ايه رأيكم فى تحفة سامسونج الجديدة؟(Samsung Galaxy Note)

**M7amD_7amDy** · 06-09-2011 05:01 PM

المشاركة الأصلية كتبت بواسطة moh_kamal67

اولا مجهود رائع منك انا لاحظته فى موقع gsmarena تو ما اعلنوا عنه هوة والتاب 7.7 طبعا هو حل ذكى لعلاج كبر التاب كتليفون اما عن السعر تاكد ان الاصدارات الاخرى من التاب تحكمه فموش هايكون غير منطقى الواحد يستنى لحد ما سعره يستوى وينزل الاحدث وهذا يحدث سريعا جدا فى الموبايل وهوة جهاز ممتاز للدخول على الانترنت تحياتى

شكرا ياباشا والتاب 7.7 تحفة برده

وكلامك مظبوط :)

المشاركة الأصلية كتبت بواسطة human12

Nokia 8210 The smallest mobile phone at it's time - YouTube

فاكرين النوكيا ده
كان اصغر تليفون شفته
كان غالى و قمة التكنولوبيا انك ماسك نوكيا الصغير ده
لما مسكته مكنتش بعرف ادوس الزراير كنت بدوس على نص التليفون بصوباعى

المهم لما كان معايا ايفون كنت حاسس انى عايز الشاشه تكبر و عشان كده جبت الديزاير بعد كده عجبنى الاتش دى شاشه 4.3

و دلوقتى الحلوف اللى 5.3

الناس ديه عايزه منى ايه

عايزة منك أنت بس؟

الناس دى بتعرف تخرج الألوفات صح من جيوب الناس

بخصوص النوكيا ده كان حلم حياتى

وخصوصا اللى كان بشاشة زرقا ونغمات بلوفونيك

المشاركة الأصلية كتبت بواسطة mido_soliman

تحفة بجد وبيتهيالى ان القلم الضوئى دة ينفع على الجالسى اس 2 ؟ ولا اية دة حيبقى جامد جدااا لو ينفع
والجهاز دة حينزل مصر بعد خماشر سنة كعادة التوكيل الجميل

اه طبعا ينفع وفى شركات بره بتنتج أقلام مخصوصة للأجهزة دى

ولا خماشر سنة ولا حاجة ياكبير كلها كام شهر وتشوفه هنا

بس أوعى تقولى تبيع اللى معاك وتجيبه

المشاركة الأصلية كتبت بواسطة M.almaghraby

مهو مينفعش تليفون و مينفعش تابلت برده .... هو الاندرويد دا كام ؟

أكيد ياباشا بس هو واخد من الأتنين زى العربية الهاتشباك الكبيرة كده هيا فى الأصل هاتشباك ولكن شنطتها كبيرة زى السيدان :)

ونازل بأندرويد 2.3.5 وفى إعتقادى لو الأيس كريم نزل هينزل بيه طبيعى

**M7amD_7amDy** · 06-09-2011 05:07 PM

المشاركة الأصلية كتبت بواسطة ALshahba

ده اندرويد اصدار 2.3.3
وللعلم هوا نفس مواصفات الجالاكسي اس2 ماعدا البروسيسور1.4 و الشاشه العملاقه5.3بوصه, لكن جميع المواصفات هيا نفسها, حتي بيزيد الحالاكسي2 عنه فى جودة نوع الشاشه انها super Amoled PLUS ودي بتزيد عنها فى الوضوح انها اعلي

لكن انا بقول ان الشاشات الكبيره جميله جدا ومش من حقنا نهاجمها , لان اللي مايعجبكش بيعجب غيرك ,ومش كل الموبايلات لازم تكون عمليه وتشتغل بيها !!! في ناس كتير محتاجاها فى المكتب وفي بتحتاجها وسيلة تخزينن (زيي) وفى ناس بتحتاجها فى الالعاب والفيديوهات والنت
وفى ناس بقه محتاجاها فى كل دول

تقبلو مروري

كلام مضبوط ياباشا بس هو نازل بأندرويد 2.3.5

وفى رأيى الجهاز ده هيبقى عليه أقبال كبير ولا انت ايه رأيك

بخصوص الشاشة السوبر أموليد والسوبر أموليد بلس تقريبا هما واحد

وكمان ممكن تسأل mido_soliman هو كان معاه النوعين دول ويقدر يحدد الفرق ده لو كان فى فرق :))

**M7amD_7amDy** · 06-09-2011 05:37 PM

المشاركة الأصلية كتبت بواسطة ghazy12

ما شاء الله... تحفة بجد يا محمد, و انت طبعاً من كبار عملاء سامسونج يا باشا :))

اظن سعره مش هيعدي الـ 5000 جنيه و ده لاسباب كتيير, اولهم ان التاب اول ما نزل
كان سعره 4500-5000 تقريباً.. و بعدين نزل لـ 4000... و بعدين لـ 3000 دلوقتي

الجلاكسي سعره مش بيعدي الـ 4500... سواء 1 ولا 2 اول ما نزلوا عموماً الاتنين

بس انا كنت عايز اعرف ايه اكتر حاجه بتميزه او ايه الجديد اللي فيه بيميزه غير الشاشة و البروسيسور ؟؟

