الموضوع: كيفيه زياده العزل الصوتي لنيسان صني بالصور ^_^

السلام عليكم ورحمه الله وبركاته



طبعا مما لاشك فيه ولا جدال ان كل ملاك النيسان صني عندهم احساس ان العربيه كانت محتاجه تبقى معزوله اكتر من كده
بمعني اخر



1- صوت الموتور كان لزم يبقى اهدأ من كده شويه
2-الاحساس بالطريق يبقى اقل من كده

3- صوت الهواء المتدفق تحت السياره يكون اهدأ من كده

ومن خلال بحثي على الانترنت
ومن خلال خبرتي في عزل فيات 132 قبل كده

وجدت الاتي (انا حبيت اقسم الحل لمرحلتين)

المرحله الاولى (الكابود)

بما صوت الموتور كان لازم يبقى اهدأ من كده شويه
(مش عيب في الموتور بسبب سير الكاتينه الجنزير )
ولكن عزل الكابود مش موجود(وده بيفرق النص تقريبا في عزل الصوت والحراره)
يعني لو تم ايجاد قطعه العازل اللي بتركب في الكابود هتكتم صوت كتير جدا واحساس مختلف تماما

والحقيقه انا عايز اجيب عازل الكابوت ولكن لم استدل الى الان مكان اقدر اجيبه منه
مع العلم ان طريقه تركيبه سهله جدا ومش محتاجه فني لانه بيركب بكلبسات واماكنها موجوده في الكابود ...

ودي صوره العازل






فيا ريت لو حد يعرف ممكن نجيبه منين هيبقى عمل جميله مش هننساها ابدا.
================================================== ====

المرحله الثانيه (الكابينه)

عزل الكابينه هيتم على جزئين الاول الابواب والتاني الارضيه
الابواب::
هيتم فك الفرش وتركيب الماده العازله على الفيبر بتاع الفرش من خامه الصوف الزجاجي ومن خامه تانيه الحقيقه مش فاكر اسمها بس هي فيبر مغلف بماده معدنيه شبه القصدير(منتظر حد يفكرني اسمها)
وفي عازل مطاطي للصوت بيركب على الصاج بتاع الباب نفسه
بس الحقيقه مش عارف ده هنعرف نلاقيه في مصر ولا لأ او هنلاقى البديل

صور الابواب


دي صوره الماده المطاطيه


(الصور القادمه خاصه بعربيه رينو بس انا اقصد المفهوم وليس النوع)





وبعد كده المرحله الاهم ....الكابينه

اولا :الفك
سيتم فك كلا من
-الكراسي الاماميه (الكرسي مثبت باربع مسامير وبيطلع بالمجرى بتاع الكرسي)
-الكنبه الخلفيه عن طريق قطعتين بيتسحبوا تلاقيها اتفكت معاك
-المخدع الخلفي بال شاسيه بتاعه لو هيا سوبر صالون
-الكونسول الوسطي اللي بين الكرسيين الاماميين
-قايمين النصف السفليين + غطاء وحده ECU الناحيتين + الفبر الجانبي اللي بيقفل على موكيت الارضيه
-
ثانيا : تركيب خامات العزل
الصور هيا اللي هتخلينا نفهم (صور خاصه بنيسان صني)








---------------------------------------------------------------------

للامانه انا تجربتي كانت مع 132 وكان احساس القياده بعد كده مختلف تماما لما عزلت ارضيه الكابينه والابواب وكنت استخدمت الماده الفضيه والصوف الزجاجي وكان سمك 5 مم والعربيه فرقت معايا تماما كأني كنت قاعد في الشارع قبل كده

واتمنى الموضوع ينال اعجابكم ويفيدنا اننا نعزل (أ ُزه) (الصني بتاعتي )

وطبعا نفسي اهل الخبرات في المنتدى يضيفوا على الموضوع عشان يخش في طور التجربه العمليه
من ناحيه المواد المتاحه والصنايعيه اللي نقدر نطمن انهم يفكوا العربيه والذي منه


ومعلش طولت عليكم
هدانا الله واياكم لصالح الاعمال
اخوكم محمد علاء

المشاركة الأصلية كتبت بواسطة hossam99

لكن لي سؤال مهم : هي الصني ملهاش عزل في صدر العربيه بين الموتور و صاج الكابينه !!؟

على قد معرفتي الصني المصري على الصاج
لاني لما كنت بعمل الارضيه الجلد كنت بحاول ادور على اي حاجه في الموضوع
وللاسف ملقتش حتى مبادئ العزل
والله اعلم