:: القادمون :: حقيقه ولا إبداع هواه ؟؟؟؟؟ The Arrivals

السلام عليكم ورحمه الله وبركاته

ازيكم جميعا يا اعضاء المنتدى الكرام , ياترى حد فيكم شاف حلقات سلسله : القادمون : او The Arrivals ؟؟؟؟؟

انا شوفت الحلقات بالكامل (50 حلقه) على مدار اليومين اللي فاتو وبجد حسيت اني دخلت في عالم جديد من الحيره (يمكن لان مخي اشتغل بطريقه مختلفه) خاصه واني مقتنع بتناول الاحداث والربط بين الاشياء وبعضها البعض بنسبة 95%

الحلقات دي اتعمل فيها مجهود شبه خيالي (من وجهه نظري) سواء كانت المعلومات دي سليمه او فيها جزء خطاً , وبالرغم من اني مصدق الموضوع جدااا بس نفسي الاقي حاجه تخليني مصدقش الكلام ده !!!! لاني بجد بعد ما تابعت الحلقات بشغف شديد اكتشفت اننا كبشر عايشين مؤامره عظيمه من نوع لا يمكن لبشر عادي ان يتصوره

انا عايز اعرف اراء الاخوه الكرام اللي تابعوا السلسله دي
هل في ملحوظات او تعليقات او اخطاء معينه وردت بالسلسله ؟؟
او مثلا هل الفيديوهات دي تعتبر مرحله جديده من الفتنه والتضليل اللي بنعيشها الايام دي ؟؟
ولا فعلا المعلومات والتخطيطات الوارده بالفيديو حقيقه ويجب علينا جميعاً الاستعداد لمواجهه ما هو قادم ؟؟

انا عندي تعليق واحد على السلسله وهو يعتبر خطاً (ربما غير مقصود) من صانعي الحلقات
وهو انهم ذكروا ان المسلمين مُلزمين بأداء فريضه الحج عالاقل مره واحده في حياتهم , وطبعا ده مش صح لانه مش إلزام , ولكنه لمن استطاع

وبخلاف كده انا معنديش تعليق غير اني محتار :)
معلش انا عارف ان الموضوع غريب بس فعلا انا محتاج اراء غير رأيي لان الموضوع محيير

انا شفت حاجه وعشرين حلقه وفعلا الموضوع محير وزمان لما كان بيدور نقاش حوالين كرتون مثلا جايبين فيه توم وجيري لما ماتو ورايحين الجنه ولنار وفيه واحد واقف وساعتها ناس قالو ازاي يوصلو للأطفال ان ده خازن النار وناس قالت ده كرتون وهو كان ديزني من زمان في دماعه الكلام ده

السلسله بتقولك ان الكلام ده كله مدبر واي حاجه بتتعمل من عشرات السنين هي ضمن مخطط

انا لسه مكملتش بس ناوي اكملها ان شاء الله وعموما مفيش شيء مستبعد

وعليكم السلام ورحمة الله
انا ماشفتهاش كلها بس لفت نظري مضمون بعضها الي بياكد
الالة الاعلامية وهيمنتها وتوجيها لفكر البشر......علمانية
راسمالية متوحشة تخدم مصالح الاقلية الي ضاحكة على شعوبها وماصة دمهم بنسب مختلفة بين دول العالم
تحياتي محمد بيه

وشوف الموضوع ده كمان
http://www.nilemotors.net/Nile/226089-a.html

الموضوع فعلا خطير ومحيير ومقنع في نفس الوقت !!!!!!

انا نفسي كل اللي مشافش الحلقات دي يدخل يشوفها على اليوتيوب حتى , او يحملها من اي موقع لانها فعلا شئ يستحق الاقتناء

واللي عايز لينك تحميل انا ممكن اساعده واحط لينك لموضوع فيه تحميل السلسله كامله

بس افهم من كلامكم يا شباب ان تقريبا انتو في نفس الحاله اللي انا عايشها دلوقتي , يعني مقتنعين بنسبه كبيره لان مفيش اي سبب يخلي الواحد ميصدقش الكلام , خاصه في ظل البراهين والاثباتات اللي الحلقات بتقدمها وكمان الاحداث اللي احنا عايشينها

وبعدين يعني كده فعلا بدايه تحكم اسرائيل في العالم هتكون تقريبا في سنه 2020 بعد انهيار الكيان الامريكي ؟؟؟
وده هيكون من خلال المسيح الدجال !!!!!!!!!!!

