هو للاسف انا ضد التاكسي الابيض على الرغم من انه احسن بكتير وبعداد ومابيبقاش فيه اي نوع من انواع الخلاف على الاجرة
بس في نفس الوقت بعض السواقين بيعملو حركات مالهاش لازمة عشان يزود قراية العداد
يعني مرة ركبت تاكسي من بداية شارع الهرم عند النفق لحد جامع السلام
كانت الساعة 5.30 الفجر في رمضان والشارع فاضي تماما
المشوار ماخدش دقيقة ولقيت العداد عمل 5 جنيه ! على الرغم من اني ركبت نفس المشوار قبل كدة كذا مرة وكان العداد بيعمل 2.5
السواق كان مخلي العربية تمشي على غيار قليل مش مريحها في الغيار على اساس يبقى ال Rpm عالي والمتور يلف اكتر بالتالي العداد يمشي اكتر ! ودي حاجة كنت حاسسها طبعا وواخد بالي منها طول الطريق
وواحد تاني يقوم مشغلك التكييف وتكون الدنيا بليل والجو كويس !
والمشكلة الازلية بتاعة التاكسي الابيض في الزحمة العداد ممكن يعمل عدد مش متوقع ابدا ! !
المفضلات