مطلوب شقة فى الهرم فاضية تكون قريبة لشارع الهرم الرئسى مش بعيدة
فترة الايجار هتكون 5 سنين
عرض للطباعة
مطلوب شقة فى الهرم فاضية تكون قريبة لشارع الهرم الرئسى مش بعيدة
فترة الايجار هتكون 5 سنين
33 مشاركة ومحدش فدنى ياريت ضرورى
شارع الهرم كبير
عايزها فى انهى منطقة
لازم تحدد
عشان اشوفلك سمسار فى المنطقة تكلمه
في شقه احتمال كبير تتأجر قريب- وبتبص على شارع الهرم وشارع العريش (2 دقيقه مشي للهرم و 3 دقايق مشي لفيصل)
المهم هي 3 غرف وصاله قطعتين وحمام ومطبخ - دور 3
انت محتاجها ازاي او مواصفاتها ايه والسعر برضه اخرك كام (لان المنطقه دي تبقى غاليه )
يعنى بلاش اخر الهرم خلينا فى الاول اكون قريب للجيزة
السعر على حسب انا عايزها فاضية
يعنى انا كنت واخد فى العروبة عند ستوديو مصر كنت واخدها 400
بس كانت يجى ربع ساعة مشى لحد شارع الهرم الرئيسى عايز حاجة اقرب شوية ياريت لانى مش من مصر
يعنى لو حاجة 600 غرفتين ورسبشن وحمام ومطبغ لهدف الشغل مش هكون فيها علطول
ممكن كل يومين ابقى اروح على النوم لان الشغل يعنى ممكن باليومين ابقى فية او الاسبوع على حسب
انا شغال مساعد مخرج فى برنامج على قناة التحرير
مش عارف بس السعر ده صعب اوي يكون قريب من الهرم
واحد صحبي واخد في نصر الدين بس بيدخل بتوكتوك وب ٨٠٠
انت كانت مشكلتك فى شقه العروبه انها بعيده عن شارع الهرم؟؟؟ فى شقه بس هيه مش قريبه لشارع الهرم برضه بس المكان هادى ونضيف اوى وب 750 جنيه ومساحتها 100 م ومسكنتش قبل كده لسه بتتشطب وهتخلص كمان 3 اسابيع.مكانها ف نهايه شارع اللبينى عند الدائرى وفى مواصلات سهله لشارع فيصل والهرم
اااه يعني انت عايز حاجه صغير وعاديه
اللي بقلك عليهم دي شقق جواز او اسره (حاجه مساحه معقوله وتشطيب كويس)
طب بص انت لو كده دور في شارع الطالبيه ومن هناك في ميكروباصات بتوديك لحد المترو من جوه (اسرع من الهرم) وتبقى على طول عند شغلك والسعر حتلاقي حاجات صغيره وسعرها معقول اوي