السلام عليكم ورحمه الله وبركاته
عاوز اعرف مميزات وعيوب الزلموكه مو التمانينات ال2000 سي سي اللي باكيتات الابواب فيها عريضه وقطع غيارها اخبارها ايه والموتور كربراتير ولا حقن الكتروني معلش وخيارات المواتير اللي بتنزل..مشكورين مقدما
عرض للطباعة
السلام عليكم ورحمه الله وبركاته
عاوز اعرف مميزات وعيوب الزلموكه مو التمانينات ال2000 سي سي اللي باكيتات الابواب فيها عريضه وقطع غيارها اخبارها ايه والموتور كربراتير ولا حقن الكتروني معلش وخيارات المواتير اللي بتنزل..مشكورين مقدما
السلام عليكم و رحمة الله و بركاته
أنا اللى أعرفه ضئيل جدا عن العربية دى W124, اللى أعرفه, أن قطع الغيار معمرة و مش غالية زى أغلب العربيات الجديدة بتاع اليومين دول.
صيانتها سهلة و اغلب الصنايعية بيشتغلوا فيها, يعنى كتاب مفتوح.
ال2000 CC بتعمل تقريبا 200 كم فى الصفيحة لو المكنة مظبوطة.
شكلها -بالنسبة ليا أنا - ممتاز و فخم جدا.
أنا أعتقد أنها مش كاربيراتير, ممكن يا اما اسبراتير الكترونى أو EFI حقن وقود الكترونى.
بس كان ليا ملحوظة, الزلمكة أم باكتات عريضة عالأبواب دى موديلات بعد 6-1989 الى 1995, مش موديلات التمانينات لكن موديلات التسعينات لأن موديلات التمانينات دة بيبقى ليها جرايد رفيعة عالأبواب.
طبعا, السعر حسب الحالة, ممكن من 90000 الى 110000 جنيه.
المشكلة فى العربيات دى لا تكمن فى أى شئ الا فى حاجة واحدة بسسسسسسسسسسسسسسسس, أنك تلاقى واحدة حالتها ممتازة و معروضة للبيع, بس كده, يا اما تلاقى اللى معروض للبيع متبهدل, يا اما تلاقيه لقطة, بس مطلوب فيها سعر مبالغ فيه جدا, تلاقى واحد بيتكلم مثلا فى 130000 جنيه, اللى هو ممكن تكمل عليها 30000 جنيه بس و تجيب العيون الألمانى بحالة ممتازة !!!!!!!!!!!!!
بالتوفيق ان شاء الله و استنى الأخ MBhead يقولنا كل المفيد .
اهلا بيك يا باشا
هيا الw124 البكتات العريضة مش تمانينات دي تسعينات ...التمانينات جريد علي الابواب
العربية اللي اسمها 200 دي كرابيراتير انما ال مكتوب عليها 200e دي انجكشن استهلاكهم اقليل الانجكشن من 8-10 لتر /100 كيلو يعني الصفيحة تعمل 200 كيلو
من نظي هيا ملهاش اي عيب عربية مشهوره جودتها العالية و اعتماديتها فيها اوبشن كويس كراسي كهربا / دركسيون كهربا /ايرباج + الكماليات الاساسية بالطبع عربية ثابتها عالي و عزل الهوا فيها عالي و صالونها فخم و مريح بس ضيقة شوية من ورا و حتتباع بسرعة و تجيب اعادة سعر محترمة
و ربنا يوفقك و تلاقي واحده نضيفة عشان دول الطلب عليهم متزايد جدا
متشكر جدا يا جماعه وربنا يوفق ان شاء الله..تحياتي
عم فادى انت ناوى تغير ولاايه
العربيه ده انا شوفت واحده فى السوق فابريقه بره وجوه لونها اسود بسم الله ماشاء الله عليها عليها نواكل صاحبها بيقول ب7000 جنيه بس هى ايه والله انا الى الان مش قادر انسها من جمالهاا وروعتها بس هى كانت 2300 سى سى وكامله من كله فتحه سقف واتوماتيك