الموضوع: استفسارات بخصوص الانترا 2012

السلام عليكم
اتفضل حضرتك الموضوعين دول و صلي استخاره
http://www.nilemotors.net/Nile/242730-2012-156-a.html

http://www.nilemotors.net/Nile/242238-2012-4000-a.html

و عليكم السلام و رحمة الله
أهلا بحضرتك
بالنسبة للموتور هو يعتبر موتور جديد هيونداي لسه منزلاه السوق 1600 بيدي 130 حصان فأكيد سحبه هايبقي عالي جدا .. و ساعة التوفير و المشي في وسط البلد هاتشغل نظام إكو لتوفير البنزين
أما بالنسبه لعمر العربيه و الموتور فهي بأمر الله مع الصيانة الدوريه ممكن تعمل كيلومترات محدش يتخيلها و كمان عدد سنين كبيره بدليل الموديلين اللي قبل كده و من قبلهم إلنترا 1997

ة موضوع الموتور و عمرة اللإفتراضي حضرتك متقلقش فيه عربيات فيرنا معانا هنا في المنتدي عدت 270 ألف كيلو بدون مشكلة واحده

أما الفرامل فأنا أنصح بشرائها بأيه بي أس و طبعا مش هايكون فيه مشاكل و لا (زحف) الكلمه دي أنا لغاية دلوقتي مش فاهملها معني .. كلمة مطاطه شويه ..لكن أهو هانقول أيه
أنا راكب الشكل السابق بدون أيه بي أس و الفرامل بترضيني جدا و الحمد لله

أما النقطة الرابعه و حضرتك مستكتر السعر علي هيونداي .. فهيونداي خاصة و (الأسيوي عامة ) هي العربيات اللي بتقدر ترجع لحضرتك جزء كبير من فلوسك عند إعادة البيع

و نقطة مهمه لو حضرتك مش مقتنع بها كعربيه بلاش تشتريها لأن ده متعب نفسيا جدا و هتكره العربيه بسرعه

المشاركة الأصلية كتبت بواسطة surfer3098

السلام عليكم يا شباب أنا أحمد محي عضو جديد هنا في المنتدى وإن شاء الله ناوي أشتري الانترا 2012 اوتوماتيك ابس و 1 ايرباج بس عايز استفيد بخبراتكم بخصوص كام نقطة كده:
1) موتور العربية اخباره إيه أنا مبجريش كتير بس بتخنق من العربية لتقفلني لما آجي أجري على طريق فاضي
انا سوقتها و بقولك الماتور صاروخ و اداءة عالى جدا, و مش حتحس انها 1600 اتوماتيك!!! غير انها موفرة جدا فى البنزين لو شغلت نظام eco فى الزحمة
2)طبعا اعمار كل شيء بايد الله سبحانه وتعالى بس هل العربية دي ماتورها يعيش 5-6 سنين بدون مشاكل وارتفاع فظيع في الصوت كعادة الكوري
بص العربية لسة جديدة و متجربتش بس اعتمادية هيونداى دلوقتى بقت عاليا جدا عالميا و العربية عمتا خدت مراكز مرموقة جدا متقدمة على الجيتا 2012 و الكروز و المازدا 3 و التيونا كرولا و الفورد و الكيا فورت.
3)أنا سامع إن العربية بتزحف من غير ابس فـهل ده موجود في ابس كمان
بص انا جربتها فولى لودد كان فيها abs و جنوط و كانت ممتازة و مش بتزحف خالص بس لما سوقت السيراتو حسيت ان فرامل السيراتو افضل حاجة بسيطة جدا.. بس المهم هاتها فيها abs مهم جدا و الabs بيخلى العربية متزحفش طبعا مش زى ما ناس بتقول ملوش دعوة بالزحف.
4)سعر العربية تقريبا 130,000 وأنا مستكتر ده على هيونداي أنا عارف إنها اتحسنت جامد جدا وبقت عالمية بس برده هنا فيمصر اسمها هيونداي فـلو حد ممكن يقترح بديل فينفس السعر أكون شاكر بس بشرط إن الصالون يكون واسع لأن أنا طويل شوية ومليان شوية يعني مثلا صالون اللانسر البما بياخدني بالعافية ركبي بتبقى دابة في التابلوه وشكرا ليكم مقدما
بص هو سعرها غالى فعلا بس كل العربيات اللى فمصر سعرها مبالغ فية... عموما هى افضل عربية فى رنج السعر ده و اوسع عربية, مش عايز اقولك بحر من جوة!!! و ممكن كمان تبص على السيراتو الهاى لاين خليجى لو يهمك الاوبشن و بص كمان على الفلوينس و كان نفس اقولك المازد لكن مش حتنفعك علشان ضيقة جدا.