الموضوع: معـلومات عن زيــوت المـواتيـر العالـمية اللى نزلـت مصر حـديثا

فى الفترة الاخيرة .. نزل فى مصر 3 انواع زيوت ماتور جديدة عالمية .. غير طبعا موبيل وشل
ونقاشنا فى الموضوع هنا عن الزيوت الجديدة وليس النقاش عن موبيل او شل .. لنعرف الكثير والكثير من تجاربكم عن الزيوت الجديدة

مميزات الزيوت الحديثة بشكل عام

:: الوقاية من البلى والتآكل ويحافظ على معدن المحرك كما ينبغي ليظل قوياً وعالي الأداء

:: أداء عالٍ في ظل أقسى الظروف .. ففي الظروف الجوية الباردة يساعد في تدفئة المحرك وتشغيله بسهولة. وفي الطقس الحار يقاوم الترقق، وبالتالي يمنع حدوث مشاكل في المحرك.

:: محرك أكثر نظافة .. محركات السيارات التي تكون نظيفة من الداخل تدوم لمدة أطول وتعمل بصورة أفضل. وكذلك فإن المواد الكيماوية المحفزة وفلاتر عادم الديزل تعمل بشكل أفضل عندما تكون نظيفة.
ولهذا السبب فإن المزيج الفريد من المواد المنظفة والمشتتة التي يحتويها الزيوت الحديثة تجعل أجزاء المحرك أكثر نظافة وتحافظ على أداء المحرك إلى الحد الأقصى

:: حماية المحرك .. مقاومة الاستهلاك السريع للمحرك ويمنحه الحماية الإضافية عندما تستخدمه بأقصى طاقته.

:: الاقتصاد في الوقود .. الزيوت الحديثة صُممت خصيصاً للتوفير في استهلاك الوقود ولتعمل في الوقت نفسه على حماية المحرك وجعله يعمل بكفاءة وسلاسة.

:: التحكم الحراري .. بسلاستها وأدائها العالي. فهي تخفف من الضغط على المحرك وتزيد من مدة الاستخدام. وتقلل التأكسد وتمنع تكوّن الرواسب داخل المحرك.

:: الزيوت الجديدة هى ::

1- زيت كاسترول

وده زيت انجليزى معبا فى الامارات .. واللى سمعته من الناس اللى استخدموه ان زيت ممتاز ..

مميزاته

وبيساعد على تقليل الحرارة فى العربية .. بيعطى هدوء لصوت الماتور .. بيقلل استهلاك البنزين .. وهناك مميزات اخرى حسب انواع كاسترول

زيت المعتمد لمرسيدس وفولكس فاجن كمان

عيوبه

ان فى انواع منه فى السوق مضروبة وبالتالى بتاثر على العربية .. فالافضل انك تشتريه من الموزع المعتمد ووكيله افضل

الموقع الرسمى للزيت

Castrol Arabia : Product & Services

2- زيت فالفولين

هولندى بيتصنع وبيتقفل فى مصانع فى هولندا .. كما ايضا منتجات Valvoline تتفوق على المواصفات الضرورية المحددة من قبل الجمعية الاوروبية لصناع السيارات ACEA والمعهد الامريكى للبترول API بالاضافة الى ذلك فقد قمنا بتطوير العديد من المنتجات الواردة ضمن باقتنا لتتواءم مع سيارات /موديلات محركات معينة. وبذلك فان منتجات ™Valvoline تتفوق فى هذا الشأن على مواصفات الاداء الفائق التى وضعها صناع السيارات

مميزاته

تقليل استهلاك الوقود .. حماية المحرك من التاكل .. والمحافظة على الماتور .. وصوت الماتور معاه هادى .. وهناك مميزات اخرى حسب نوع كل زيت من فالفولين

ده غير ان لديهم خدمة جديدة .. وهى ان بيجوا لغاية عندك عشان يغيروا الزيت فى المكان اللى تحدده
وكمان بيستخدموا نظام شفط للزيت الذى يتم تغييره بدلاً من تصفيته من اسفل الكارتير حيث يمنع احتمالية التهاون فى اغلاق طبة الكارتير و التى تؤدى لمعظم مشاكل تسرب زيت المحرك و تصل فى بعض الاحيان الى الإضطرار لتغيير كارتير الزيت بالكامل

