التاكسي الأبيض...ما بقاش ينفع في اليوم الأسود!

**Khaled Online** · 06-09-2011 04:12 PM

المشاركة الأصلية كتبت بواسطة mohamadfawzy

طب ايه رايكم مثلا فى الاسعار دى وبرضه بالتاكسى الابيض ابو عداد
من ميدان العتبة الى حديقة الازهر اللى فى صلاح سالم (8 جنيه)
من شارع فيصل الى محطة مترو جامعة القاهرة (6 جنيه)
من مترو السيدة زينب الى قلعة صلاح الدين (10 جنيه)
من المؤسسة شبرا الخيمة الى موقف احمد حلمى (30 جنيه)

كله تمام ما عدا آخر واحدة
30 جنيه ليه يا أستاذ؟ كتير جدا
مش هو شارع واحد طويل من المؤسسة مرورا بعبود لغاية رمسيس من ناحية ش أحمد حلمي؟

**Khaled Online** · 06-09-2011 04:14 PM

تحديث:
النهاردة تاكسي من دوران شبرا لغاية مسرح البالون في العجوزة ب 13 ونص
وكانت الساعة 8 ونص والشوارع متوسطة الزحام

الحمدلله
لسة في أمل

**MASERATI** · 06-09-2011 04:28 PM

السلام عليكم و رحمة الله و بركاته

ماهو عشان كده, أنا بحاول جدا و بأقصى ما أستطيع أنى ماركبش تاكسى, لأن فى المنصورة هنا, سواق التاكسى بيبقى عاوز ياخدك مشوار لأول الشارع و احنا أصلا عندنا المنصورة كلها أد ايه يعنى !!!!!!!!!!! و بيبقى عاوزك -مثلا- تديه ورقة ب100 جنيه و تقوله خد منها اللى أنت عاوزه و ادينى اللى أنت ليك مزاج تديهونى, عالم عاوزه الولعة بجاز مش نضيف.

أنا شايف أن مترو الأنفاق هو نعمة ربنا -سبحانه و تعالى- على القاهريين و التى لا تعوض بصراحة, حتى لو ماكانشى مكيف و هفضل واقف طول المشوار, هو بيبقى مشكلة شوية للى معاه شيل و أسرة و أولاد و كده.

**alaasaid** · 06-09-2011 04:58 PM

للاسف هنفضل كدة نسرق فى بعض طالما مفيش ثواب و عقاب و تفتيش على التاكسى و على العداد , اللهم أصلح الحال يا رب

**grand hand** · 06-09-2011 08:01 PM

المشاركة الأصلية كتبت بواسطة honda4ever

كله تمام ما عدا آخر واحدة
30 جنيه ليه يا أستاذ؟ كتير جدا
مش هو شارع واحد طويل من المؤسسة مرورا بعبود لغاية رمسيس من ناحية ش أحمد حلمي؟

انا حاسس انها كتيرة فعلاً بس يمكن عشان المنطقة دى مقرفة شوية فى زحمتها فالعداد بيعد اكتر خصوصاً منطقة عبود منطقة زحمة وملل لأبعد حد

**SAMEH_FOUAD** · 06-09-2011 08:47 PM

المشاركة الأصلية كتبت بواسطة mahora

فتح البونديرة اللى ب 2.5 يشمل 1 كم فقط لا غير و ليس 2
انا شخصيا و انا قاعد فى التاكسى عينى على العداد على طول و بتابع الكيلومتر و الوقت و بتابع الحساب تحسبا لاى شئ مش مظبوط
مرة قفشت واحد حرامى كان مشغل العداد من قبل ما اركب و اول ما قعدت راح قالب 3 جنيه قلتله ايه ده راح استعبط و راح مصفره قال يعنى عشان يرضينى بس على مين

ممكن انا ماخدتش بالى من موضوع 2 كم بس فعلا هية غالبا 1 كم

اصلى انا مرة لقيت العداد قاطع مسافة 1.8 كم ولسة ب2.5 وروحت المشوار دة كلة مادفعتش غير 3.25 بس وكان من عند الربع الاول من ش الازهر لحد مترو محمد نجيب