الموضوع: مقابلة صقور نيسان السادسة يوم الجمعة 16/9 بالتجمع الخامس

المشاركة الأصلية كتبت بواسطة dr.m.mowafy

ياااه اخيرا مقابله
وكمان اول رد لا لا مش ممكن هيغمي عليا كده بقي
:)
ان شاء الله حاضر

باذن الله تنورنا يا دكتور .. لان نفسنا نتعرف عليك جدا .. وان شاء الله يوم يوم جميل باذن الله

المشاركة الأصلية كتبت بواسطة dr.m.mowafy

بس هو لو امكن يتشرح ازاي اوصل من 6 اكتوبر يعني لو ممكن

لو جى من اكتوبر .. ممكن تيجى من على الدائرى اللى رايح على اسماعيلية .. ولما تعدى منطقة طريق اسماعيلية من تحت النفق .. تفضل مكمل على طول .. ولما تقرب من دخلة الحى العاشر مدينة نصر حيقابلك نفق تعديه .. وبعد كدا تكمل حتلاقى بردوا نفق .. تعديه .. وبعد كدا حتلاقى نفق اخير وانت داخل عليه تمسك اليمين .. وتنزل النفق ده .. وتدخل شمال حتلاقى نفسك دخلت التجمع وعلى يمينك مدينة اسمها مرتفعات القطامية .. وتمشى .. تعدى اول ميدان وتكمل على طول .. اللى هو طريقك العادى .. وبعد كدا حتلاقى ميدان تانى .. اعتقد بيسموه المحكمة .. المهم حتلف منه شمال وتدخل اول شارع شمال .. وتمشى فيه على طول لغاية ما يقابلك جامع .. فى دهر الجامع ده مول سفن ستار ومترو ماركت

المشاركة الأصلية كتبت بواسطة sonasteel

السلام عليكم
يااااااه ...... يابيبو ياااه
يابو حميد ...... كفاية الكلمتين اللي في الاول دول ... انت جيبتهم منين هههههههه
انا اقرا دول وهتلاقيني قاعد في الكافيه من دلوقتي :))
والتنسيق للموضوع .. رررائع جدااااا .. يفتح النفس ولا بلاش .. مش عارف اقولك ايه بجد

واكيد ورا الموضوع ده مجهوود رائع زي ما عودتنا علشان كل مقابلة تطلع احلي من اللي قبليها ..

واخيرا وبعد طوووووووووول انتظار ... هاشوف حبايبي واخواني من جديد
بس بجد ومن غير هزار ... المقابلة ديه عايزين نشوف الصقور كلها والكوادر والاعضاء المحترمين اللي شوفناهم واللي مشوفناهمش ... ومش هاقول اسامي علشان منساش حد
بس ياريت تنورنا بقي .. عايزين نشوفكم
---------------------------------------
انا ان شاء الله جاي يابو حميد وهاشوف الاسرة ان شاء الله
اقعد بالعافية :))

حبيبى يا سونة يارافع معنوياتى .. ومقدرنى دايما .. تسلم يا حبى .. اعمل ايه خالتونى منسق .. وخالتونى شاعر .. وكل ده من حبى للصقور
وان شاء الله يكون يوم جميل وحيكون فيه ترتيب كويس باذن الله .. ومفاجاءت جميلة

المشاركة الأصلية كتبت بواسطة micho

الله ينور يا استاذ
ان شاء الله وش جاي

تنور يا محمد .. لان الواحد نفسه يشوفك حقيقى

المشاركة الأصلية كتبت بواسطة elbannhawy

هو ينفع واحد معاه لادا وماشى فى إجراءات نيسان صنى يحضر معاكوا فى حالة إن إجراءات العربية اتأخرت ؟

يعنى أحضر باللادا وأدفع فرق .. ولما تيجى الصنى أبقى أسترد الفرق تانى ؟

ههههههه

أصلى نفسى أتعرف عليكوا بصراحة .. أصدقاء المستقبل .. الناس المحترمة .. الصقور الغاليين عليا

تحياتى ليكم جميعاً

يا باشا انت تنور مقابلات الصقور .. وشرف لينا نتعرف عليك .. لان بيسعدنا جدا اننا نتعرف على الشخصيات المحترمة اللى زى حضرتك .. اللى بتقدرنا .. وبعدين احنا مقابلاتنا مقابلات اشخاص مش عربيات .. ولو عايز اجى اخدك مخصوص من اكتوبر انا تحت امرك
المهم تنورنا ونشوفك

المشاركة الأصلية كتبت بواسطة mnabeih

هو مافيش دعوة لقسم فيات واللا اية؟؟!!!
طيب انا من غير دعوة ان شاء الله جاي, بس بنسبة 90 في المية عشان عاوز اتعرف علي الصقور صقر صقر
بس ممكن اجيلكم علي بالليل شوية او بعد الغدا.

كل المنتدى فوق راسنا .. ويشرفنا وجودكم .. وملاك فيات ينورونا وده مفهوش كلام ابدا
تنورنا يا فندم ..