على حسب استخدامك للعربيه و سنك هتقدر تحدد تركب ايه و الاتنين عربيات ممتازه مع انى بميل شويه للجولف
عرض للطباعة
على حسب استخدامك للعربيه و سنك هتقدر تحدد تركب ايه و الاتنين عربيات ممتازه مع انى بميل شويه للجولف
- موديل 2005 .. الكاسيت أوديو سى دى، وشاشته كبيرة
- موديل 2006 .. الكاسيت mp3 وشاشته أصغر.. وسمعت انهم غيروا التكييف بتكييف يابانى (مش متأكد إذا كان يابانى فعلاً ولا لأ) علشان اللى قبله كان ضعيف شوية (هو عموماً تكييف الأوربى مش بيكون جامد أوى.. اليابانى طبعاً رقم واحد وبعدين الكورى)
- موديل من 2007 أو 2008 (مش فاكر) إلى 2009 غيروا الزراير بتاعت الكاسيت لنيكل بدا الأسود.
- موديل 2009 .. فى بعض الإختلافات البسيطة جدا لبعض قطع الغيار، الوكيل مانزلش غير الـ Base Line فى السنة دى.
خلى بالك علشان حتلاقى ناس بتفتى .. يعنى مثلاً حتلاقى حد يقولك ان عربيته فيها 10 ايرباج. هى بتنزل ب 6 ايرباج بس، الأثنين بتوع الجانبين كل واحدة لها 3 مخارج لكن هى ايرباج واحدة ويبكون مكتوب عند كل مخرج ايرباج علشان كدة هم بيعدوهم على انهم 3.
فعلاً حكاية ال 10 ايرباج دي بسمعها فى كل الجولف 5 المعروضة للبع تقريباً
ان شاء الله انا ناوى على 2005 منوال فى اي نصائح تحب تقولهالى (ادور فين واكشف عند مين ولو تعرف موضوع كامل عن قطع الغيار من حيث الاسعار وموجودة ولا لأ واى حاجة تقدر انت او اي حد تانى يحب يقولهالى
وشكراً مقدماً :Bravo:
مافيش مانيوال (الوكيل مش بيستورد مانيوال) .. نادرة جداً جداً ولو لقيتها حيكون حد جايبها من برة، ودى حتكون لها معاملة تانية لو فكرت تروح تعمل صيانة بالتوكيل
الموجود كله تبترونيك 6 سرعات وفيه سبورت درايف
نصائح:
- دور فى كونتاكت والوسيط ..
- حاول تشوفها عاملة كيلومتر قليل نسبياً طبعاً، ويستحسن تكون باسم المالك، وياريت يكون راكبها من الزيرو.
- ماعرفش حد ممكن تكشف عليها فيه غير التوكيل بيعملوا كشف حالة موتور وعفشة وكهرباء وممكن يعملوا كشف على البوية كمان
- يفضل يكون بيعمل كل الصيانات فى التوكيل .. تقدر تعرف الـ history بتاعها من التوكيل
خلى بالك من التجار .. العربية دى بيتلعب فى عددها عادى جداً، يعنى مثلاً شوف عدادها حاليا، وشوف عدادها فى تاريخ آخر صيانة إذا كان لها Record فى التوكيل.
أسعار القطع اللى انا فاكرها هى الفانوس الأمامى كان بـ 550 ألمانى تقريبا وفيه منه صينى كمان، بس يستحسن تسأل بنفسك فى أى محل قطع غيار لأن الأسعار فى التوكيل تقريباً بتضرب X 2 و 3
سعر البى ام موديل 2000 وهية محركها 2000 سى سى وتسمى 318i وقوة محركها 143 حصان
وكان فية 316 من نفس الموديل بس كان قوتة ضعيفة جدا 105 حصان فقط وكلة كان مانيوال
وخلى بالك ان كان فية سيارات فئة ثالثة نازلة بعيب فى الفتيس وتم تغيرة بفتيس اخر جديد
وطبعا البى ام احلى بكتير من الجولف مع احترامى للجولف
وسعر البى ام ال 318 بيعمل 90 الف جنية وال 320 بيعمل 100 الف جنية
انا خبرتي مش اد كدا فى البى ام بس انا كنت فاكر ان اخر رقمين فى الموديل للفئة التالتة بيبينو الموتور كام سي سي يعنى 318 تبقى 1800 سي سي و325 تبقى 2500 سي سي
اكون شاكر جداً لو تصححلى لو انا فاهم غلط
ولو عندك اي معلومات عن استهلاك البنزين فى الصفيحة بالنسبة للبي ام 318 1800 سي سي يبقى كتر خيرك
لا شكر على واجب .. أى حد عنده معلومة المفروض مايبخلش بها، أحنا هنا علشان نساعد بعض.
هو اكيد تجميع المانيوال أسرع .. بس كل الجولف 5 الأوتوماتيك هو تبترونيك مش اوتو عادى ، يعنى ممكن تحولها مانيوال لو عايز تشد، وكمان فيها سبورت درايف ودة بيخلى النقلة تنقل متأخر على اربى ام عالى ودة طبعاً بيديك تجميع اسرع.
بالإضافة لراحة الأوتوماتيك فى زحمة شوارعنا (مش حتلاقى دائماً المساحات اللى حتحتاجها علشان تشد أصلاً) :)
ايوة ياباشا تمام اللى حضرتك فاهمة
بس فى المحرك الخاص بالسيارة 318 بيبقى 2000 سى سى بس قدرتة اقل من المحرك الخاص ب320 لكن بعد كدة كلة هتلاقية عادى يعنى 320 تدل على 3 رقم فئة السيارة ( الفئة الثالثة ) و20 معناها محركها بقوة 2000 سى سى و i تدل على انها انجيكشن
ومافيش ياباشا محرك 1800 سى سى فى البى ام كلة 2000 سى سى وعموما هية بتستهلك 8 لتر لكل 100 ببنزين 95 وسرعة لاتتعدى ال 100 كم ودة فى المدينة بس خلى بالك هناك شروط فى الموضوع دة يعنى ماشويرك ماتبقاش قصيرة وتسيب العربية فترة وبعد كدة ترجع تسخنها كل دة بيستهلك اكتر , كمان الزحمة بتستهلك بنزين اكتر , دة غير التكييف