المساعدة انا في حيرة

انا املك 72 الف وكنت عايز اركب عربية زيرو ففكرت اني اجيب عربية اول حاجة قلولي فيرنا وبعدين قالولي لانوس وبعديين قاللولي لا لا بلاش دي عربيات تعبانة هاتلك افيو رحت اجيب الافيو واحد قالي حرام عليك ترمي فلوسك فالارض يعم مفيش احسن من الوجان الجديدة 2012 البلاك لاين فول ابشن ب 71.5 الف قولت ماشي رحت علشان اشتريها لاقيت واحد كلمني وقالي انا هاجي معاك واحنا رايحيين قالي اية رايك فعربية cross قولتلة مييين دة قالي عربية تحفة ومميزات عشرة علي عشرة بس الوجان حلوة بردة انا بقة عملت اية رحت محل كشري التحرير ضربت طبق كشري ورحت مروح اتفرجت علي فيلم ونمت وانا بشد في شعري من الصداع

لا الة الا اللة بجد انا تعبت حد ينقذني من الي انا فية انا محتاج عربية وخايف اصرف الفلوس محتاج عربية تكون حلوة جميلة ممتازة مريحة اوبش حلو وكيل كويس

لما شوفت الوجان عجبتني ولما شفت تعليقات الناس علي frv الهاتباك جميلة وشكلها حلو

انا عايز من الاخر اروح اجيب ال frv ولا اروح اجيب الوجان من الاخر انا تعبت بجد

قطع غيار الاتنين متوفرين ولا انة واحدة تكسب

انا عايز حد يكون في نفس حيرتي وعاوز اعرف هو اختار اية

اخوكم محمود

اهلا بيك يا محمود
الاول خدلك حاجة علشان الصداع واشرب شوية شاى

خليك فى اللوجان
اعتمادية عن التانية
يعنى هتعيش معاك اكتر
توكيلها جيد
انتشارها معقول
عيبها ان قطع غيارها هتكون اعلى
بس فى المقابل هتاخد عمر اطول ليها وهتلاقيها