الموضوع: انا في حيرة

انا ممكن اقولك عن اللوجان لأنها هى الى معايا اما باقى الماركات مفتيش .......اللوجان محترمة

ألكلام النهائي فى اللوجان
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/


والعربية frv كل معلوماتى عنها انها مع اخو واحد صاحبي وركبتها بس مسوقتهاش وكانت هاف اوبشن ام 2 سماعه ممن قدام موديل 2009 وصاحبي قايلى انها بتنزل فى عيوب معرفش الحاجات دى اختفت فى 2011 ولا لا

بس الصينى صينى ( والاوربي اوربي ) انت راكب حاجة ا وربي هتعيش معاك عمر وزمن ان شاء الله

انت مش كل يوم هتجيب عربية

المشاركة الأصلية كتبت بواسطة tawfic

ده تقرير عن frv
http://www.nilemotors.net/nile/93754-frv.html
=================
ده تقرير عن اللوجان
http://www.nilemotors.net/nile/90472-2010.html
=================

ورائى الشخصى يتلخص فى الاتى
1- روح شوف العربيتين فى الطبيعه واركب جواهم الراحه النفسيه مهمه جدا
2-ماتقلقشى من موضوع قطع الغيار لانهم الاثنين متوفرين بره التوكيل اى نعم مش بكثره وفى اماكن محدده بس متوفرين
3- حضرتك ظروف حياتك ايه يعنى متزوج (لوجان)ولااعزب(frv) -عندك اولاد(لوجان) ولا لا(frv) - بتسافر كتير ( الاثنين) - بتمشى فى اماكن غير ممهده كتير(لوجان) ولا لا (frv)
بتحب تجرى وبتدور على ثبات(لوجان) - ولا بتحب تمشى عادى (frv) ده مايمنعشى ان (frv)مش ثابته ومش جارايه بس بصراحه ثبات اللوجان وهمى
4- العربيتين محترمين والتوكلين محترمين وقطع الغيار اسعارهم متقاربه بس نيجى بقه للاسم هتلاقى ان اسم ومنشاء رينو اقوى بكتير وسعر اعاده البيع اعلى فى اللوجان من الصينى عموما
5- صلى صلاه استخاره
6- اخيرا اى عربيه هاتحترمها وتصونها هاتحترمك وتصونك

ربنا يوفقك فى اتخاذ القرار الصائب

ربنا يكرمك انت كده جبت من الاخر وانصح الاخ محمود بنصيحتك ايضا فليستخر ويتوكل على الله ويشترى لوجان وفلوسه ابدا لن تذهب هباءا