المشاركة الأصلية كتبت بواسطة prisoner
السلام عليكم ورحمة الله وبركاته
بعد اذن صاحب الموضوع
ومع احترامى الشديد لكل شخص اضاف او قرا هذا الموضوع
معلش تقبلوها منى اخوكم الصغير هاقول على حاجة بسيطة انه لا داعى للزعل والخلاف بالذات بقى فى موضوع الصوت لانه بالظبط زى مايكون واحد بيوصف نفسه عن طريق التليفون او قميص لابسه مش زى مايكون معروض قدامك موضوع الصوت كده بالظبط يعنى فى واحد يحب يسمع صوت بسيط فى عربيته فلما يركب سماعتين حتى بايونير مثلا 300 بالنسبة ليه احلى كلام وكده كمان كتيير احنا مش بنشوف العربيات اللى بتبقى مركبة 10 سماعات و3 او 4 باوازيك وبوردة جى امات مثلا من وجهه نظرى الشخصية ماينفع لكن من وجهه نظر صاحبها كويس وهوة ده اللى يرضى اذنه ومزاجه مش عيب ولا حرام اذا كان بيسو او بيتل او اى شخص بيكتب مش شرط ان احنا ننفذ الكلام بالحرف بس الفايدة هنا فى المنتدى الجميل ده ان احنا بنفيد بعض انا ساعات بحس ان احنا بنكتب للمشاكسة والمداخلة والظهور فقط لا احنا كلنا بنتعلم وخللى باللك الناس اللى احنا بنعتمد عليها على اساس انها خبرة كل يوم بتتعلم اذا كان فى هذا المجال و التكنولوجيا او فى مجال اخر انا والله بزعل لما 2 يقعدوا يمسكوا على بعض بالواحدة والتريقة مالوش لازمة فى حين ان الناس دى لو قابلت بعض برة هاتبقى حبايب وهايهظروا كمان ويحبوا بعض اللى يفكر كده ويفهم قصدى صح ويحاول انه ميزعلش من راى الناس الثانية يبقى ده راجل بجد وانسان طيب وده اللى الواحد شافوا هنا فى المنتدى الناس كلها زى الفل واحنا علينا مسئولية كبيرة تجاه هذا الصرح العظيم علشان كلنا مستفيدين وانا بعتذر لتدخللى والاطالة بس نفسى والله نحب بعض بقى ونبقى احسن الناس مش كاسيت وجى ام يفرقونا :tumb: لكم منى اجمل الامانى تحياتى