم عيادات الخوف من الطيران والخوف من الارتفاع والخوف من الكلاب

2. الاتصال بحد حصلت له حادثة كبيرة وعربيته راحت نوع من ال group therapy او علاج المجموعة

3. حاولي متعديش من المنطقة اللي العربية عملت حادثة فيها اليومين دول

4. مع الوقت وكل ما (حتتفادي) حادثة قولي لنفسك انا شاطرة والميكروباص ده لو مكنتش دوست فرامل كان زمانه دخل فيا وهكذا حتربي عندك ثقة بتتزايد كل يوم

6. قراءة دعاء ركوب الدابة قبل القيادة وتقولي بصوت عالي لنفسك (قل لن يصيبنا إلا ما كتب الله لنا) ونفر من قدر الله إلى قدر الله

5. على فكرة الاعضاء قالولك على اقتراحات كثيرة حلوة وعجبني انك تروحي الملاهي وتركبي العربيات اللي بتخبط في بعضها حتحسي ان سواقة العربية احلى واهدى وبيعمل نوع من ال desensitization يعني التغلب على احساس الصدمة المخيف ورعب انك تعملي خبطة

طب حضرتك تنصحني بأيه
انا لسة عامل حادثة طازة (اول رمضان) والعربية حتي وقتنا هذا بتتصلح وواقفة طبعا علي قطع الغيار الي الواحد ماكنش عامل حسابه عليها ودة الي مزود احساسي اكتر بالندم لأن العربية كانت نفعاني ونافعة البيت كله طبعا

كمان انا عملت الحادثة فوق كوبري والحمد لله بفضل الله اني ماتقلبتش من فوق الكوبري لأني طيرت السور بتاع الكوبري بوش العربية والمشكلة انها في ملف

كل يوم بعدي علي مكان الحادثة وبشوف الكوبري والسور الي لسة زي ماهو

ولما بكون راكب ميكروباص ويدخل الملف دة (طبعا بسرعة) بخاف جدا وبقرا قرآن وبيجيلي احساس ان الملف جامد جدا لدرجة انه بيخليني امسك في العليقة بتاعة اليد وكمان قصوري الذاتي بيرفعني من عللي الكرسي

كذا مرة اقول للسواق هدي يا اسطي ربنا يستر طريقك وطريقنا

ولما بكون انا الي سايق (عربية اخويا) بهدي اوي في الملف وببعد تماما عن الحادثة وبيجيلي دوار الأرتفاع لما بقرب من مكان الحادث

ارجو الأفادة

والله المستعان
،
،