الشيخ رد بس لسة العقد و التعليقات اللي عليه هتجيني بكرة إن شاء الله
الشيخ رد بس لسة العقد و التعليقات اللي عليه هتجيني بكرة إن شاء الله
انا عديت النهارده على المعرض بتاع المعادى و جبت التفاصيل دى:
اقل مقدم 25% من تمن العربية
اقصى فترة سداد : 48 شهر
النسبة: 8% للسيارات الدايهاتسو , 9% لباقى الماركات
بيتعاملوا فى معظم الماركات, ما عدا المتسوبيشى و السكودا, علشان التوكيلات دى مبتطلعش فواتير
الشروط:
لو مقدم اقل من 50%: المشترى و الضامن لازم يجيبوا الاوراق دى:
فى حالة الموظفين:
مفردات مرتب, على ان تعدى القسط 40% من مرتب المشترى و الضامن
ايصال كهرباء حديث
صورة البطاقة
فى حالة التاس التى تملك سجل تجارى, او عمل حر, الاوراق المطلوبة:
سجل تجارى
بطاقة ضريبية
ايصال كهرباء
كشف حساب بنكى (مش دايما بيطلب)
صورة البطاقة
الاوراق المطلوبة بتحددها ادارة الائتمان, و ممكن يطلب اوراق زيادة او يكتفى بالاوراق دى, حسب موقف العميل
فى حالة مقمدم 50% : الضامن ممكن يكون الزوجة, او حد عادى, يعنى مبيطلبش مفردات مرتب الضامن او اوراق منه, بس صورة بطاقته
الحالة الوحيدة التى يلغى فيها الاحتياج الى ضامن هو وجود وديعة تغطى باقى المبلغ المستحق, و ساعتها بيتعمل حظر على الوديعة دى
السيارة ترخص بأسم العميل, مع وجود حظر بيع لصالح الشركة
التأمين اجبارى, و ممكن للعميل يختار شركة التأمين اللى تريحه, او يتعاقد مع الشركة الموجودة بالمعرض (الجمعية المصرية للتأمين التعاونى)
ممكن ميتعملش تأمين فى حالة سداد اكتر من 50% من تمن العربية, و الرقم اللى قاله لى 80%, بس اظن ممكن ينزل عن كده
على فكرة يا معاذ المعلومة اللى عندى لما كنت بشترى من معرض اسكندرية انى التأمين مش اجبارى ... لكن لو ما امنتش الفايدة بتكون 9% الا لو هاتدفع 50% مقدم الفايدة تكون 8%اقتباس:
ممكن ميتعملش تأمين فى حالة سداد اكتر من 50% من تمن العربية, و الرقم اللى قاله لى 80%, بس اظن ممكن ينزل عن كده
ياجماعة انا اشتريت من المصرية للسيارات اسكندرية
ودفعت 60% من تمنها وقالوا التأمين اجبارى 2,5 % من ثمن العربية
وفايدة البنك 10% تقريبا
سؤالى يعنى ممكن نختار شركة التامين ولا حسب البنك هوه اللى بيحدد ولا المعرض نفسه ؟؟
بجد حاجة .....
يا جماعه
انا سألتهم
لو دفعت 50%
التأمين مش اجباري
والفايده 8% على دايهاتسو
و9% عبلى باقي السيارات
وده الكلام الاكيد
باذن الله
دي صور عقد الشركة العالمية المتحدة للتجارة (عبد اللطيف جميل)
الأجزاء اللي عليها علامات هي اللي تم الاعتراض عليها من الشيخ
1
http://www7.0zz0.com/2008/05/21/04/466154248.gif
أول صفحة مفيهاش شيئ الحمد لله
2
http://www7.0zz0.com/2008/05/21/04/838784161.gif
في الصفحة التانية من العقد أفاد الشيخ حفظه الله أن البند الثالث و الرابع فيهما ما يخالف للشريعة الإسلامية فلا يجوز أن يحتفظ البائع بملكية السلعة التي باعها حتى يتم سداد الاقساط بالكامل ولا يجوز الحجر على المشتري في التصرف فيما اشترى و أما التأمين فيوجد لدى الشركة طلب للإعفاء من التأمين ويفضل البعد عن التأمين.
3
http://www7.0zz0.com/2008/05/21/04/685658293.gif
الصفحة الثالثة الكلام اللي تحته خط دا لا يجوز شرعا وهو وضع زيادة على القسط في حالة التأخير في الدفع (رغم اني كنت مكلمهم بنفسي و قالولي لو مدفعتش مفيش غرامة بس بناخد اجراءات قانونية) بس العقد بيقول غير كدا
وموضوع ان العقد ينفسخ من تلقاء مع الاحتفاظ بجميع الاقساط المدفوعة نفسه برضو مينفعش و انا شخصيا شايف انه نصب رسمي لانه معناه اني ادفع 45 شهر مثلا و يبقى باقي 3 اشهر بس و اجي اتاخر في شهر من التلاتة دول ياخدو مني العربية و ياخدو الاقساط كلها و يفسخو العقد لا و ايه كمان ممكن يسجنوني ....دا في رايي شرط مجحف جدا و مينفعش تماما دا غير انه اصلا لا يجوز شرعا
البند العاشر معناه ان في حالة وفاة المشتري تحل سداد جميع الاقساط يعني لو مات المشتري في ساعتها يجب على الورثة سداد الاقساط المتبقية كلها يعني لو المشتري دفع 10 شهور من اجمالي 48 شهر و بعدين مات وقت ما يموت الورثة يبقو مطالبين بدفع ال 38 قسط مرة واحدة للشركة و دا برضو شرط مجحف جدا ولا يجوز شرعا
4
http://www7.0zz0.com/2008/05/21/04/140448460.gif
يجب تعديل البند السابع عشر و إضافة كلمة: وبما لا يتعارض مع الشريعة الإسلامية لأن الأصل تحكيم شرع ربنا قبل القوانين و الأحكام الوضعية
no comment