العفو شكرا لذوقك
أنا سألت فى السبع و أكدولى ان القشقاى هتنزل بعد 3 أشهر بفتيس ستيبترونك 6 سرعات .
طب فى الحاله دى تنصحونى ب أيه (تم حجز السبورتاج الفئه التانيه و الاستلام بعد 4-5 شهور)
أغير الى القشقاى الاوتوماتك الجديده و لا اخلينى زى ما انا.
طبعا حتته انها يابانى تقفيل انجليزى وسعر اعادة بيع النيسان هيكون أفضل عملالى هسهس فى دماغى .
فى المقابل السبورتاج أفضل فى كل شئ من ناحية الشكل و الاوبشنز والوسع و الموتور و الشنطه .
تنصحونى ب ايه
طيب حضرتك حاجز السبورتاج عشان هى عاجباك اكتر من القاشقاى , ولا عشان القاشقاى مانيوال ؟
عموما اللى ممكن يساعدك فى حسم الموضوع انك تستنى تشوف القاشقاى هاتنزل بكام وايه الاوبشنز اللى فيها
التقفيل الانجليزى مش فارق كتير عن التقفيل اليابانىاقتباس:
طبعا حتته انها يابانى تقفيل انجليزى وسعر اعادة بيع النيسان هيكون أفضل عملالى هسهس فى دماغى .
واعادة البيع فى الوقت الحالى لصالح السبورتاج نظرا لانتشارها فى مده قصيره والطلب عليها كتير ومفيش تسليم فورى والتجار بياخدوا Over Price
الافضل تستنى شويه لحد ما القشقاى تنزل فعلا و اتفرج عليها و مافيش داعى للتسرع و بكده تعرف تقارن على الطبيعه و تختار و ما ترجعش تقول يا ريت و الميزه التانيه ان ساعتها حتى لو اخترت السبورتيج هتلاقى ان الاوفربرايس هيكون قل و يمكن مبقاش موجود حتى و انت الكسبان فى الحالتين(و مش عارف أنا حاسسها صعبه شويه انك تحجز عربيه نصف سنه علشان تستلمها) و بعدين بدرى قوى ان نقدر نعرف مين اللى سعر اعاده البيع بتاعه هيبقى احسن لان عربيه فيهم موجوده لكن تعتبر نادره لسه و التانيه لسه هتنزل كمان كام شهر
كيا سبورتاج ولا فولكس توران ياريت مقارنة مفيدة وحد يرسينى على بر علشان انا حاجز كيا سبورتاج ومحتار جدا" جدا" .
كيا سبورتاج ولا فولكس توران ياريت مقارنة مفيدة وحد يرسينى على بر علشان انا حاجز كيا سبورتاج ومحتار جدا" جدا" .:36_2_33:
لسة شايف الموضوع مع انه بقالة 3 شهور
بس ايه المقارنة الجامدة حضرتك مسبتش حاجة مقولتهاش
تسلم على المجهود المبذول
كان صديق ليا من كم شهر بيقولي والدو جابولو سبورتج في الشغل في الكويت مش عارف انهي محرك بصراحة بس اكيد ال 2000
لسه قايلي من كم يوم في مشاكل فيها مع الموظفين من حيث تحمل البهدلة
هو الوضع فى الكويت و الخليج اكيد مختلف عن مصر. الناس هناك بتركب اللاند كروزر و البرادو و المورانو و الباجيرو و الارمادا و الامريكانى الخ الخ و الحاجات دى اللى هى ٤ x ٤ فعلا و طبعا من الظلم للسبورتيج انها تتقارن بيهم لمجرد ان شكلها زيهم يعنى و كمان شوف فرق السعر عامل ازاى ما بينها و بين ارخص واحده فيهم و اعتقد هما علشان كده ممكن ما تعجبهمش قوى و يحسوا انها ضعيفه على احتياجاتهم خاصه لو جربوا يطلعوا بيها الصحراء مثلا انما فى مصر الوضع مختلف و قليل اللى بيحتاج ٤ x ٤ و علشان كده طلعت السبورتيج و القاشقاى تديلك احساس ان العربيه عاليه لكنها فى الاخر جر ثنائى .
