الميه الخضراء

**khodiry** · 07-09-2011 05:34 PM

انا لاحظت ان الميه الخضراء اللى فى القربة بدأت تنقص بشكل سريع يعنى نزلت عن المستوى اللى جبت العربية بيه حوالى 3 سم والعربية عاملة 4300 كيلو حتى الان فهل دة طبيعى ولاايه واعيد ملوها ولا اروح التوكيل احسن وان كان تزويدها عادى ايه اسم احسن نوع ميه خضرا ممكنن اجيبه وشاكر لكل الاعضاء المنورين

**Sehsss** · 07-09-2011 08:39 PM

العربية إيه وموديلها وهل انت تقسط النقصان ده في القربة ولا الريدياتير

**khodiry** · 07-09-2011 10:12 PM

ex auto 2011 والنقصان فى القربة انا مافتحتش الرادياتير خالص قبل كدةبس التبريد طبيعى انا خايف يكون فية تسريب

**Sehsss** · 07-09-2011 10:25 PM

3 سم ده عادي نتيجة البخر ودا طبيعي والدليل إنك لما هاتروح الصيانة هايزودولك المياه وفوق المستوى الطبيعي في القربة شوية صغيرة علشان البخر.. وزيادة في التأكد ممكن تبص تحت العربية بعد مشوار أو بص على الخراطيم .. بس في النهاية أنا عارف إن مش هايبقى في أي حاجة إن شاء الله.. الكلام ده لو النقصان بصفة مستمر وأكثر من كده

**Sehsss** · 07-09-2011 11:39 PM

المشاركة الأصلية كتبت بواسطة khodiry

اصله مهندس الصيانه اللى فى توكيل الكرنك بالأقصر لما عملت صيانه ال1000 باقوله ازود الميه ازاى ( معلش انا لسه كنت واخد على الشاهين ) فقاللى لا مالكش دعوة بحاجة والميه لو نزلت يبقى فيه مشكله فى العربية وهاتهالى على طول فعلشان كدة انا باستفسر يعنى

فعلا ياباشا هما في كل صيانة بيضبطوا كل السوائل ومن ضمنها المياه .. ما تقلقش

**khodiry** · 09-09-2011 12:34 AM

ربنا يطمنكم يااخوانى وشاكر لحضراتكم جدا

**FBIAhmed** · 04-10-2011 02:05 AM

اصل انا الميه برده عندي نقصت برده بس بعد ما عملت 11000 كيلو و تقريبا مزودوهاش في صيانة ال 10000 لاني اما دخلتها كنت باصص على مستوى الميه و طلعتلي بعد الصيانه ناقصه 2 سم تقريبا فجبت موبيل كولنت تركيز 33% و زودتها