هو الفانتازيا اخيرها 180 كم/ساعه

انا واحد زميلى فى الشغل شارى فانتازيا من حوالى 4 شهور وبيحكيلى انه كان مسافر الساحل وكان جايب 180 كم على الخامس وبعدين بص لقى العربية نقلت سادس وفضلت ماشية 180 برده وبعدين لقى العربية سقطت نقلة للخامس تانى ومش عايزه تزود

انا استنتجت انه رجلة تقيلة على البنزين عشان كده العربية بتسقط نقلة كل شوية لانه كابس بنزين وانها كانت محتاجة واحدة واحدة عشان تزود عن 180

السؤال هنا للاعضاء اللى معاهم فانتازيا ياترى هيا بتجيب اكتر من 180 كم بالتكيف ولا من غير وبيكونوا ماشين على D ولا Ds و تيبترونيك

عشان فى اعضاء بيقولوا ان اخرها 205 كم فكنت عايز اعرف السرعة بتتجاب بسهولة ولا لازم تكون فى منزل زى طريق العين السخنه كده

شكرا

ممكن يكون فيها
speed limiter=there is max speed cant be exceeded

انا كنت بسابق اوكتافيا على الصحراوى بالانوس ووصلت 187 ومقدرش يهرب منى كنت لازق فيه بس مش قادر اعديه ولا هوة قادر يهرب

الكلام ده اكيد مش صح اكيد فى حاجه غلط

..........

ممنوع الكتابة بالفرانكو اراب

يرجى مراجعة قوانين المنتدى

م ع 8

والله العربيات دى مواتيراها اقل من حجمها ووزنها انا ركبت الباسات 1600 ولم تتخطى حاجز 195 كيلو وبالعافيه

يا جماعة السرعة الزيادة خطر :B4_048: :dontudear:
خاف على حياة ولادك وأهلك

السلام عليكم ورحمة الله وبركاته
مشكلة صاحبك دى بسيطة جدا واضح من كلامك انه كان ماشى على ال d وحضرتك لو رجعت لكتالوج العربية هتلاقى مكتوب انه لايمكن الوصول للسرعة القصوى للسياره وهى على النقلى السادسة أو على ال d
جرب يخليه يسحب على ال s لأنه مافيهوش نقله سادسه او يجيب الفتيس على الوضع اليدوى بس مش يديها النقلة السادسة والعربية هتوصل معاه لحد 195 - 200 تقريبا
طبعا الحرارة الخارجية والتكييف و اتجاه الهواء الخارجى وضبط الكاوتش والبنزين كلها عوامل تؤثر على السرعة القصوى للسيارة
انا عارف ان العربية ثباتها يشجع على السرعة بس ليها مخاطرها المميته وانا بأجرب عربية والدى الأوكتافيا طلعت بيها على الصحراوى وجبت بيها 200 بس فى لحظة واحد كسر عليها وسبحان اللى نجانى أنا و العربية من الحادثة ....
وربنا يبعد عنه الحسد

افهم من كده انها بتجيب 205 بسهولة ولا زى الفلوانس مالكيها بيقولوا بعد 180 بيبقى صعب انها تزود عن كده الا لو فى منزل
مع العلم ان كتالوج الفانتازيا فيه السرعة القصوى 184 كم وممكن لو زودنا 20 كم دائما عن اى سرعة معلنة فى كتالوج يبقى فعلا ممكن تجيب 205 كحد اقصى

استمتع بعرييتك ومش هتفرق الكام كيلو دول

انتا لو عايز تجيب 200 فضول باحساسه صدقنى لما تجيبه هتقول وايه احساس ال 220 مالفيرنا بتجيبه اشمعنا انا راكب عربية3 اضعاف تمنها ومش بعرف

اما لو بتجرى علشان تلحق ميعاد مهم بردو مش بتفرق

في ناس الجري بالنسبه ليها متعه (انا واحد منهم)

الجرى فيه نشوه و متعه لا تقدر بثمن ... ولكن الخطر خطر لا يمكن تجاهله ..

