أستفسار عن الذهاب إلى الخليفة المأمون (روكسي)

**tutankhamoun** · 06-09-2011 11:34 AM

أنا عايز أروح الخليفة المأمون خلف سوق العصر (السخاوي )

المشوار المفروض من الساعة 9 صباحا (كلها أيام عمل و ليس عطلات )
نقطة الأنطلاق السادس من أكتوبر
أيه أفضل الطرق للذهاب بالسيارة و أسرعها
و هل أفضل المواصلات العامة و هاتكون أسرع أو أكتر راحة للبال من السيارة ؟

حاجة كمان لو رحت بالسيارة فيه أماكن ركن في المنطقة دي تكون أمان و رخيصة علشان أحتمال أركن طول اليوم هناك و مش عايز أسيب العربية في الشارع .

أرجوا الافادة .

**heshamzaky** · 06-09-2011 11:42 AM

الطريق الى اعرفة انك توصل لكوبرى 6 اكتوبر و من الكوبرى تنزل نزلة غمرة لانك لو نزلت نزلة صلاح سالم حا تلف اكتر شوية
لو نزلت نزلة غمرة حا تكمل من تحت لغاية العباسية و شمال من عند جامع النور حا تلاقى جامعة عين شمس كمل طوالى حاتعدى من عند كوبرى القبة بعدها بشوية حا تبقى عند الخليفة المامون حوالى محتين اوتوبيس مثلا بالكتير جدا سوق العصر حا يبقى شمالك أماكن الركن ببلاش مفيش اى مشكلة نهائيا طبعا بس زحمة شوية بس حا تقدر تركن بسهولة
لو نزلت صلاح سالم حا تكمل لغاية ما تلاقى يو ترن من عند اخر عمارات العبور الى على الشمال حا تلف و تدخل فى البطىء من عند السيتى بانك و تكمل شوية صغيرة الشارع نازل يمين دة اسمة شارع الاستاد اليحرى حا تكمل فية للاخر حا تلاقى الخليفة المأمون بالعرض تنزل يمين و سوق العصر و السخاوى برضو حا يبقى شمالك ممكن تركن عند محطة موبيل و تعدى الشارع على رجليك المسافة مفيش صغيرة جدا جدا جدا

**tutankhamoun** · 06-09-2011 12:29 PM

المشاركة الأصلية كتبت بواسطة heshamzaky

الطريق الى اعرفة انك توصل لكوبرى 6 اكتوبر و من الكوبرى تنزل نزلة غمرة لانك لو نزلت نزلة صلاح سالم حا تلف اكتر شوية
لو نزلت نزلة غمرة حا تكمل من تحت لغاية العباسية و شمال من عند جامع النور حا تلاقى جامعة عين شمس كمل طوالى حاتعدى من عند كوبرى القبة بعدها بشوية حا تبقى عند الخليفة المامون حوالى محتين اوتوبيس مثلا بالكتير جدا سوق العصر حا يبقى شمالك أماكن الركن ببلاش مفيش اى مشكلة نهائيا طبعا بس زحمة شوية بس حا تقدر تركن بسهولة
لو نزلت صلاح سالم حا تكمل لغاية ما تلاقى يو ترن من عند اخر عمارات العبور الى على الشمال حا تلف و تدخل فى البطىء من عند السيتى بانك و تكمل شوية صغيرة الشارع نازل يمين دة اسمة شارع الاستاد اليحرى حا تكمل فية للاخر حا تلاقى الخليفة المأمون بالعرض تنزل يمين و سوق العصر و السخاوى برضو حا يبقى شمالك ممكن تركن عند محطة موبيل و تعدى الشارع على رجليك المسافة مفيش صغيرة جدا جدا جدا

ألف شكر يا أستاذ هشام .... و شكرا على تعبك و ردك

طيب سؤال للناس اللي بستخدم المحور من 6 أكتوبر للمهندسين في الصبح (من 8 لغاية 10 ) هل بيبقى زحمة و مقفول و ممكن يأخد وقت أد أيه ؟

**ahmed2y** · 06-09-2011 01:09 PM

بص يا باشا الوصفة بتاعت كوبرى اكتوبر وغمرة هى اقصر واحسن طريق

وموضوع الوقت اتحرك من اكتوبر الساعة 12 بالظبط عشان تلاقى المحور ان شاء الله فاضى لما تدخلة على 12 ونص واحدة هيكون تمام

**tutankhamoun** · 06-09-2011 02:18 PM

المشاركة الأصلية كتبت بواسطة ahmed2y

بص يا باشا الوصفة بتاعت كوبرى اكتوبر وغمرة هى اقصر واحسن طريق

يا باشا ألف شكرا لتعبك و أهتمامك في الرد .