يعنى من الأخر أيهما افضل
لازم نفعل الموضوع تانى فى ناس كثيرة مستنية
ماشاء الله بس الاسبورتاج شكلها تحفه
موضوع رائع .. وبالنسبة لى افضل القاشقاى للاسباب التالية:
1. سعر اقل
2. يابانى بتجميع انجيليزى وجودة خامات عالية
3. بنزين 92
4. اعلى خلوص عن الارض
5. موتور اقتصادى فى استهلاك البنزين
6. كماليات وسقف بانوراما وجنوط 17 قياسيا
7. توكيل نيسان افضل من كيا بمراحل
8. ابعاد خارجية مدمجة لا تؤثر على رحابة المقصورة
9. عزم دوران عند rpm اقل
10. تصميم احلى من وجهة نظرى
شباب إسمحولي أكلمكم كلام نظري شوية بخصوص موضوع إستخدام بنزين غير الموصي به في كتالوج السيارة وعن ما إذا كانت الخسارة الوحيدة هي فقط عدم الحصول علي ال hp والعزم كاملين أو بنسبة أقل من المكتوبة في الكتالوج:
"في البنزين 95 على سبيل المثال , نسبة المركبات الهيدروكربونية التى يتكون منها و التى تحترق ذاتيا تحت تاثير الانضغاط هى اقل ما يمكن وذلك بالمقارنة بالانواع الاخرى المتوافرة فى السوق المصرى أما في البنزين 80 فهى اقصى ما يمكن.
وعموما كلما زادت نسبة المركبات الهيدروكربونية بالوقود والتى تشتعل ذاتيا تحت تأثير الضغط فى الشوط الثانى من عملية الإحتراق, كلما قلت جودة الوقود, وبالتالى كلما انخفض اوكتانه والعكس صحيح.
وبالتالى يمكن القول بان البنزين 95 يقاوم الاحتراق المبكر (الذى يتم فى المرحلة الثانية من عملية الإحتراق والمعروفة باسم مرحلة الانضغاط) أكثر من البنزين 92 وبالتالى أكثر من 90 وبالتالى أكثر من 80 وهكذا.
طيب محتاجين نعرف برضه يعني إيه (إحتراق مبكر) !!
يعمل محرك السيارة ذو الاحتراق الداخلي من خلال دورة متكاملة يمكن تقسيمها إلى أربعة اشواط أساسية نذكرها على النحو التالي:
(1) شوط الأخذ Intake stroke
(2) شوط الانضغاط Compression stroke
(3) شوط الاحتراق Combustion stroke
(4) شوط العادم Exhaust stroke
فى الشوط الثانى للمحرك ( شوط الانضغاط ) والذى يتعرض فيه الجازولين بمركباته الهيدروكربونية إلى ضغط مرتفع ( يختلف تبعا لنسبة إنضغاط المحرك ) فإن نسبة من المركبات الهيدروكربونية التى يتكون منها الجازولين تحترق ذاتيا. تحترق بسبب الضغط قبل الشرارة الناتجة من البوجيهات فى الشوط الثالث ( شوط الاحتراق ) وعلشان كده سميناه بالاحتراق المبكر, بعد ذلك تأتى شرارة الاحتراق من البوجيهات فى الشوط الثالث لتنشأ منها عملية الاحتراق الطبيعية وبالتالى نتجت عمليتى احتراق:
الأولى ناتجة من الاحتراق الذاتى لجزء من الجازولين ( لم يتحمل الضغط فى الشوط الثانى والمعروف باسم شوط الانضغاط ) والعملية الثانية هى الاحتراق الطبيعى والذى تم فى ميعاده فى شوط الاحتراق ونظرا لعدم حدوث الاحتراقين معا فانه ينشا تبعا لذلك عدم تجانس يسبب ظاهرة التصفيق أو (الصفع) (Detonation) والميكانيكي يقولك الموتور يصفق وهذا صوت مثل الصوت الذي تسمعه لو أنك ماشي على الرابع على سرعة 20 كلم/ساعة وفجأة دوست بنزين بقوة تسمع صوت تكتكة.
