معدل ضبط الهواء داخل الإطارات

السلام عليكم
أنا باحتاج اضبط الهواء كل أسبوعين تقريباً أو أقل, وفى الغالب بلاقى الفردتين الأمامييتن ناقصين, يعنى ساعات يكونوا 26 وفى مرة لقيت فردة منهم 24
الفرديتين الخلفيتين مش بيزيد النقص فيهم عن درجة واحدة.
أنا متعود أضبط الهواء زى مالكتالوج بيقول 29 أمامى و32 خلفى.

هل النقص ده طبيعى, والمعدل ده طبيعى ولا كده فى مشكلة؟
وهل لو فى مشكلة محتاجة التوكيل ولا أروح عند أى حد بتاع كاوتش وخلاص؟

معدل المشى بتاعى ممكن يكون متوسط أو أقل, يعنى فى الأسبوع الواحد بالكتير 200 كم, وبيكون فى جزء طريق ترابى وحفر وكده, هل ده يؤثر فى المشكلة دى؟

استخدم نيتروجين من مكان محترم زي بريدجستون

مش حتحتاج تغيره الا كل 3 شهور وحيفضل ثابت

اهلا بك يا دكتور أحمد
الحقيقة مفيش قريب منى حد بيعمل موضوع النيتروجين ده, ياريت حد من الأخوة الأفاضل اللى فى اسكندرية يدلونى على حد ويفضل يكون غرب اسكندرية.

فى اسكندرية بريدجستون اللى فى لوران على البحر بيملى نيتروجين دا اللى انا اعرفه و مجربه.

اقتباس:

---

المشاركة الأصلية كتبت بواسطة د.أحمد عبد الرحمن

استخدم نيتروجين من مكان محترم زي بريدجستون

مش حتحتاج تغيره الا كل 3 شهور وحيفضل ثابت

---

يفضل ثابت مش مظبوط ... الصحيح ان مايزيدش الضغط بتاعه مع الحراره و المشى بس عادى ممكن يقل ... هتحتاج تزوده كل شهرين تلاته

أفهم من كلامكم إن المعدل اللى عندى ده عادى؟ أقصد يعنى عادى أزود كل أسبوع أو أسبوعين؟

من 29 ل 26-24 فى اسبوعين من رأيى كتير ... بس يرجع لحالة الكاوتش لأن اى كاوتش مع العمر ممكن يسرب ... و حالة الجنط (فى تعويج على خفيف و لا لأ) لأن الشفه ممكن تسرب على خفيف
كمان و انت ماشى فى المطبات و الحفر بتاخدهم هبد ولا بالراحه ... كل ده ممكن يأثر...
شوف حد بتاع كاوتش محترم مش بتاع اشتغالات يكشف على العجل اللى قدام و ان شاء الله تطلع ولا حاجه

انا عندى زى حضرتك تقريبا الكاوتش اللى ورا بينزل درجه فى شهرين مثلا .. الامامى عندى فرده بتريح اكتر من التانيه بس مكسل افك و اكشف لأن الترييح بسيط

اقتباس:

---

المشاركة الأصلية كتبت بواسطة mohamed_selim

من 29 ل 26-24 فى اسبوعين من رأيى كتير ... بس يرجع لحالة الكاوتش لأن اى كاوتش مع العمر ممكن يسرب ... و حالة الجنط (فى تعويج على خفيف و لا لأ) لأن الشفه ممكن تسرب على خفيف
كمان و انت ماشى فى المطبات و الحفر بتاخدهم هبد ولا بالراحه ... كل ده ممكن يأثر...
شوف حد بتاع كاوتش محترم مش بتاع اشتغالات يكشف على العجل اللى قدام و ان شاء الله تطلع ولا حاجه

انا عندى زى حضرتك تقريبا الكاوتش اللى ورا بينزل درجه فى شهرين مثلا .. الامامى عندى فرده بتريح اكتر من التانيه بس مكسل افك و اكشف لأن الترييح بسيط

---

دعواتك ألاقى حد كويس مش بتاع اشتغالات, كل الكلام اللى حضرتك قلته ممكن يكون عندى ماعدا حالة الكاوتش, الحمدلله حالته كويسة.
بالنسبة للشفة فأنا مرة العجلة اليمين حكت فى الرصيف لدرجة إن الشفة بتاعة الطاسة اتهرست, أعتقد ده ممكن يكون أثر على الجنط شوية.
وكذلك فى الحفر اللى فى الطريق, فى حفر,- كله بياخدها على السريع وبيبقى صعب أهدى عشان ماوقفش الطريق ورايا, هى مش بتبقى حفر عميقة يعنى بس بيكون مكان تصليح حاجة فى الطريق والأسفلت مش مظبوط بحيث إن العربية لازم تهبد منك, فأعتقد بناء على كلامك ممكن الحاجتين دول يكونوا سبب فى الترييح الكبير ده.

