الميجان بتقطع ، سؤال مهم لخبراء الرينو والوحوش وايمن مومو
ازيكم ياوحوش عاملين ايه طبعا انا مش بعرفكوا غير في الظروف الوحشه ، بس يارب رينا ميجيب اي وحش عندكوا هدخل في الموضوع علطول
العربيه عملتها فيا وانا في شارع الهرم اول امبار ح واول مره تعملها ومن حظي الحلو كان يوم الأحد كل الميكانيكية والكهربائيه قافلين ونمرة ايمن مومو ضايعه مني كمان المهم الجو كان حر قوي وانا مشغل التكييف لقيت العربيه بتقطع كده بس التقطيع داه افتكره في الأول موبينه او بوجيهات بس مطلعش لا داه ولا داع علشان اعراض الموبينيه انا عارفها ومجربها قبل كده في الرعشه ، المهم سبت العربيه شوية وروحت الأهرامات كام ساعة كده قولت تبرد شوية ، ورجعت حطيت بنزين تاني العربيه اداائها اتحسن شوية ، في الأول مكانتش بتتطلع اي كوبري خالص وبدوس بنزين على الأخر ولا كأني بعمل حاجة ، انا سألت ناس في الموضوع داه قالوا لي هيا حاجة من اتنين
يا طرمبه بنزين يا حساس شكمان ، فياريت لو حد عنده تجربه او خبره اكيد يرد علينا ، وياريت ايمن مومو يشوف الموضوع ويقول رأيه
ملحوظه : العربيه بعد لما بردت شوية أدائها اتحسن
