السلام عليكم
انا معايا فى حدود 48000 ومحتار جدا بين الفيرنا والافيو (الكورى)
ارجو النصيحة
عرض للطباعة
السلام عليكم
انا معايا فى حدود 48000 ومحتار جدا بين الفيرنا والافيو (الكورى)
ارجو النصيحة
لو دخلت في كل قسم شويه .. هتلاقي شكاوي اكتر من الافيو يمكن 10 مرات عن الفيرنا
توكل علي الله الفيرنا احسن كتيــــــــــــر
اعتقد فيرنا احسن بكتيير من الافيو
وممكن تفكر في لانوس احسن واحسن
الاثنين ما يتركبوش
الاجابة بروتون ساجا
ان شاء الله ابدا ادور عليها
كانت معايا وبعتها زى ما فى التوقيع
طيب نركب اية
غالية عليا شوية انا بتكلم فى حدود 47 /48 الف
الفيرنا فعلا هتحس بنقله .. من نعومه و اداء و تكييف و سرعه و حتي " فرامل " عن اللانوس .. مع العديد من التحفظات علي الكلمه دي .. لأن الاتنين اقل من المتوسط
بس دور علي حاله كويسه و ما تكونش خارجه من تحت ايد شاب .. و طبعا ما تكونش بتتأجر .. لان منها كتير
حضرتك ممكن تركب بيهم (دايو) لانوس 2006 .. عن تجربة 7 سنوات معا (الدايو) عربية محترمة جدا لا يعيبها سوى ضعف الفرامل وليها حل بإنك تركب طنابير أسباني وتيل أسباني وهاتلاقي الفرامل اتحسنت كثير .. صحيح الفيرنا موتورها أقوى من اللانوس في الطلعات فقط .. بس على السرعات العالية لا تجاريها تماما .. واللانوس ثباتها أفضل من الفيرنا .. ومتوتورها معمر أكثر لأنه ألماني .. بس نصيحة أوعى تجيب (شيفروليه) لانوس علشان منصور ربنا ينتقم منه بوظها .. وربنا يوفقك للخير
حضرتك ممكن تركب بيهم (دايو) لانوس 2006 .. عن تجربة 7 سنوات معا (الدايو) عربية محترمة جدا لا يعيبها سوى ضعف الفرامل وليها حل بإنك تركب طنابير أسباني وتيل أسباني وهاتلاقي الفرامل اتحسنت كثير .. صحيح الفيرنا موتورها أقوى من اللانوس في الطلعات فقط .. بس على السرعات العالية لا تجاريها تماما .. واللانوس ثباتها أفضل من الفيرنا .. ومتوتورها معمر أكثر لأنه ألماني .. بس نصيحة أوعى تجيب (شيفروليه) لانوس علشان منصور ربنا ينتقم منه بوظها .. وربنا يوفقك للخير
الفيرنا جميله جدا
ابعد عن الافيو بمسافة كبيرة جدا الفيرنا برقبتها
لو استعمال ممكن تفكر ف الكريستالة او الملكة و ممكن نوبيرا 2
انما لو خياراتك محصورة بين الاتنين دول يبقى الفيرنا
فيرنا ان شاء الله
أسف إني ما أخدتش بالي من الصورة .. بس اللي حضرتك كنت راكبها دي لانوس 1 .. اللانوس 2 مختلفة وأفضل خاصة لو العربية نضيفة .. لكن لو انت مصر على الفيرنا خلاص توكل على الله بس لمعلومات حضرتك موتير الفيرنا مش كويسة زي اللانوس .. ودا مش كلامي والله دا كلام 3 أصدقائي مكرهاهم في عيشتهم .. وربنا يوفقك للخير .. وللمرة الثانية ابعد عن الأفيو:dontudear:
يا باشا بما انك معاك لانوس فربنا يكفيك شر السخونية
العربية كانت معايا زى الفل وبعدين سخنت منى - اتصرف عليها 3000 جنية وبردو تسخن فقررت انى ابيعها
وهتلاقى فى مواضيع ليا فى قسم اللانوس بسبب السخونية
فقررت انى مركبهاش تانى
لذلك انا بعد الموضوع بدور على فيرنا
وشكرا لمرورك
للاسف انا مش عارف اجيب اللنكات بتاعت مواضيعالسخونية
عربيتك كانت حاله فرديه وفيها مشكله
انا عربيتي كل اللي اقدر اقوله انها مشت 4 ايام تقريبا من غير زيت والريداتير كان مخروم والمياه خلصت ومشيت مشوار اكتر من 10 كيلو قارص علي العربيه علي الأخر ومش قادره تمشي من شدة السخونيه وانا مش واخد بالي ولما وقفت وبردت ولقيت الريداتير بايظ دورتها ومشيت بيها علي حالها وغيرت الريداتير رجعت احست من الاول
مواتير اللانوس بالذات حمالة اسيه وخصوصا في موضوع السخونيه ده
فعلا حالة فردية
أنا معرفش نظام مواتير اللانوس بس انا معاية فيرنا و معروف ان موتور الفيرنا عملى و اعتمادى و عمره طويل و الدليل هو ان العربية ماشية تاكسى فى القاهرة و محافاظات تانية منها سيناء و طبعا انتو عارفين ظروف سيناء الجوية و البيئية و هناك بتلاقى مواتير معدية ال 600,000 كيلو مستريح جدا منغير ما يحطوا فيها مفك غير الصيانة الدورية و تغيير الزيت. أنا كمان سافرت السعودية فوق ال6 مرات فى الكام سنة الاخيرة و كنت بقعد بالشهور و العربية موجودة هناك بس طبعا اسمها Accent زى كل البلاد ماعدا مصر و هى اتوقف انتاجها و نزل بعدها النيو اكسنت بتاعتنا و مؤخرا الRB المهم طبعا مش محتاج اقولوكو ان معنى ان عربية ماشية فى السعودية و جو السعودية و رمال السعودية (و انا كمان فى المنطقة الشرقية) لمدة كذا سنة معنى كدة ان العربية دى حمالة اسية بمعنى الكلمة و يعتمد عليها, طبعا انا بتكلم عن الفئة السعرية دى :)
ياباشا ما فيش مقارنة في التقفيل في مصر (وخاصة غابور) وأي بلد تانية .. ثانيا في مقارنة مثبته في القسم بين اللانوس والفيرنا ممكن ترجع ليها وتعرف موضوع مواتير الفيرنا وإن مواتير اللانوس أفضل بكثير
المقارنة معمولة على موتور الفيرنا ال 1500 القديم :)
بمناسبة ماتور الفيرنا هوة موجود في اكتر من عربية هيونداي زي الماتركس والنترا ماقبل 2007 والكوبية وماظنش ان كل دول بيشتكو من المواتير وبعدين الماتور دة احدث من ماتور الانوس 16 صباب 2 كامة هورس باور اعلي
الاغلبية رشحت الفيرنا