نادي وادي دجلة vs نادي القطامية (بتروسبورت)
بصراحة الموضوع ده جابلي الهسهس بصراحة :N_no[1]:
أنا في القاهرة الجديدة
نادي وادي دجلة بيتميز بفروعة في التجمع واكتوبر والمعادي وقريبا في شيراتون وليه قرية في العين السخنة
نادي القطامية فرع واحد في التجمع بس مساحته اكبر بكتيييير وليه برضه قرية في العين السخنة بس تحت الانشاء
سعر الاشتراك متساوي تقريبا 60 الف
والتجديد السنوي متقارب من 600 الى 700 جنية
وادي دجلة فيه اكادميات لكرة القدم والسباحة والتنس والاسكواش
ونادي القطامية فيه اكادمية قدم وسباحة وجاري التعاقد على التنس
وان كان الاشترك في الاكادميات في وادي دجلة اغلى بس مش الفرق الكبير
الاتنين بعدهم من السكن متساوي
الاتنين الناس بتشتكي منهم وبتشكر فيهم في نفس الوقت ( من الفايس بوك)
العيب الوحيد في وادي دجلة منع دخول المنتقبات وده في العقد والمنع الشفهي لإشتراك الملتحيين انا رحبوا بيا لأني لسة شنة اولى لحية :tumb:....وان كان الموضوع ده هايتشال طبيعي لانه غير قانوني وفي قضية مرفوعة على النادي
نفسي حد يديني رأي نهائي وبالذات من الأخوة الأعضاء في الناديين وليه أختاروه سابوا التاني