تحياتى لحضرتك.

اقتباس:

---

المشاركة الأصلية كتبت بواسطة mmh666

فى اسكندرية بريدجستون اللى فى لوران على البحر بيملى نيتروجين دا اللى انا اعرفه و مجربه.

---

ياترى سعر ملء الاربع اطارات نيتروجين فى بريدجستون لوران كام ؟ ياترى حد اتعامل معاهم قبل كده لو تكرمتم يجاوبنا ويقول لنا السعر كام

اقتباس:

---

المشاركة الأصلية كتبت بواسطة د.أحمد عبد الرحمن

استخدم نيتروجين من مكان محترم زي بريدجستون

مش حتحتاج تغيره الا كل 3 شهور وحيفضل ثابت

---

انا بزوده كل شهر او بكشف يعنى ..... صح كده ؟
هو حضرتك تقصد ان كل 3 شهور يتفضى ويتحط تانى ؟؟؟ .... ولا تقصد حضرتك الكشف العادى

متابع باهتمام ؟؟؟

ياريت حد يعرفنا الأسعار بتاعة النيتروجين يا جماعة.
وإيه هى مميزاته وعيوبه؟

الفردة بتتملى نيتروجين ب 5 جنية يعنى الاربعة ب 20

لو بتتعامل مع بردجستون حتدفع نفس الفلوس دى و ضبط الضغط مجانا بعد كدة

لو معاك ستيكر نايل موتورز تاخد خصم 50% على خدمة ملىء النيتروجين و33% على خدمة اصلاح ثقوب الاطارات

MMamdouh

اقتباس:

---

المشاركة الأصلية كتبت بواسطة mabdelaziz

دعواتك ألاقى حد كويس مش بتاع اشتغالات, كل الكلام اللى حضرتك قلته ممكن يكون عندى ماعدا حالة الكاوتش, الحمدلله حالته كويسة.
بالنسبة للشفة فأنا مرة العجلة اليمين حكت فى الرصيف لدرجة إن الشفة بتاعة الطاسة اتهرست, أعتقد ده ممكن يكون أثر على الجنط شوية.
وكذلك فى الحفر اللى فى الطريق, فى حفر,- كله بياخدها على السريع وبيبقى صعب أهدى عشان ماوقفش الطريق ورايا, هى مش بتبقى حفر عميقة يعنى بس بيكون مكان تصليح حاجة فى الطريق والأسفلت مش مظبوط بحيث إن العربية لازم تهبد منك, فأعتقد بناء على كلامك ممكن الحاجتين دول يكونوا سبب فى الترييح الكبير ده.

تحياتى لحضرتك.

---

الناس بتشكر فى بريدجستون عمارات العبور ... لو مدينة نصر قريبه ممكن اوديك لواحد بتعامل معاه و اخليه يكشف على الموضوع ده

اقتباس:

---

المشاركة الأصلية كتبت بواسطة hobby10

انا بزوده كل شهر او بكشف يعنى ..... صح كده ؟
هو حضرتك تقصد ان كل 3 شهور يتفضى ويتحط تانى ؟؟؟ .... ولا تقصد حضرتك الكشف العادى

---

كشف عادى عشان لو الضغط قل يتزود شويه

انا عملت الاربع فرد ب 25 جنيه عند ارابكوم و بكشف و بزود ب 3 جنيه
و فى العربيه التانيه عملت الاربع فرد ب 20 عند واحد تانى بس مجربتش ازود عنده

شكرا جزيلا لاستعراض اسعار ملء الاطارات بالنيتروجين

ممتاز
الواحد مش عارف يشكر الناس الحلوة دى إزاى.
جزاكم الله خيراً ونخدمكم فى الأفراح إن شاء الله :)

اقتباس:

---

المشاركة الأصلية كتبت بواسطة mmamdouh

الفردة بتتملى نيتروجين ب 5 جنية يعنى الاربعة ب 20

لو بتتعامل مع بردجستون حتدفع نفس الفلوس دى و ضبط الضغط مجانا بعد كدة

لو معاك ستيكر نايل موتورز تاخد خصم 50% على خدمة ملىء النيتروجين و33% على خدمة اصلاح ثقوب الاطارات

mmamdouh

---

اول مرة اعرف ان الظبط مجانى :))
طيب عموما الظبط ده كل شهر ولا 3 ولا كام الاحسن يعنى ؟

يفضل كل شهر... و الافضل انك تشترى مقاس ضغط صغير ليك عشان تتابع الضغط بنفسك عشان متبقاش ملزم كل ما تيجى تكشف تروح لحد

MMamdouh