الموضوع: الاقى فين e book reader

دى مشاركات كنت كاتبها فى موضوع قبل كده

المشاركة الأصلية كتبت بواسطة kareemz

أنا معايا واحد سونى من سنة و نص تقريبا.

أنا بركب مواصلات كتير .. فعشان كده بستخدمة فى المواصلات .. اللى معايا sony prs-600 touch edition .. و بيقرا كل الامتدادات تقريبا (epub,doc,pdf,txt,bbeb) و تاتش اسكرين و بيشغل mp3 كمان.

الفرق بين ال sony وال kindle ان السونى بي support ال pdf كملف يعنى بيفهم الكلمات و الحروف و كدة انما ال kindle بيشوفة كصورة .. و أيام مانا اشتريت كان ال kindle لازم تبعت لأمازون الملف اللى انت عاوز تشغلة عليه و هم يحولوة أو حاجة زى كدة .. معرفش الوضع دلوقتى ايه.

الفكرة فى ال e-book readers هى الشاشة .. معمولة بتكنولوجى اسمها e-ink .. و دى معمولة عشان تقدر تقرأ عليها كتب لفترت طويلة من غير ما تتعب عينك .. وكمان استهلاكها للطاقة قليل جدا .. و بيتحسب بعدد الصفحات اللى بتقلبها .. من التعليقات الظريفة اللى قريتها فى review واحد كاتب بيقول انه بعد ما اشتراة نزل كتاب و فضل يقرا لمدة تلت ساعة لدرجة انه نسى انه بيقرا على جهاز الكترونى مش على كتاب حقيقى.

انت لو مسافر بالطيارة لأمريكا أو أى بلد فى أوروبا هتلاقى ناس كتير معاها و بيستخدموه كتير جدا.

بص هو هايل فى ال e-books اللى هى نازلة أصلا عشان تشتغل عليه .. انما فى ال pdf كويس جدا لو ال pdf file مافيهوش جداول و تنسيق .. يعنى كلام ورا بعضه .. انما لما يكون فى جداول .. بيكون كويس جدا على حجم الخط الصغير .. انما لو عملت حجم الخط متوسط تنسيق الجداول بيبوظ .. فى برنامج اسمه calibre بيعدل حجم خط أى ملف عشان يشتغل كويس على شاشة ال ebook reader .. يعنى من الاخر لو انت غاوى كتب وخصوصا أجنبية اشتريه .. انما لو جايبه عشان تقرا pdf هات ipad أو أى حاجه مشابهه أحسن.

أتمنى أكون أفدتك .. و بالتوفيق ان شاء الله.

المشاركة الأصلية كتبت بواسطة kareemz

أنا اشتريتة من على الانترنت فى فبراير 2010 ب 270 دولار و جبت له cover بأباجورة كده ب 45 دولار اللى هو ده .. و الحاجات دى بيكون عليها 20% جمارك و 10% ضريبة مبيعات غير الشحن .. بس هو رخص دلوقتى بيتهيألى.

بص هو الشاشة بتاعتة أبيض واسود مش ألوان عشان عينيك متتعبش من الكتابة .. زى ما قلت لك ده الفكرة بتاعتة انك تقرأ عليه كتب .. يعنى كل كتاب 500 أو 600 صفحة .. وكل اسبوع تخلص لك كتابين وكده .. انت عارف الناس بره مصر بتحب تقرأ جدا .. انت تركب المترو تلاقى كله ماسك كتاب و بيقرا فيه و اللى ماسك ال ebook reader و كده .. فموضوع الصور ده هيطلع بس أبيض و اسود و هيطلع كويس .. بس ممكن متطلعش فى نفس مكانها فى الصفحة .. ولو عاوزها تطلع مضبوطة يبقى لازم تخليها على الخط الصغير .. عشان ال pdf file معمول انه يتشاف على شاشة كمبيوتر .. انما لو هو معمول ل ebook reader خلاص هيكون مضبوط .. ده بالنسبة للى معايا .. ال kindle زى ما قلت لك بيحول ال pdf لصورة .. فمبيحصلش ال distortion ده .. بس مينفعش تنسخ كلام من الملف و كدة عشان صورة.

بالنسبة للكتب فى كمية مهولة مجانية على الانترنت .. للأسف ملقيتش عربى الا كتب معمول لها scan ودى برضه بتظهر كصورة و بتكون مش كويسة أوى .. و ممكن تحط أى كتاب مش لازم ترخيص ولا حاجة.

أنا وصلت له عادى .. يعنى بحب أقلب كدة أشوف ايه الجديد فلقيتة .. و على فكرة فى أنواع تانية كتير بس هم أشهرهم ال kindle وال sony و ال nook .. ويمكن الأجهزة اللى نازلة جديد زى ال ipad وال samsung galaxy tab و ال hp slate ..و ال blackberry playbook هتخلى الناس تقبل عليها أكتر .. بس زى ما قلت لك ده حاجة وده حاجة .. ال ebook reader مخصص لقراء الكتب لفترات طويلة.

وربنا يوفقك لما فيه الخير.