تيريوس موديل 2000 حالة جيده أم لادا نيفا موديل 2010

يا جماعة انا معايا مبلغ 50000 جنيه وظروف عملى تقتضى سفرى من قريه فى المنوفيه الى القاهره ثلاث مرات فى الاسبوع وبعدين بصراحة منزلى فى منطقه غير مرصوفة وكلها مطبات وحفر ( حوالى 2 كيلو متر)
وبصراحة عاوز عربيه عاليه عن المطبات وفى نفس الوقت قطع غيارها فى متناول دخلى الشهرى البالغ 2500 جنيه
فعاوز راى الخبراء فى الموضوع ده هل اشترى تيريوس 2000 حالتها جيده ولا لادا نيفا 2010
ايهما افضل وايهما استطيع التعامل معه من حيث الصيانه وقطع الغيار
مع العلم ان معايا فيرنا 2004 عاملة 95000 الف كيلو مطهقانى فى عيشتى بسبب المطبات ومشاكل العفشة التى لا تنتهى
ومع العلم ايضا ان طولى 185 سم وما بحبش الجرى اكثر من 85 كيلو فى الساعة
ارجوكم دلونى على الصح اعمل ايه
تيريوس 2000 مستعملة حوالى عشر سنين
او لادا نيفا موديل 2010 حديثة
اسف على الاطالة

التيريوس انعم بكتير من النيفا و فيها كماليات عنها ف اللى بيحكم الحالة ف المستعمل و من راى انك مش محتاج النيفا ف حاجة لسبب بسيط انك مش بتخش الصحرا و كدة ف يبقى التيريوس افضل

يا راجل نيفا إيه .. دي عربية منقرضة.. أنا ركبتها في معرض فورمولا الأهرام من سنتين (زي الزفت) التريوس عربية كويسة وكفاية إنها ياباني .. وربنا يوفقك للخير

التريوس ضيقة من الداخل عكس النيفا
قطع غيار النيفا منتشرة وارخص من التريوس

بارك الله لكم
يعنى اختار التريوس ؟

التيريوس افضل

تعالي عندنا في قسم الديهاتسو وحتلاقي معلومات تفيدك اكتر

التريوس افضل

طب يا جماعه ايه اللى ممكن يكون بديل للتريوس والنيفا فى حدود مبلغ ال 50000
الفلوس بتتصرف الحقونى

موديل التريوس هذا علي وجه الخصوص فيه مشكله جامده في الثبات والملفات
لو تقرص علي نفسك شويه وتجيب اسبرانزا تيجو 1600 مستعمل

انا من المنوفية ومن قرية كذلك حوالي 2 كيلو على بال ماطلع على الأسفلت أنصحك بالنيفا فأنا معايا نيفا مو 94 و هي أفضل شيء وهي أحسن من موديل 2010 الجديدة وثمنها يبدأ من 20 ألف
شكرا