يا أخوتى الأعزاء أنا جريت كتير جدا بس أكتشفت أن الجرى شر مش متعة الطرق فى مصر مش مهيئة للجرى خالص
أنا لى صديق مات أدام عينى سنة 1997 كنت رايح معاة العاشر من رمضان لجامعته معاة أوبل فكترا موديل 1995 العربية كانت جديدة قلتلو مش هاركب معاك وأروح بعربيتى علشان أرجع بدرى
كان طاير بالعربية طبعا ثبات كبير وقع من فوق كوبرى العاشر من رمضان واحد زنق علية مصدقتش ساعتة أنى كنت هاركب معاة الى يحزن أن كان سنة تخرجة والولد الوحيد أهلة مدمرين لحد دلوقتى
وللعلم صديقى كان محترف أوتو كروس رجاء السرعة الزيادة خطركبير وربنا يحفظنا

النقله السادسه فى العربيه اتعملت عشان تريح الموتور ..مش عشان تجيب سرعه عليه ..
العربيه بتجيب 195 و صعب اوى (مش مستحيل) تجيب 200
وبتجيبها على D عادى بس بتكون دايس بحيث انها متنقلش على السادس
الى حصل لصديقك انه كان بيخف رجله ..فالعربيه تاخد سادس ..ويكبس تانى فتنزل هى للخامس ..
وعموما السرعه القصوى مش هتختلف ما بين d او s او تيبترونيك ..لان فى الاخر الموتور واحد الاوضاع دى فقط للتحكم فى توقيت النقلات ..يعنى مثلا على s العربيه بتنقل متاخر شويه ...ولما تكون مثلا دايس على التانى و تشيل رجلك هتفضل على التانى ..(هتفضل محضره النقله عشان اول ما تدوس تجمع معاك على طول)
لكن على d بتنقل بدرى او متاخر حسب رجلك ...ولما تكون دايس على التانى و تشيل رجلك ..هتبدا هى تاخد نقلات اعلى >>>3 4 5 عشان الار بى ام ينزل .. و الموتور يرتاح ...
الاهم من ده كله ...السرعه ملهاش كبير ..واخطاء الغير فى مصر لا حصر لها ...
ناس كتير هنا شافت عربيتى بعد الحادثه حصلها ايه وانا نجيت من الحادثه باعجوبه ..طبعا بفضل ربنا قبل كل شىء ..
واساسا انا على اقصى تقدير كنت ماشى 120 (كلام فاضى بالنسبه للاوكتافيا)

انا بشكرك على ردك بس انا شوفت على اليوتيوب العربية جايبة 200 وفى a5 القديمة جايبة 205 والاثنين كانوا 1.6 mpi
انا اعتقد ان فى مشاركة فيها ان السرعة 203 بتتجاب بالفانتازيا وعلى ما اظن انه كان فى طريق مصر الاسماعيلية بس الحقيقة انا مش فاكر كانت من مين

هوة ممكن تجيب اكتر من 200 بشرط تكون عكس اتجاة الهوا ثانيا يكون الطريق مستوى ويا سلام لو منحدر بس طبعا على اما توصل 200 هيكون الواحد روحه طلعت العداد بيموت بعد 180 انا جبت بلانوس 193 على طريق السخنه بس الطريق كان نازل انما العادى 170 بسهوله جدا 180 بصعوبه اكتر من كدة العربيه بتموت ايه جاب ذكر الانوس مع الاسكودا علشان انا يا ما شديت مع اسكودا اوكتافيا ومرة جيت اشد مع باسات tsi اتنفخت الى هيه 1400 تيربو

اقتباس:

---

المشاركة الأصلية كتبت بواسطة amrsabet

انا بشكرك على ردك بس انا شوفت على اليوتيوب العربية جايبة 200 وفى a5 القديمة جايبة 205 والاثنين كانوا 1.6 mpi
انا اعتقد ان فى مشاركة فيها ان السرعة 203 بتتجاب بالفانتازيا وعلى ما اظن انه كان فى طريق مصر الاسماعيلية بس الحقيقة انا مش فاكر كانت من مين

---

أعتقد حضرتك تقصدني أنا...لأني فعلا جايب بيها علي طريق مصر إسماعيلية 203 كم علي d
والمرة الوحيدة جيبت بيها 209 بالظبط كان علي طريق العين السخنة والهوا كان معايا وعلي وضع المنوال.
إنما حتة إن آخرها 180 دي لا لا لا طبعااااا....وزي ما خالد أيمن قال.فعلا هي لحد 200 ( 195 علي الديجيتال ) بتجيب عادي.بعد كده صعبة.بس بتجيب حسب ظروف الطريق

انا راى برضو ان السرعه الزايده زى ما ليها متعتها بس خطرها كبير جدا وربنا يحمينا جميعا من شرها

حضرتك انا وصلت بيها ل201 على طريق القاهره اسكندريه الصحراوى

انا اخرها معايه 170 وبعد كده ابدا بس م بطال
لان انا مش جراااااى

اقتباس:

---

المشاركة الأصلية كتبت بواسطة zanativich

انا اخرها معايه 170 وبعد كده ابدا بس م بطال
لان انا مش جراااااى

---

لا ده كده مش تمام طبعا..مستحيل أخرها 170 بأي حال من الأحوال..أنا عربيتي فانتازيا بكسر بيها الـ 200 كذا مرة مستريح.وفي الطبيعي هي بتستجيب لحد 195 كم عادي.راجع عربيتك يا باشا.وواضح من كلمة مش جراي إن حضرتك مفتحتش الموتور كويس.