و تسلم ايدك يا كبير السامسونجوية على الموضوع و الخبر :))

هههههههههه حبيبى ياغازى بيه وكنت مستنى رأيك الحقيقة :)))

وكلامك مظبوط جداا ومنطقى

الميزة اللى أنا شايفها فيه انت قولتها وهيا حجم الشاشة وطبعا سوبر أموليد

لو فى حاجة تانية أنا مش واخد بالى منها قول ياكبير ونورنا :)

وايه رأيك لو انت هتشترى تجيب ال S2 ولا ال HTC Sensation ولا ال Note ؟؟

**د.محمود صلاح** · 06-09-2011 06:02 PM

HTC flyer
تقريبا شبهه

**M7amD_7amDy** · 06-09-2011 06:38 PM

المشاركة الأصلية كتبت بواسطة ALshahba

شكرا ياجميل
بس اسمحلي ارجع واوضح انه نازا باصدار 2.3.3 وليس2.3.5 لان اخر اصدار نازل غير رسمي هو 2.3.4 يعني لو حتحط روم جديده يعني

اما تميز نوت عن جالاكسي2...............زي ماقال الاخوه هنا .........لا يوجد الا كبر الشاشه والبروسيسور وبرنامج تفاعل الرسوميات والوضوح الاعلي
بينما زميله اس2 يتميز ان شاشته اعلي من حيث الالوان حيث انها Super Amoled PLUS والنوت Super Amoled فقط ....... يعني من وجهة نظري الفرق بسيط فى الشاشه لكن الوضوح للنوت اعلي

باشا 2.3.4 رسمى وموجود فى ال S1 وتقريبا كمان فى ال S2

بخصوص النوت بص على الفيديو ده فى الدقيقة 5:20 هتلاقى مكتوب 2.3.5

Samsung Galaxy Note Hands-On and Pen Demo - YouTube

المشاركة الأصلية كتبت بواسطة د.محمود صلاح

HTC flyer
تقريبا شبهه

تمام بس الفلاير تابلت والشاشة 7 بوصة يعنى هيقوم بوظيفة واحدة لكن النوت ينفع الأتنين وكمان أعلى فى المواصفات

المشاركة الأصلية كتبت بواسطة ghazy12

شوف... هو انا مشكلتي مع السامسونج بتتلخص في حاجتين بس....

- الكوالتي
- الروم ( Touch Wiz )

بالنسبة للكوالتي... مش عارف ليه بحس ان اغلب منتجات سامسوج بيسترخصوا فيها بزيادة !!
يعني لو قارنت بينه و بين الـ HTC... هتلاقي فرق كبير في الكوالتي مش عارف ليه !!

بالنسبة للروم... اظن دي مشلكتي انا بس, لان انا بكره حاجه اسمها Touch Wiz
و من عشااااااااااق الـ Sense بتاع HTC... رااااااااائع بجد

لو المشكلتين دول اتحلوا... انا ماعنديش مانع اجيب سامسونج طبعاً

لكن في الوقت الحالي لو هقارن بين Galaxy S 2 و Sensation... هختار الـ Sensation

لو الـ Samsung Note دخل في الموضوع و نزل و لقيته كويس... ساعتها في كلام تاني :))

ده رأي يا حمدي بك... خــالص تحيــاتي يا باشا

رأيك يحترم ياغازى بيه :)

أنا معاك ان الخامات مش قد كده وال HTC بتصنع من مواد أعلى بس خد بالك . ده بيعوضهولك فى حاجتين

الأولى .. السعر وده عامل مهم جداا للمستهلك
التانية .. الوزن بيكون خفيف جداا

بس فى المجمل الجهاز مش سيىء للدرجة بالعكس التقفيل ممتاز جداا وبيتحمل الصدمات

والتاتش ويز 4 اللى موجود دلوقتى فى ال S2 والنوت أحسن كتييييييير من التاتش ويز 3 اللى كان فى ال S1

وفى الغالب هى بتبقى ميول :)) وانا لا ألومك فى حبك للسينس بس أنا مجربتوش الحقيقة ولما شوفته على اليوتيوب محبتوش الصراحة :))

شوفت بقى ههههههه مش بقولك هيا ميول وقبول وزغلول مين زغلول ده هههههههه

وخليك بقه شوية لما النوت ينزل ونجيبه سوا

-

-

-

الموضوع: ايه رأيكم فى تحفة سامسونج الجديدة؟(Samsung Galaxy Note)

LinkBack

أدوات الموضوع

عرض

-

-

-

-

المواضيع المتشابهه

أيهما أفضل Samsung Galaxy note 10.1 ولا Samsung galaxy Tab 2 10.1

Samsung Galaxy Note 16 GB..سامسونج جالاكسي نوت

[FOR SALE] Samsung Galaxy Note

سامسونج جلاكسي نوت الجديد Samsung Galaxy Note I717

samsung galaxy note

الكلمات الدلالية لهذا الموضوع

المفضلات

المفضلات

ضوابط المشاركة