وهذا التصفيق ليس صوت تصادمات كما يبدو ولكنه صوت إهتزاز وتذبذب شديد للمحرك وخاصة عمود الكرنك والمكابس وقد يصل في بعض الأحيان إلى كسر عمود الكرنك و التصفيق الكتير يقصر عمر المحرك على المدى الطويل ويأثر بالسلب على البلوف والأويل سيلات (الحوابك والسدادات), بالاضافة الى زيادة في إستهلاك البنزين لأن التصفيق والموجات الناتجة تزيد من فواقد القدرة داخل المحرك.
الخلاصة من كل ما سبق عشان أنا عارف ومتأكد إن الناس ابتدت تزهق:angry35: : إستخدام نوع وقود غير موصي به ممكن يعمل كربون على البستم من فوق ويزود ارتفاع البستم نتيجة إن طبقات الكربون بتبقى فوق بعضها وبتتكون فوق البستم في مكان نزول البنزين فوق البستم وده طبعا يقلل ال cc بتاع البستم عشان بيبقى فيه طبقة كربون بتعلى البستم وبالتالي مساحة الاسطوانة ككل و بالتالي مكان اشتعال البنزين عمره ما بيزبط و المكنة بتخرف وعشان تزبطها تضطر تحطلها منظف دورة وقود عشان يشيل الكربون اللي اتكون على الصبابات و فوق البستم والبوجيهات. وممكن يشيل شويه بس مبيشيلوش كله وبالتالي لو تكون كربون و تراكم لمدة هيبقى صعب الموتور يرجع زي ما كان وممكن ميرجعش."
ملحوظة: المشاركة تم نقلها كاملة من موضوع أخر بقسم النيسان للأمانة, ومن ردود بعض الأعضاء. ولمتابعة الموضوع كاملا تجدونه علي الرابط:
http://www.nilemotors.net/Nile/263191-95-15.html
و اللة يا جماعة انا بشتري عربية اليومين دول و اتفرجت علي النيسان و الكيا و ملاحظاتي علي الاتنين ك التالي:
الكيا
1-شكلها الخارجي تحفة بس الكنبة الخلفية ضيقة يعني ركبيت انا و 2 في الكنبة الخلفيةالباب مقفلش
2-التقفيل الداخلي خامات ضعيفة اوي و رديئة اوي
3- مدة الحجز طويلة جدا و كمان سمعت انا الناس اللي حجزت و المفروض تستلم في شهر فبراير لسه مستلمتش
4-المفروض ان العربية دي ب 330 الف جنيه و التوكيل فضاها من كل حاجة غالية علشان يبقي سعرها رخيص فبقت بايخة اوي
النيسان
1-شكلها الخارجي جميل و كمان توحي انها اصغر من الكيا لكن ركبيت انا و 2 كمان كنا مستريحين
2-نفس السعر مع الكيا و كمان كماليات اكتر بكتير
3-شكلها الداخلي احلي بكتير و كمان فتحة السقف البانوراما تحفة بجد
4-المشكلة ان الاتوماتيك بتاعها لسه متجربش فممكن ان العربية تكون تقيلة شوية بس انا سالت في التوكيل قالولي ان الفتيس cvt فيهكون مختلف و كويس
5- حجز الاتوماتيك الاستلام كمان شهرين فقط
فمن راي المتواضع ان النيسان قشقاي افضل بكتير
و اللة اعلي و اعلم
هاااااااااااااااااااااايل
تقرير هايل وانا افضل النيسان
تقرير جميل بس أكتر حاجة قلقاني إحتمالية تغيير الشكل موديل 2013 بالنسبة للقشقاي أما السبورتاج مش عارف هتغير شكلها إمتى
ممكن أضيف مقارنة أخرى تفيد ناس كثيره
Compare Cars | CarBuyer
أستاذ أحمد أقصد نتكلم يعنى نكسب فى صفنا شخصية جديدة محترمة
لازم اشكر الناس اللى علمت وشاركت وناقشت فى التقرير