دي حكاية قديمة و مش على الموديلات اللي بتنزل مصر
لو سمحت مفيش أي داعي تطلع اشاعات و كلام غلط ممكن يشوش على الناس
العربية كويسة و مناسبة جدا و كلامك غلط
عرض للطباعة
يبني متبطل بقى تخش في كل حتة في المنتدى تعد تمدح الالنترا بتاعتك الكوري دي .. انتا بتحلل لنفسك الفلوس عشان اتدبست فيها و لا ايه ؟؟ انت ذات نفسك عارف من جواك ان الفلوانس ست ست الالنترا الكوري البلاستيك دي بس مش عايز تعترف .. و احنا مش محتاجين نخش معاك في مناقشات عشان احنا عارفين ان عندنا عربية من افخم العربيات في مصر .. بطلو غيظ و حقد بقى اعوذ بالله .. قالك هيونداي قال .....
جزاك الله خيرا على النصيحة
والله أنا كنت في حيرة شديدة خلال الشهر اللي فات بين كذا عربية ومنهم الالنترا الجديدة. وفعلا روحت كذا مره عند المصرية وشفت العربيتين على الواقع. هي الالنترا عربية محترمة والتصميم الجديد فعلا جذاب والمساحات الداخلية واسعة بشكل ملفت عن الموديل اللي قبلة. بس بعد مقارنات فضلت الرينو على الالنترا (مع ان المنافسه كانت شديدة والحيرة كانت أشد) للاسباب الاتية:
1. التوكيل أفضل ... أنا شخصيا أفضل التعامل مع التوكيل للحفاظ على السيارة والحفاظ على وقتي لأني موش هقدر اتابع الصنايعية و الف وأدور عليهم... حتى لو التوكل أغلى بس أفضلي. وان شاء الله ناوي أروح التوكيل حتى بعد انتهاء الضمان. فموضوع التوكيل ده موضوع مهم جدا.
2. شكل الفلوينس أريحلي .. يمكن أنا بحب الشكل الهادي للعربيات. وطبعا دي كلها أزواق.
3. حسيت ان خامات الفلونس في التقفيل أفضل. يمكن دا احساس. هي جوده التقفيل في العربيتين ممتازين.
4. طبعا الكوري يتفوق في سعر إعادة البيع. بس أنا موش ناوي أبيع قريب وموش من النوع اللي بيفكر في إعادة البيع عند شراء سيارة.
5. أنا من الناس اللي تحب السيارات الذكية وذات الامكانيات الكمبيوترية العالية. ود واضح في سيارات الرينوا ... في ناس كتيره بتعتبر ده عيب لأنه ممكن يسبب أعطال. لكن أنا شخصيا بحس بالرضى لما أكون راكب عربية وفيها تكنولوجيا وإمكانيات عاليه.
6. عند مراجعة أسعار قطع الغيار والصيانة لاقيتعا معقولة لحد كبير. ممكن تكون أغلى من عربيات تانيه ..بس موش مبالغ فيها.
7. موتور الالنترا أسرع في الاستجابه ... ودا موش مؤثر معايا ... أخوك من النوع الهادي في السواقة واللي بيلتزم بالسرعات المحددة :b4_048: يعني موش هجري ولا هشد ولا هحرق.
يميز الالنترا في وجه نظري هو وجود ألوان اكتر وكمان التابلوة الفاتح بيبقى تحفه وأشيك بكتير. كنت أتمنى ان الفلوينس يبقي فيها تعدد الوان اكتر.
الف مبروك يا باشا وان شاء الله ربنا يباركلك فيها ..
على فكرة فعلا الطارق معرض كويس و معاملته هايلة .. انا حاجز عندهم ميجان بس لسة ماستلمتهاش .. و كنت عاوز اسألك على حاجة .. ممكت تقوللى التقسيط مع أبو ظبى تفاصيله ايه ؟؟!1 احسن انا خدت موافقة من عودة على فايدة 9.6% مع انى دافع اكتر من 50% مقدم .. و حاسس ان ممكن الاقى عرض احسن ..
و مبروك مرة تانية ..
