-
الفرااااامل خنقتني
السلام عليكم ياشباب
انا فاض بيه الكيل من فرامل الافيو
للمره الثانية اغير ماستر فرامل
المشكلة انه مشوار الفرامل بعيد يوم يكون كويس وعالي ويوم يبقه بعيد ومتمسكش فرامل
رحت للمره الاولي قال يمكن ماستر فرامل فيه مشكلة طيب غيرنها وكانت الفحمات كويسه لسه بحالتها
والعربية ظبت الفرامل وبعد اسبوع عادة ريما لعادتها القديمة رجعت تاني ضعيفة وبعيدة
وكمان كل ما اظبط فرامل اليد ترجع برضه ضعيفه يعني ممكن امشي بالعربية وفرامل اليد مرفوعة :bigeyes02: ولو حبيت اشد فرامل اليد وانا ماشي ولا كانك عملت حاجة العربية بتمشي مع سرعة اقل شويه
طيب رحت للمكنيكي الثاني قال كده الماستر مش اصلي لازم اجيب اصلي من التوكيل طيب ماهو اللي جبته الاول اصلي بس مش من التوكيل ... طيب قولنا ماشي رحت العيسي للسيارات ودي وكالة جنرال موتورز في الرياض وجبت علبة فرامل جديدة واصلية وركبنا زيت فرامل DOT3 بتاع فورد الامريكي الاصلي لونه ابيض شفاف تمام
رحت مركبها وبعدها لقيت برضه الفرامل مشوارها بعيد مش عارف ايه السبب وكمان لاحظت مع الفرملة الجامدة بضغط الدواسة جامد العربية مش بتقف بسرعة وكأنك راكب عجلة غير كده بتحدف يمين :bigeyes02: انا ززززززززززززهقت:eek:
حد يقولي ايه السبب وحل المشكلة دي بقالي 6 شهور علي الحال داه
-
مشوار الفرامل الطويل ده الاغلب محتاج تسحب هواء من الدوره.
-
وحاول تغير الكاوتش بواحد التماسك بتاعه aa وده ممكن تلاقيه في KUMHO ECSA
وبالتوفيق
-
-
حاول تحط موضوعك في قسم الورشه اكيد ان شاء الله حيكون عندهم حل
-
الحمد لله حلينا المشكلة وكانت فى الدواسة
رحت للمكنيكي بتاعي قالي رفعت لك بدال الفرامل وبالفعل الفرامل بقت ماشاء الله تمام زي الزيرو بمجرد اللمس بتفرمل طيب تمام .. سؤال هل رفع بدال الفرامل بشكل عالي في مستوي الدبرياج هل داه الطبيعي ؟؟ اصل بقت مش متعود علي رفع البدال وطبعا بدال البنزين واطي عن الفرامل والدبرياج وطبعا عشان تنقل رجلك من البنزين للفرامل عاوزه تعود عشان البدال بقه عالي ...
Content Relevant URLs by
vBSEO 3.6.0 PL2