الموضوع: جامع لكل مواطن!!

المشاركة الأصلية كتبت بواسطة aif

المحك الحقيقي في صلاة الجمعة
هل المساجد بتبقي فاضية .....اعتقد ان المساجد برغم كترتها لسة مش كفاية
الناس بتزيد بسرعة يا علا ....لازم المساجد تواكب الزيادة دي
المكروفونات دي بقي قصة مختلفة

على فكرة يا احمد احنا الكثافة السكانية عندنا مش عالية خالص.. يعني مسجد واحد هايكفي المصلين، صدقني :o

المشاركة الأصلية كتبت بواسطة aif

احنا حولينا حوالي 6 مساجد وساعات بتبقي فاضية ...
لكن في صلاة الجمعة بتبقي مش مكفية وبنفرش برة
حاولي تنزلي ساعة صلاة الجمعة وشوفي بنفسك .... ده حتي في الرحاب ... اللي بنقول عليها فاضية ورايقة ... برضة الجوامع برغم ضخامتها وكترتها مش مكفية
وبعدين مش احسن ما يعملوها قهاوي يا علا

لأأأأأأأأأأأأأأأأه.. قهاوي لأ

بس برضه مش جوامع بميكروفونات كل كام متر.. ده انا باضطر أأخر المغرب و العشا و الفجر لحد ما يخلصوا عشان اعرف أصلي :(

هو سعادتك لو احنا مسلمين زى ماربنا عايز كنتى عرفتى فايده التلات جوامع لانك كنتى هتلاقيهم مليانيين فى كل صلاه لكن للاسف نسينا الاسلام وبقى مظهر عادى جدا اننا مانصليش فى الجوامع
هاسئلك سؤال ايهما اكثر حرمه ترك الصيام ولا ترك الصلاه ؟
باجماع العلماء ترك الصلاه احنا دلوقتى لو لقينا حد مش بيصلى مش بندايق ولا حاجه مع اننا فى رمضان لو شوفنا حد بيشرب سيجاره بالنهار بنقعد نقول بص وشوف وبنعمل هيصه لكن لله الامر اخدنا على المعصيه لدرجه انها صارت مألوفه
يقول النبى ص على صلاه الجماعه ما ثبت في الصحيحين و هذا لفظ البخاري : عن أبي هريرة رضي الله عنه : أن رسول الله صلى الله عليه و سلم قال : " و الذي نفسي بيده ، لقد هممت أن آمر بحطب فيحتطب ، ثم آمر بالصلاة فيؤذن لها ، ثم آمر رجلاً فيؤم الناس ، ثم أخالف إلى رجالاً فأحرق عليهم بيوتهم
ولم يمنع النبى ص من اداء هذا الفعل الا وجود النساء والاطفال فى البيوت وهم لاتجب عليهم صلاه الجماعه

اكمالا للحديث الاصل انه يكون فعلا فى مسجد واحد كبير بكل منطقه يصلى فيه الناس كلها وهتلاقى الموضوع ده فى الخليج منتشر بيسموه المسجد الكبير علشان الناس كلها تشوف بعضها وتطمن على بعض ولو حد غاب نروح نسأل عليه
لكن الموضوع ده لايتوفر فى مصرنا العزيزه لذا كان الحل الزوايا وربنا يتقبل من الجميع
الكلام ده مش هجوم على اى شخص على اد ماهو زعل على واقع كلنا مشاركين فيه بشكل او باخر
اما بالنسبه لموضوع الميكروفون فده فعلا غلط والاولى انه يشغل المايك الداخلى بس علشان مايشوشرش على المساجد الباقيه ومايدايقش الناس فى البيوت

المشاركة الأصلية كتبت بواسطة outosend

اما بالنسبه لموضوع الميكروفون فده فعلا غلط والاولى انه يشغل المايك الداخلى بس علشان مايشوشرش على المساجد الباقيه ومايدايقش الناس فى البيوت

و هذا هو بيت القصيد :)

المشاركة الأصلية كتبت بواسطة aif

انتي بتتكلمي علي سلبية واحدة ..... وعشرتاشر ايجابية ;)
وبعدين هو الجوامع بس اللي بتعمل ازعاج ... ده حتي بتاع الروبابيكيا بينادي بمكروفون...
وعربية المطافي والاسعاف عاملة سارينة تصحي الاموات ... وهما اساسا رايحين يجيبو فطار مش بيطفو حرايق ولا حاجة .... والكلاكسات بقي دي لوحدها كارثة ..... وميدو غوراز مشغل ساوند سيستم 115 مليون وات في عربيته .. واتحدي لو هو اساسا سامع اي حاجة لأن اكيد جاله طرش مزمن معروف الاسباب ..... وأدهم البواب اللي جنبنا حاطط 4 انابيب بوتوجاز علي العجلة بتاعته وبيخبط بالمفتاح اللي معاه ... بس الراجل حقاني جدا..... لو خبط 4 مرات علي انبوبة لازم يخبط علي كل الانابيب 4 مرات برضة وبمنتهي الضمير .. مش اي خبط والسلام
وبعد كل ده ميكروفون الجامع مزعج ..............
ده الناس ناقص ( عدم اللامؤاخذة ) تشخر وهي نايمة في الميكروفون

طيب تصور بأه لو كل الأصوات دي و بالإضافة ليهم كمان 3 آذانات و جامعين بيصلوا في الميكروفون و كل واحد في آية من الفاتحة و كل واحد في سورة من السور و كإنهم في منافسة