أنا بروح إكتوبر بشكل شبه يومي وسرعتي بتبقى في حدود 110-120 وبتوصل ل 150 لو الطريق فاضي وببقى مثبت رجلي ومش بهدي عند الرادارات وطبعا إحنا عارفين إن وقت الثورة كسروا الرادارات وبعدين إتصلحت بس أنا لحد دلوقتي مش مقتنع إن أي رادار فيهم شغال لإن قبل الثورة كانت الفلاشات شغالة الله ينور لكن بعد الثورة وبعد كمان أما صلحوا العدسات برضو مشفتش الفلاش شغال نهائي وكل الميكروباصات بالذات السياحية منها متهديش نهائيا على أي رادار فأكيد هما أدرى مننا ولاإيه؟
بتهيالي شغالين بس night vision من غير فلاش
لاني اصلا من ساعة ما الرادارات ال في النص اتركبت مشوفتلهاش فلاش لا قبل ولا بعد الثورة
و كان في فترة الرادارات القديمة شغالة من غير فلاش برضو
طب لو شغالة ليه كل الميكروباصات مبتهديش مع العلم إنه أيام الرادارات القديمة إللي عاليمين كان كلوا بيهدي حتى الميكروباصات
انا لسة جايب شهادة المخالفات من أسبوع
وكتير جدا علي المحور والصحراوي والدائري
أقل حاجة 120
المخالفات .... صفر جنيه
روح ياشيخ ربنا يطمن قلبك زي مطمنت قلبي :)
مش شغاله
مؤكد شغالة لان حكومتنا مش هتسيب مورد رزق لوز زى ده اما بخصوص التأخير فى ظهور المخالفات فى شهادات المخالفات فده عادى و ممكن تظهر حتى و لو بعد سنة او اكتر مع الوضع فى الاعتبار فترة الاضطرابات اللى فاتت.... اللى عند الحكومة مبيروحش
ياريت الالتزام بالسرعة المقررة يبقى بدافع حب الالتزام مش لمجرد تفادى الغرامة بدل الحوادث اللى كل يوم و التانى مالية الطريق.... ربنا يستر علينا كلنا
على فكره المخالفات يا بتتاخر اويييي يا اما مش بتروح اصلا
انا مره اخدت وصل انتظار في الممنوع ومره اخدت لزقه على الازاز
لما رحت المرور اجدد ملقتش ولا دي ولا دي (رحت شهر 5 اللي فات والمخالفات دي كانت في 12 اللي قبله)
يالا خير