الفيديو ده مخيف على فكره , انا حاسس ان المعلومات اللي شوفتها وعرفتها دي مسيطره على معظم تفكيري حتى وانا نايم , وانا مقصدش مخيف يعني (رعب) بس المخطط نفسه مخيف لانه فيه كم رهيب من الشر , وللاسف العالم كله من سنين خاضع للمخطط بمنتهى الاستسلام

اقتباس:

---

المشاركة الأصلية كتبت بواسطة otefa

وشوف الموضوع ده كمان
http://www.nilemotors.net/nile/226089-a.html

---

شكرا يا باشا واكيد هقرأ الموضوع

انا شفتها و مصدق طبعا لاسباب
لكن لما تعمقت في الموضوع حسيت اني داخل في دوامه كبيره
في الاخر قلت طالما انا مؤمن بربنا يبقي لازم يكون عندي يقين بان كل حاجه بتحصل بتكون بارادة ربنا و ان احنا مش حنقدر نعمل حاجه
فالاحسن نتكل علي ربنا ومنوجعش دماغنا عشان كله بارادة الله

أنا مقتنع بنسبة 80% منها من قبل أشوفها ولما شوفتها إقتنعت بنسبة 95 % منها زي ما إنت بتقول

ولكن تبقى نسبة الخطأ في بعض ما ذكر ولكنها ليست في أشياء جوهرية إنما في نقاط فرعية يمكن تجاهلها مثل بعض الفروق بين أهل السنة والشيعة وما الى ذلك

والخطة والمؤامرة الرهيبة الكبيرة والعميقة المصورة في هذه السلسلة ... من وضعها ليس البشر وإنما كان البشر من أدواتها بكل فجورهم وتكبرهم وطغيانهم ... وإنما واضع هذه المؤامرة الرهيبة هو إبليس ذاته .. وهو ينفذ في ذلك ما قطعه على نفسه أمام الله عز وجل حين أخرجه الله سبحانه وتعالى من الجنة ملعونا الى يوم الدين فقال ...

اقتباس:

---

قَالَ رَبِّ بِمَا أَغْوَيْتَنِي لَأُزَيِّنَنَّ لَهُمْ فِي الْأَرْضِ وَلَأُغْوِيَنَّهُمْ أَجْمَعِينَ (39)

---

الحجر 39

هذا هو مخططه منذ الأزل تدمير البشرية حقدا وحسدا من عند نفسه وكشف هذا المخطط كان مهمة كل الأنبياء والرسل عبر العصور وعبر التاريخ

وبنوا إسرائيل أو من يطلقون على أنفسهم اليهود اليوم كانوا ولا يزالون وسيظلون من أكثر أتباعه بذلا للجهد وتطبيقا لسياساته الدنيئة

وللأسف فإن الكثير من أهل هذا العصر تعاموا عن هذه الحقيقة ... الشيطان وأتباعه من اليهود وغيرهم يريدون العالم إباحي دون قواعد أو شروط أو أية صورة من صور التدين أو العبادة لله .. حفظنا الله منهم وأياكم

...

إلا أن هناك محورا واحدا في هذه السلسلة هو ما لم أقتنع به تماما وإن كنت لم أرفضه كذلك وهو حقيقة أن نسل الفراعنة هو من لا يزال يحكم العالم حتى اليوم وهم الأسرة الملكية البريطانية ومعظم الرؤساء الأمريكيين وتصويره لهم على أنهم جميعا من نسل واحد تقريبا

نصيحة متنجرفش اوي ورا الموضوع عشان هتتعب جدا

السلسلة دي بجد مهمة ومفيدة جدا للناس بس انا في حاجات معتبرها صدفة زي مثلا الفندق اللي في دبي وارضه مرسومة كاروه ابيض في اسود اعتقد ان دي مش متعمدة ووجودها هو مجرد صدفة وفي حاجات تانية كمان بس انا مش فاكرها بصراحة