عيوبه

لسه جديد فمحدش سمع عن عيوب

الموقع الرسمى للزيت

Valvoline Egypt

وده لينك موقع اخر لفالفولين ممكن تختار منه نوع العربية والماتور .. وتعرف نوع الزيت المناسب

Lubricant advisor - Valvoline

3- زيت liqui mole

احد الزيوت الالمانية اللى مصنوعة فى المانيا ومعباة هناك .. ده غير ان الشركة دى ليها منتجات كثيرة للسيارات من تنظيف حساسات الانجيكشن ومنظفات كثيرة اخرى

المميزات

وتم عرض منتجات الشركة المصنعة من معهد الفحوصات الألماني المستقل APL إجراء سلسلة من الاختبارات. أكد معهد APL بعد ذلك أن المواد المضافة للـ LIQUI MOLY تقلل بالفعل من الاحتكاك واستهلاك الوقود. واختبر الباحثون مواد السيراتك ومنظف الحقن ومادة السوبر ديزل المضافة - وكانت النتائج مذهلة.
ووجدوا ان سيراتك هى مادة فائقة التكنولوجيا ومضافة للزيت تحتوي على جزيئات سيراميك صغيرة. هذه الجسيمات تحمى المحرك وتقلل من الاحتكاك. معهد APL اختبر حماية التلف. تحت العبء المتزايد استمرت التروس في دفع بعضها البعض حتى تم الوصول إلى درجة معينة من التلف. مع زيت محرك عادي تم الوصول إلى مستوى الإجهاد الرابع. نفس الزيت وصل مع تكنولوجيا السيراتك إلى المستوى التاسع. هذه النتيجة توضح القدرة العالية على حماية التلف التي تقدمها السيراتك::
فالمحرك يستمر لفترة أطول، ويحتمل أن تقل بذلك الأعطاب، وبفضل تقليل الاحتكاك يقل أيضًا استهلاك الوقود

العيوب

قريت فى احد المواقع العربية الخليجية ان فى ناس جربوه ووجدوا ان الاستهلاك زاد معاهم بنسبة 30%
ولكن
لما سالت الشركة نفسها المصنعة قالولى ان ممكن يكون العميل اختار زيت مش مناسب لعربيته .. ولمواصفات جو الخليج

وبالفعل
لما عملت سرش تانى فى مواقع تانية عشان اتاكد من الكلام ده .. قريت ان ناس شكرت فيه وقالوا ان الاستهلاك الماتور ادائه افضل واستهلاك البنزين اتحسن وحسوا بالفرق ده بعد ما حطوه ومشيوا بيه 2000 كيلو

الموقع الرسمى للزيت

LIQUI MOLY - Motor Oils, Additives, Car Care

وده بردوا الصفحة اللى من خلالها تقدر تختار نوع العربية ونوع الزيت

LIQUI MOLY - Motor Oils, Additives, Car Care

:::::::::

فى النهاية

مهم جدا

ان تختار الزيت المناسب لعربيتك من كل المواصفات
سواء زيت مخصص للعربيات الحديثة او زيت للعربيات القديمة
وزيوت يكون مناسب لعوامل الجو .. والافضل مراجعة دليل المستخدم الخاص بعربيتك لاختيار درجة الزيت كمان

ولازم تشتريه من موزع معتمد واللى بيبع يكون فاهم ايه اللى بيدهولك لعربيتك وايه اللى يناسبها

ومستنى ارائكم وتجاربكم عن المنتجات دى عشان نستفاد من التطور اللى حصل فى الزيوت ونستفاد فيه فى سياراتنا

لان فعلا اللى سمعته ان موبيل بقا بيتبخر بسرعة ومش كويس زى الاول
وزيت شل كويس وبيحسن اداء السيارة وبيخليها نعمة بس حسيت ان استهلاك البنزين زاد عندى بنسبة عن الاول لما حطيته

وعشان كدا
لازم يكون لينا نظرة حديثة مع الزيوت الجديدة
لان الزيوت المحترمة والحديثة مفروض انها بتقلل الاحتكاك مما يساعد على تقليل استهلاك البنزين
وحاسس انها حتكون مفيدة باذن الله

تحياتى
واتمنى الموضوع يكون مفيد للكل والمجهود يعجبكم