كل عام وانتم بخير
محتاج اعرف عن السيستم بورش موديل 1992--عايز اعرف اسعارها تتراوح من كام لكام وايه عيوبها --وياترا ليها قطع غيار فى السوق ولا ايه ---وممكن يركبلها تكيف
لكم الشكر
عرض للطباعة
كل عام وانتم بخير
محتاج اعرف عن السيستم بورش موديل 1992--عايز اعرف اسعارها تتراوح من كام لكام وايه عيوبها --وياترا ليها قطع غيار فى السوق ولا ايه ---وممكن يركبلها تكيف
لكم الشكر
حضرتك السيستم بورش عربية حلوة وكل حاجة بس ماتحكمش عليها زي الموديلات الي بعدها من 94 وطالع
العربية دي بتتراوح بين 20 لحد 24 حسب الحالة ولو حالتها مش قد كدة ممكن كمان تعمل 18 و 16
العربية السيستم بورش تصميم ايطالي 100 %
وبورش بس مصممة نظام الأتزان والعفشة وليس الموتور كما هو شائع (بورش تصميم مواتيرها بيبقي تبريد زيت وهوا - زي البيتل لأنها من تصميم بورش- وكمان بيبقي الموتور خلفي علي كبالن)
العربية دي تتقارن بالزات مع الأونو وهي اكثر السيارات شبيه لها
من عيوبها الشائعة كأغلب الفيات الفتيس وعلب الشاسيه والكبالن
قطع الغيار مش هفيدك فيها اوي بس انا الصراحة عمري ماشوفتها استيراد عند حد من الي بروحله
مش عارف تكيفها حلو ولا لاء لأني ماشوفتش منها مكيف كتير وغالبا بيبقي متركب هي 1200 سي سي علي ما اعتقد
اقصي كماليات شوفتها فيها الزجاج الكهربائي والسنتر
بس عموما هي عربية لو حالتها نظيفة هتبقي كويسة بس هي مش بتاعة فحت وردم زي الموديلات الي بعدها
موفق في الشراء انشاء الله
والله المستعان
،
،
شكرا على الرد ---اتمنى لو رشحتلى سيارة فى حدود 16000 ولك كل الشكر بس بلاش فيات
في عربيات كتير اوي حلوة في حدود 16
نبدأ بالفولكس جولف 1 موديل 81 - 83 بس من عيوبها غلاء قطع الغيار الأستيراد
فولكس بيتل موديل 74 - 77
مازدا 323 موديل 83 - 84
هوندا سيفيك موديل 81 - 83
لادا 1500 موديل 81 - 84
لادا سمارا 93 - 97
لادا نيفا 81 - 84
دة الي انا متذكره حاليا لكن لسة في كتير اوي
اهم حاجة الحالة ومش مهم طبعا في الي انا ذكرته دة تكون رشة جوة ولا برة المهم تكون اساسيات سليمة وفرش وصالون نظيف
والله المستعان
،
،
طيب معلش انا اسف بس ممكن اخد رايك فى الستروين ax موديل 94/97
يعنى عشان التكيف و1400 سىسى
قطع غيارها مولعة ومش موجودة
اببعد عنها احسن
ولو عايز حاجة هاتشباك خليك في السمارا احسن حاجتها موجودة وبرخص التراب
والله المستعان
،
،
شكرا جدا جدا على الافادة