وموضوع الوقت اتحرك من اكتوبر الساعة 12 بالظبط عشان تلاقى المحور ان شاء الله فاضى لما تدخلة على 12 ونص واحدة هيكون تمام

هو للآسف معنديش أختيار أني أخرج متأخر أوي كدا ... أنا في الطبيعي عارف أن الميعاد ده على المحور بيكون مش زحمة
بس أنا عايز أعرف ميعاد من 8 لغاية 9 أو 10 .... بيبقى عامل ازاي ؟؟؟؟؟؟

**A.Saad** · 06-09-2011 07:55 PM

من 8 الى 9 كويس
باستثناء كيلو تقريبا قبل الدائرى فى اتجاه لبنان

**aif** · 06-09-2011 08:20 PM

المشاركة الأصلية كتبت بواسطة heshamzaky

الطريق الى اعرفة انك توصل لكوبرى 6 اكتوبر و من الكوبرى تنزل نزلة غمرة لانك لو نزلت نزلة صلاح سالم حا تلف اكتر شوية
لو نزلت نزلة غمرة حا تكمل من تحت لغاية العباسية و شمال من عند جامع النور حا تلاقى جامعة عين شمس كمل طوالى حاتعدى من عند كوبرى القبة بعدها بشوية حا تبقى عند الخليفة المامون حوالى محتين اوتوبيس مثلا بالكتير جدا سوق العصر حا يبقى شمالك أماكن الركن ببلاش مفيش اى مشكلة نهائيا طبعا بس زحمة شوية بس حا تقدر تركن بسهولة
ا

ده فعلا افضل طريق
اضافة بسيطة
بعد ما تعدي جامعة عين شمس و تعدي اشارة كوبري القبة من عند جامع جمال عبد الناصر ح تلاقي الطريق متفرع شمال ويمين زي رقم 7 بالعربي ... خليك في اليمين .... وبعدين ح تلاقي سوق العصر علي شمالك .... يعني ح تمشي طوالي شوية وبعدين يو تيرن شمال يبقى السوق على يمينك
الركن ح تلاقي مناديين كتير والركن صف ثاني دي اساسي ... وصف ثالث كمان بس ابقى سيب الفرامل او رقم تليفونك على الزجاج ..... وبعدين الصبح الساعة 9 مش ح تلاقي مشكلة في الركن لأن المحلات بتكون لسة مش فاتحة كلها

لو مواصلات يبقي تركب مكروباس من اكتوبر للجيزة وتركب المترو لمحطة كوبري القبة او سراي القبة وتاخد تاكسي لشارع الخليفة المأموص عند منشية البكري ( 4 جنيه تقريبا )

نورت شرق القاهرة يا باشا

**heshamzaky** · 07-09-2011 01:58 AM

المشاركة الأصلية كتبت بواسطة aif

ده فعلا افضل طريق
اضافة بسيطة
بعد ما تعدي جامعة عين شمس و تعدي اشارة كوبري القبة من عند جامع جمال عبد الناصر ح تلاقي الطريق متفرع شمال ويمين زي رقم 7 بالعربي ... خليك في اليمين .... وبعدين ح تلاقي سوق العصر علي شمالك .... يعني ح تمشي طوالي شوية وبعدين يو تيرن شمال يبقى السوق على يمينك
الركن ح تلاقي مناديين كتير والركن صف ثاني دي اساسي ... وصف ثالث كمان بس ابقى سيب الفرامل او رقم تليفونك على الزجاج ..... وبعدين الصبح الساعة 9 مش ح تلاقي مشكلة في الركن لأن المحلات بتكون لسة مش فاتحة كلها

لو مواصلات يبقي تركب مكروباس من اكتوبر للجيزة وتركب المترو لمحطة كوبري القبة او سراي القبة وتاخد تاكسي لشارع الخليفة المأموص عند منشية البكري ( 4 جنيه تقريبا )

نورت شرق القاهرة يا باشا :oc_sun1[1]:

الله ينور يا باشا فعلا التفريعى دى تدخلة على شارع المقريزى و أبن سندر
لو حا يستعمل المترو يفضل النزول فى محطة سراى القبة لانة لو نزل كوبرى القبة مش خا يعرف يركب تاكسى الا لو مشى من تحت الكوبرى لغاية شارع جسر السويس عند ابن سندر و يعدى لما يبقى فى الخليفة المأمون و يركب التاكسى
لو ركب تاكسى من محطة سراى القبة التلكسى حا يمشى فى شارع القبة و يلف يمين من عند اشارة روكسى عند العبودى و يدخل الخليفة المامون فى نفس صف سوق العصر

-

-

الموضوع: أستفسار عن الذهاب إلى الخليفة المأمون (روكسي)

LinkBack

أدوات الموضوع

عرض

أستفسار عن الذهاب إلى الخليفة المأمون (روكسي) - انشر الموضوع فى :

-

-

-

-

المواضيع المتشابهه

اروح إزاي الخليفة المأمون؟؟؟؟ رايح الصبح ومش عارف الطريق خاااالص

منطقة الخليفة تبع مرور ايه دلوقتى؟

تحذير لكل جيرانى فى مصر الجديدة وروكسى و شارع الخليفة المامون(سوق العصر)

مركز المأمون الى فى اسكندرية!!!

تعديلات على الكشافات الخليفة والامامية

الكلمات الدلالية لهذا الموضوع

المفضلات

المفضلات

ضوابط المشاركة