بغض النظر عن موضوع كوري و فرنساوي و هندي ما الالنترا كوري هو الكوري بتاع الالنترا احسن من الكوري بتاع الفلوانس
انا بتكلم عن فلوس مقابل كماليات و اداء و فخامه و كمان اسعار قطع الغيار لو لفيت لفه و سألت هتستغرب لما تلاقي اسعار قطع غيار الفلوانس ارخص و علي رأي المثل
تغووووووووووووووور من غبوووووووووووووووور
يا بابا اهدى بس و بطل غيظ من الفلونس عشان تقدر تستوعب .. طول مانت متغاظ كده مش هنقدر نناقشك
اللي حضرتك بتتكلم عليها دي فعلا الفلوانس الكوري اللي بتتجمع في كوريا و بتنزل دول الخليج و دي مختلفة تماما عن الفلونس الفرنساوي .. و بعدين متعدش تقول وتردد ان الفلونس تركي .. الفلوانس فرنساوي و بتتجمع في تركيا .. معنى كلامك ان البي ام الفئة السابعة مصري عشان بتتجمع في مصر ؟؟
بطل بس حقد و اعرف المعلومة كويس و بعدين ابقى قول رايك و لو اني عارف انك متعصب جدا للالنترا و ده بدليل مشاركاتك اللي شوفت منها 50 عالاقل في كل موضوع اخشه في نايل موتورز ... بتخش تقول الالنترا احسن حاجة وتعد تذم في عربيات الناس التانية و تكت من الموضوع و محدش يشوفك تاني .... و اللي عايز يتأكد يراجع مشاركاته و هو هيعرف
انت عايز تعمل الالنترا الكوري اللي زي العربيات الصيني تبقى ند للفلونس دلوقتي .. والله بتضحكني لما اشوف مشاركاتك .. استمر عشان خاطري لحسن مكتئب اليومين دول و عايز اضحك
يا جماعة الفلوانس اللي بتنزل مصر فرنساوي غير اللي بعض الناس اللي بتحب تتكلم و خلاص بتقول انها كوري ... في منها نسختين ... النسخة اللي بتنزل مصر و دي اوروبية و النسخة اللي بتنزل الخليج و دي مختلفة تماما عن بتاعتنا ( كوري ) ... والاخ اللي عمال يقول النترا ده عايش في السعودية .. هما بينزلهم الكوري عشان كده عمال يقول سامسونج و بتاع .. و ده اكبر دليل انه بيتكلم من غير ما يفقه هو بيقول ايه
ياه ... انا حاسس ان الفايدة كبيرة وانت هتدفع دفعة مقدمة كويسه ....
بالنسبة للبنك الوطني هما عندهم نظام المرابحه الاسلامية. أنا عندي معاد معاهم ان شاء الله الاسبوع ده علشان الاجراءات والورق وان شاء الله يكون خير ويتم الموافقه.
بالنسبة للتفاصيل
1. نسبة الزيادة هي 9.5% سنويا
2. أقل مقدم 25%
3. أطول مده تقسيط 5 سنوات
4. معندهومش توكيل أو نسخه مفتاح ... عندهم حظر بيع على العربية حتى اتمام السداد.
5. ممكن تأمن مع أي شركة تأمين.
6. مده الاجراءات تقريبا اسبوع
7. انا موش عارف ايه النظام للموظفين علشان أنا موش موظف .. ايه اللي مطلوب من أوراق بس اعتقد مفردات مرتب ويكون القسط تقريبا 1/3 المرتب. بالنسبة للمهن الحرة سجل تجاري وبطاقة ضريبية وطبعا وصل نور.
8. الاستعلام عن طالب التقسيط في العمل وفي المنزل بياخد تقريبا 3 أيام.
9. إذا تم القبول ... بتجيب عرض أسعار من المكان اللي يريحك ... هما بيشترو العربية وبعدين يبيعوهالك عن طريق المرابحه (التقسيط الاسلامي)
10. مفيش غرامات تأخير.
هما رقمهم المختصر 19951 علشان لو عايز تستفسر عن حاجه محدده.