اقتباس:

---

المشاركة الأصلية كتبت بواسطة newcar2011

انا كنت بسابق اوكتافيا على الصحراوى بالانوس ووصلت 187 ومقدرش يهرب منى كنت لازق فيه بس مش قادر اعديه ولا هوة قادر يهرب

---

يعني حضرتك عايز تقنعني انك كنت بتسابق فانتازيا
الفانتازيا لو لمس البنزين فوق 100 كيلو لو شوفته يكون ربنا بيحبك

اصل انا ماتورى 1500 بس 112 حصان 16 صباب يعنى دايو غير عاديه مش دايو 85 حصان اوكتافيا اخرها 200 كيلو يعنى سلحفاه وبعدين الباسات 1600 جابت 195 بطلوع الروح عاوز تفهمنى ان الاوكتافيا افضل منها

والله حرام انا معايا تويوتا 97 وبتجيبب 220 ك بس طبعا مش فى مصر

اوكتافيا مش من العربيات اللي بتجيب فوق 200 كيلو
عربيتي فانتازيا مانيوال جبت بيها علي الدولي اسكندرية دمياط 197 كيلو كان الهوا جامد
هاحاول اجربها علي الصحراوي لما يجيلي مشوار القاهرة ان شاء الله

يعني واحد قال جاب 209 وواحد جاب 201 عايزين إيه تاني..ومع إحترامي.لانوس إيه اللي تسابق فانتازيا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!

مش دى لانوس برضه

Daewoo Lanos 5th gear, 130-210km/h - YouTube

دى لانوس الى هيه 86 حصان الى ماشيه فى مصر كلها والفانتزيا دى ركوبه مش طيارة ولو هوندا سيفك تبهدلها
اصلا الفانتازيا متشوفش كشافات السيفك

Lanos 1,5 8V 190km/h - YouTube

اقتباس:

---

المشاركة الأصلية كتبت بواسطة newcar2011

دى لانوس الى هيه 86 حصان الى ماشيه فى مصر كلها والفانتزيا دى ركوبه مش طيارة ولو هوندا سيفك تبهدلها
اصلا الفانتازيا متشوفش كشافات السيفك

lanos 1,5 8v 190km/h - youtube

---

لا مش فاهمك بصراحة..إنت عاوز إيه يعني...الموضوع ماشي في إتجاه وإنت دخلت في إتجاه تاني خالص...إيه اللي دخل السيفيك في الليلة؟؟ والفيديو بتاع الـ 210 ده لازمته إيه هنا والموتور ده مش هو اللي في بلدنا؟

من الآخر مينفعش أساسا تحط عربية زي اللانوس في مقارنة مع عربية زي الفانتازيا...صح ولا إيه؟

عموما أنا هرفعلك يا سيدي فيديو الفانتازيا الركوبة اللي مش طيارة وأنا كاسر بيها الـ 200.

انا شايف ان الفانتازيا عربيه رائعه وفخمه ثابته على الطريق ويعتمد عليها بس هيه مش عربيه جرى وسرعه فيه عربيات اقل منها بكتير وتسبقها ثم هيه فى مصر فقط ماتور 1600 برة غير كدة خالص ودة ما تور ضعيف على وزنها بعدين الماتور 1600 الى فى الانوس موجود بس قليل طب ما انا ماتورى 1500 بس 112 حصان وراكب فى لانوس عادى يعنى بس انا لما بعدى 160 بكون خلاص طاير فى الهوا انما الفانتازيا 200 كانك ماشى على 60 ودة الفرق الحقيقى فرق الامان والقدرة على السيطرة مش جرى وخلاص

دا شئ طبيعى حكاية انها بتسقط نقله بعد السادس تجيب تانى خامس 1.عشان رجله تقيله(العربيه مش بتسيب ال rpmيعلى على سرعات عاليه جامد و دا عشان تحافظ على نفسها و على الكومبريسور بتاع التكييف)

2.اذا انت على ال s او steptronic هتجيب معاك

وانا عن تجربه شخصيه ف عربيتى كنت على الدولى جاى من مطروح و العربيه بتجيب 180 و تبتدى تتقل و توصل معاك 195 عادى بس بتموت بعد كده اقصى حاجه جابتها 201
و بعدها اخدت نزله وصلت 217

و العربيه امااااان متقلقكش ... و اناكنت زيك ف الاول كل اما اشوف حاجه غريبه من العربيه ادور اشوفه عيب ولا ايه تطلع حاجه عاديه ف العربيه لحمايتها او كده ..