تبرعت للصومال بفضل الله تعالى

**grand hand** · 07-09-2011 02:33 PM

المشاركة الأصلية كتبت بواسطة sharpen

ولامليم من التبرعات دى بتدخل الصومال اساسا
صاحب الموضوع يقدر يقولنا مين صاحب حساب لجنة الاغاثة دى اللى مكتوب رقمة ( الامم المتحدة ولا الهلال الاحمر ولا مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟ )
والمين دة اية اللى يضمنلى انة يوصل الامانة لاصحابها وميضربهاش فى جيبة لانها مقطوعة من لحمى الحى و قوت عيالى_ ولان اللى بيتبرع مسئول عن ضمان وصولها لمستحقيها _

من هي لجنة الإغاثة الإنسانية بنقابة أطباء مصر؟!
تقدر حضرتك تدخل عالرابط دة وهتلاقى إجابات لكل أسئلتك
http://www.hra-eg.com/

**azmeralda** · 07-09-2011 02:35 PM

على فكرة انا شايفة صور بنفسى لاتحاد الأطباء العرب دول مشاركين فى كوارث قبل كده ومفتكرش د حازم شومان هيبقى عبيط يدعو الناس لحاجة مش متأكد منها
وان مش مصدق الراجحى معروف او اتطوع وروح معاهم الصومال بنفسك واهو يبقى جهاد فى سبيل الله او اضعف الأيمان ادفع مبلغ قليل ويبقى وقع اجرك على الله

لكن لو كل حاجة فكرنا فيها كده عمرنا ما هنتبرع

طب ما انا عندى فى المستشفى حاجة اسمها التبرع لصندوق اصدقاء الأطفال وانا شفت بنفسى الأدوية والأجهزة اللى بيشتروها للعيانين لما ميزانية المستشفى لا تسمح واللى انشأته دكتوررة شادية السلاب وفى ناس مصرين ان الصندوق ده بيتوزع منه قال ايه حوافز للموظفين !!!!!!!!!وده كلام فارغ

لكن تجزم كده وبكل ثقة ان الفلوس دى مش رايحة

طب والبنوك اللى فاتحة الحسابات دى ما انت ممكن تتاكد هى تبع مين

يبقى متتبرعش بقى لحسابات البنوك لرسالة ولا مستشفى سرطان الأطفال ولا جمعية مصر الخير وشك فيهم برضه!!!!

**azmeralda** · 07-09-2011 02:42 PM

http://www.hra-eg.com/home/archive/70.html

http://www.hra-eg.com/home/archive/63.html

محمد فوزى احىى المستندات : )

**sharpen** · 07-09-2011 02:42 PM

انا اتبرعت اكتر من مرة لسرطان الاطفال علشان عارف انة بيروح لمكانة
تانى حاجة مش عايز اتكلم على النقابة واطبائنا علشان متوقفش
اهم حاجة اى حد لازم يبقا عارف ان اللى بيتبرع ((((( مسئول ))))) عن ضمان وصولها لمستحقيها
اما البنك معلهوش اى مسئولية دا مجرد وسيط بياخد الفلوس من المتبرع ويديهها لصاحب الحساب يبعزق على راحتة

**azmeralda** · 07-09-2011 02:45 PM

واهم من كده ان اللى مش عارف
او مش متاكد ميثبطش الناس
وميقولش ولا مليم من التبرعات دى بتدخل الصومال اساسا

لأن زى ما قلتلك انا صرفت الأدوية بنفسى من صندوق التبرع ورغم كده سمعت الناس بيقولوا عليه الكلام ده معرفش بيجى منين
هو احنا بنشوف من وش المستشفى مكافاءات اصلا بلا ...

**mahmoudysf** · 07-09-2011 03:16 PM

يا استاذ لو عندك دليل ان الفلوس دي ما بترحش وبتتسرق هاتة
غير كدة يا ريت ما تكنش سبب في وقف الخير
ولوعندك شك في لجنة الاغاثة الطبية
عندك الجمعية الشرعية
ولو لسة مش مقتنع خلاص ماتتبرعش بس بلاش تدعو الناس لكدة
وبعدين في حل بسيط زي ما الاستاذة azmeralda قالتلك ممكن تروح معاهم بنفسك عشان تتاكد ويبقى عملت خير اكبر

**azmeralda** · 07-09-2011 03:19 PM

**azmeralda** · 07-09-2011 03:22 PM

هى الظاهر يا استاذ محمود فكرة متأصلة عندنا فى مصر معلش
عشان اتعودنا عالنصابين
يعنى فى واحد واقف كل يوم على راس شارع المستشفيات عندنا ومعاه روشتة كده وراجل كبير فى السن وكل يوم بيعيط عياط مؤثر ومرير معرفش بيجيبه منين وكل يوم نفس القصة وواحدة برضه قدام المستشفى بتاعتنا حقيقى يستاهلوا اوسكار
معرفش بيجيبوا الدموع ازاى سبحان الله
فيمكن ده اللى موصل للناس الفكر ده برضه

**sharpen** · 07-09-2011 03:24 PM

للاسف الشديد انا طبيب وياريتنى ما كونت ولاشفت

**sharpen** · 07-09-2011 03:34 PM

سيادتك كل حاجة بتتوزع على المعارف والحبايب
انا مرة كنت فى مستشفى طالب كيس دم لحالة صعبة جدا الرد مفيش الفصيلة وعلشان انا عارف الدنيا ماشية ازاى كلمت واحد معرفة فدوروا ولقيوا - قالولى اصل دة للطوارىء _ على اساس ان اللى عايز دم دة كان هيشربة مكان العصير
\محدش بعد كدة يقولى لتبرع بدم ولا فلوس للغلابة لان الغلابة مبيوصلهمش حاجة