كنت في مرور البساتين يوم الاتنين الماضي برخص عربيتي الفولكس

قالي لازم تفحص دخلت الفحص ولاقيت عربيه اوكتافيا راكنه جنبي

عليها نمر ملاكي مطروح كان عايز يفحص وينقل ملكيه

المهندس قاله انا هرفع البصمه من الموتور والشاسيه وتاخد الورق

وتروح تجيبلي مطابقه البصمه من مطروح

طبعا الراجل اتجنن هيروح 500 كيلو علشان يجيب مطابقه للبصمه

المهندس شرحلو الاسباب وقاله انه في الفتره اللي فاتت دي في اخر اسبوعين في رمضان

مسكوا 50 عربيه ملاكي مطروح ما بين متهربين من ليبيا ومضروبلهم ورق

وبين مسروقين من داخل مصر ومتغيرلهم نمر

وقاله ساعتها بمسك اللي قدامي وبسلمه مليش دعوه

ويبقي يدلهم علي اللي باعله العربيه ويجيبوه بمعرفتنا

يا ريت لو حد هيشتري عربيه يتوخي الحذروبالذات لو من الاماكن الحدوديه