سؤال فني وعايز حد يكون بيفهم في التركيب
أنا معايا عربيه أوكتافيا A5 ومركبلها كاسيت مخصص ليها بس صيني , اللي بيركب في المكان كله من غير وش ,,, أكيد عرفينه .
الكاسيت ممتاز و إمكانياته ممتازه , GPS , Camera , IPod , Radio , USB , SD Card , CD Changer بس للأسف فيه مشكله مش عارف سببها إيه وهي :
أنا مثلا مشغل دلوقتي ألبوم فيه 10 أغاني مثلاً ووصلت لحد الأغنيه الخامسه , وجيت قفلت العربيه وقفلت الكونتاكت وشلت المفتاح منها , لما أجي أحط المفتاح تاني و أشغل يبدأ من أول الألبوم تاني من أول وجديد ... فمابالك بقي لما أكون مشغل ألبوم فيه 100 أغنيه ,,, كل مره أركب العربيه يبدأ من أول الألبوم تاني ...
ونفس الحكايه لما أكون ماشي ومشغل الكاسيت علي أغنيه معينه وأجي أستعمل المارشدير فالكاميرا بتشتغل وتفصل الكاسيت ,,, ولما أخلص المارشيدير ويشتغل الكاسيت تاني برده بيبدأ من أول الألبوم من جديد ...
فهل يا ترا ده عيب في الكاسيت ولا عيب في التوصيلات مع العلم إني موصل الكاسيت علي الكونتاكت يعني لما أقفل الكونتاكت يفصل الكاسيت ... أرجوا الرد عشان أنا خلاص كرهت الكاسيت ده بسبب العيب الممل ده , ولكم جزيل الشكر
