ما هي عيوب لانسر 1600 الشكل القديم2006-2007؟
عرض للطباعة
ما هي عيوب لانسر 1600 الشكل القديم2006-2007؟
الإنتشار الرهيب ، هو ممكن يكون عيب وممكن يكون ميزة ، بقت أكتر من التاكسى ، لكن بيعتبر ميزة لما تدور على قطع غيار او لما تحب تبيعها.
الثبات على السرعات العالية مش قد كده
و في المنحنيات برضه
موتور العربية قوي بزيادة على الوزن
و الله أعلم
عزل اللانسر للهواء و الأصوات مش نمرة واحد
العربيه كويسه جدا كسحب وتسارع (حتى لو أتوماتيك)
صالونها حلو جدا وواسع جدا
شنطتها كبيره
العربيه مريحه في السواقه .... كرسي السواق في ناس بتشتكي منه ... انا شخصيا شايفه مريح
التكييف ممتاز.... والكاسي والسي دي تشانجر هايل
العفشه جيده جدا ... ممكن تسمع صوت المطب بس مريحه جدا في التعامل مع المطبات والراكب ما بيحسش بيها بيسمع صوتها
العيوب بقه
العزل سيئ وصوت الهوا مع صوت الماتور على سرعات فوق 120 بيبقى مزعج جدا
الاستابيلتي مش حلو وتحس انها خفيفه خصوصا تأثير الهوا الجانبي عليها وحش قوي
لوتقدر تجيب الكورولا (الشكل القديم برضه) وتستحمل فرق السعر ما تتدردش
لو مش عايز فرق سعر ممكن تبص على التيدا احسن منها برضه
لو عايز تدفع أقل وتاخد مميزات كتيير ومش فارقه كتيير كجوده بص على الجين 2
العربية ما شاء الله عليها جميلة جدا جدا فى سواقتها وسحبها عيبها اللى انا شايفه ان عفشتها ناشفه حبتين لكن العربية ككل حلوة جدا وتستاهل تمنها