ممكن اعرف من اهل الخبراء ازاى اعرف ان العربية تكون دواخلها فبريكة ولكم جزيل الشكر
ممكن اعرف من اهل الخبراء ازاى اعرف ان العربية تكون دواخلها فبريكة ولكم جزيل الشكر
أول حاجة هى بنط لحام الفابريكة بيكون ليها شكل مميز
كمان لون الدوكو
بص أنت ممكن في حوض العربية أو اي حتة تكون مش باينه أوي وتكحتها لو لاقيت معجون يبقى مش فابريقه أما لو ظهرلك لون الصاج الطبيعي أعرف إنها فابريقه
ملاحظات لمعرفة بوية الفابريكة:
1- أولا ميكونش فيه اى جزئ فى الحوض او القوائم فارق فى اللون عن ما حوله
2-ميكونش فيه جزء فىالحوض او القوائم بويته شكلها حديث عن ما حولها
3-عدم وجود آثار معجون تخت اى جرح او خربشة فى بوية الدواخل
4-وجود جزء منبعج فى الحوض(مخبوط ومتصلح) ومع ذلك البوية اللى عليه سليمة يدل ان الحوض مرشوش
5-يجب ان يتناسب مظهر البوية مع عمر السيارة، يعنى مينفعش تكون عربية موديل 92 وعاملة 300 الف كيلو وبوية الحوض بتلمع، حتى لو كلها متناسقة
6-بنط الفابريكة لها شكل دائرى مميز وحدود واضحة، لو البنط مش بنط فابريكة ومع ذلك البوية فوقها سليمة يدل ذلك على ان السيارة اتصلحت وترشت
7- تسييل البوية فى الحوض يدل الى حد كبير على انها مش بوية فابريكة(ما عدا عربيات شركة النصر، كلها بتطلع من المصنع والحوض مسيل لذا لا داعى لظلم اصحاب السيارات النصر بهذة الملاحظة)
8- وجود تجمعات للبوية عند الأركان، او عند اتصال الأجزاء المعدنة المختلفة ببعضها، او بوية مرشوشة فوق اتربة، او تحبيب فى البوية، كل ذلك يدل على رش الحوض
9- وجود اى شروخ فى بوية الحوض يدل على ان تحتها معجون وهو بدوره يدل على رش الحوض
10-عدم وجود مادة الفيلر تحت البوية(بعنى لو حتة مقشرة ومش باين تحتيها فيلر) يعنى ذلك ان الحوض مرشوش