مشكلة فى الردياتير وحرارة العربية

**yssryaae** · 06-09-2011 01:11 PM

اشتريت ردياتير لعربيتى اللانوس الاوتوماتيك وحاولت اركبه بس وقفت عند خرطومين طالعين من الفتيس خاصين بزيت الباور اللى بيدخل الردياتير عشان التبريد موجود فتحتين ليهم فى الردياتير وانا مش عارف اركب انهى خرطوم فى انهى فاتحة ياريت الرد سريعا من الاخوة الافاضل وياريت لو فيه صورة يكون افضلسؤال تانى معلشى استحملونى العربية عندى بتسخن جدا فى اقل مشوار بعمله فسالت ميكانيكى قالى كل عربيات الدايو كده ياترى كلامه مظبوط والا لا؟وشكرا لحضراتكم

**tarek_2005** · 06-09-2011 04:13 PM

انتا ملخبط الدنيا في سؤالك ايه علاقة زيت البور بالردياتير
الردياتير لتبريد المياه الداخلة للمكنة وليس لتبريد زيت الباور اتاكد من سؤالك علشان نعرف نجاوبك
الريداتير واصل له كوعة من عند ايدك الشمال وانتا واقف امام السيارة ووشك للزجاج الامامي للسيارة ودي خارجة من الكوعة الالمونيوم الي خلف بيت سير الكاتينة وهتلاقي ليها فتحة في الردياتير من اعلي
اما من جهة اليمين هتلاقي فتحتين في علبة الردياتير واحدة واسعة ودي للخرطوم الي راجع لماسورة الشجرة وستجدها بمنتصف علبة الردياتير والتانيه رفيعه ومن اعلي الردياتير ودي بتوصل لقربة المياه بخرطوم صغير

**tananybasha** · 07-09-2011 12:26 AM

اعذر تدخلى
حضرتك جبت ريادتير عاده مش اتوماتيك
العربيات الأتوماتيك بوجه عام فيه دورة تبريدد للفتيس عبارة عن خرطومين داخلين على الريادتير لتبريد دورة زيت الفتيس
و ده معروف فى اى عربية اتوماتيك
دلوقتى عندك حلين او تلاته
1. تغيير الريادتير بواحد مخصص لعربيات الأتوماتيك و ده قليل قوى لأن معظم اللانوس نزلت مانيوال
2. عند بتاع ريادتيرات تفك العلبة من الريادتير القديم و تركبها فى الجديد ( العلبة الشمال اللى فيها فتحتين للخراطيم )
3. حل مؤقت خط بتخاطر انك تضيع الفتيس انك ترط الخرطومين ببعض عن طريق لاكور تجميع

ده العادى

ده الأتوماتيك