عربية احد اصدقائى عمل بيها حادثة رحنا عند اكتر من سمكرى ومركز سمكرة ودوكو و الاسعار متفاوتة بطريقة غربية جدا جدا يعنى مثلا فى الدوكو المفروض يبقى رش ربع العربية القدمانى بكام فى يطلب 700 600 جنيبة والى يطلب 300 و200 جنية انا مش فاهم حاجة ازاى يعنى و شغل السمكرة بردة الى يطلب 600 و 500 جنية والى يطلب 250 جنية والاسعار القليلة دى بردة عند مراكز سمكرة ودوكو مش ناس فى الشارع
الدوكو بيفرق ف الخامة بتاعت البوية يعنى ايطالى - استثمارى ...الخ
انما الفرق الرهيب نتيجة ان صنايعى يقولك مصنعيتى كذا و انت عليك الخامات
و التانى يقولك مصنعيتى بالخامات كذا
و بالنسبة للسمكرة فى سمكرى نمرة واحد و يرجع العربية زى م كانت بس غالى و ممكن الرخيص ميظبطهاش
انت اسال ف المنتدى هنا عن سمكرى كويس و هم حيدلوك ان شاء الله
لو العربية تستاهل ... يبقى ماتستخسرش فيها.
خد بالك إن معظم الصنايعية بيقدر الشغل على حسب نوع العربية مش اللى هايعمله -
هو الدوكو بيفرق فى الخامه
لكن السمكره دى بقى بمزاج الصنايعى
لا طبعا لازم صنايعى الدوكو يكون ظابط الشغل وتجهيز العربية على الفرن لان الصاج لما بيتخبط لو السمكرى نمرة واحد مش هيرجع زى الاول ودى بقا حرفة صنايعى الدوكواقتباس:
المشاركة الأصلية كتبت بواسطة moustafa_saad
اعرف سمكري ممتاز بس ف فيصل و بتاع فرن حلو
السلام عليكم و رحمة الله و بركاته
فيه صنايعية أذكيا teeeeeeeeeeeeeet بيتذاكوا أوى, و لما توريهم العربية -وبالذات السمكرية- بيبقى عارف أنك لفيت على كذا واحد قبله و يقوم رميلك سعر عمرك ماهتلاقيه فى أى مكان و يبقى عارف أنك هتلف تلف و ترجعله فى الآخر لأنه أقل سعر, زمان و أنا قاعد فى الصيدلية كنت ألاقى زبون ناصح معاه روشتة و ماشى يسأل كل صيدلية, الدوا ده بكام, طبعا, أسعار الدوا واحدة فى كل الصيدليات, أقوم أنا حاسبهم و عامل خصم 10% و ماقولهوش و أقوله الاجمالى يا حااااااج , كذا ......, يقوم يطلع من عندى و يكمل لف و فى الآآآآآآآآآآآآآآآآآآآآخر يا عينى, بعد ما رجله تورم يجيلى, أقوم جايبله الدوا و و محاسبه زى أنا ما قلتله و قايله, بالشفا ان شاء الله يا حااااااااااااااااج.
الأهم, أنك تستنظف الصنايعى -مش اللى بيستحمى كتير- لأ, اللى شغله نظيف, حاكم الصنايعية دول, فيه منهم اللى عامل زى نجارين الطبالى و منهم اللى عاملين زى الجواهرجية, شوف واحد من اللى ايديهم تتلف فى حرير, عشان بعد مايخلص العربية, ماتلاقيش نفسك كرهتها لما تطلع مش مظبوطة.
شكرا جدا لكل الناس الى ردت .. هى العربية بولو و انا عارف علامة الفولكس بتجيب حالة للصانيعية حتى لو كانت بولو قديمة بس بردة يعتى مثلا فى مركز سمكرة ودوكو طلب 1300 جنية سمكرة الكبوت والرفرف وتغير الرفرف التانى وهيرش الربع القدمانى والاكصدامين دة كدة يبقة غالى ولا متوسط اصل مركز تانى هيعمل نفس الكلام ما عدا رش الاكصدامين ب 600 جنية ؟؟؟؟؟ مش لاقى تفسير
نصيحة عن واحد شاف المرر في المجال ده
السمكرة لما تتعاد بتعيب العربية
يعن يهاتعمل شغل سمكرة وحش
ماهو كل على حساب الدق والاهلاك في صاج العربية
وتلاقي الرفرف مثلا لو اتدق فيه بقي مرهرط وخرع واي حد يسند عليه يطبقة من لان العصب بتاعة باظ
والبوهيجي غصب عنه يزود معجون عشان يخليه ماسك نفسه شوية
في سمكري يوميته 30 وفي يوميته 50 وفي يوميته 100
مستحيل يكون ده زي ده
وكذلك الدهان
انواع البوية بتكون اول عامل
الغش في البوية ده تاني عامل يخلط انواع دهان ببعض
يقولك هاعملك كله اسكينز
ويحط الوش الاخير سكينز وجوة عادي او اوميجا او كوري
البطانة نفسها
اللي بيبطنهالك
في صنايعي جامد وصنايعي نص نص وصنايعي بيتعلم فيك
في صاحب ورشة يسترخص في الصنايعية ويجيب صنايعي بشلن
ولما يعك يروح لبتاع الدهان عشان يداري العيوب وراه بالمعجون
وووووو
في عك كتير قوي في الحوار
اهم شيئ في الحوار كله
اللي يقولك بعرف وبعرف وبعرف واعملك
شوف الشغل بتاعه
شوف العربيات اللي واقفة عندة
شوف الشغل اللي طلع من عنده
يعني مثلا ورشتنا بفضل الله عربيات احدث موديل دخلت لنا
525 مود 2011
شيروكي ليمتد
مرسيدس جديد وقديم غير العربيات العادية
وكل شغل بتمنه
حبيت بس انقلكم بعض خفايا العالم ده
متشكر جدا يا استاذ كريم على رد حضرتك على العموم هى العربية اتعملت خلاص بس انا كنت عايز اعرف الى كان عايز 1300 جنية دة مركز صيانة بتاع سمكرة ودوكو وبيعمل عربيات للشركات التأمين وشغلة كويس هو كان هيرش الربع القدمانى والاكصدامين وسمكرة فى الكبوت ورفرف وتغير الرفرفر الاخر وشد الكرتيرة الى جوة بزرجينة دة سعر معقول ام غالى مع العلم ان المركز دة شغلة كتير ونضيف وبيشتغل فى الاغلب على عربيات التامين الجديدة
ممكن بياناته على الخاصاقتباس:
المشاركة الأصلية كتبت بواسطة love7amada
معرفش نسبة السمكرة قد ايه في الموضوع ونوع الصنايعي اللي هايشتغل فيها بس بسعر الحرفيين والورش الكويسة سعر كويساقتباس:
المشاركة الأصلية كتبت بواسطة merosss
لان اقل من كدة على حساب العربية للاسف وانت اللي هاتزعل في الاخر