انا نشاء عاوزاركب نت فى البيت بدلا منا شغال بى usb وطبعااا بعد دخول التليفون فا مش عارف اركب نت اة vodafone or tedata or link اجيب Limited ولا لا انا مش عارررف حاجة ومش عارف اسعار كمان وشكراااااااا
عرض للطباعة
انا نشاء عاوزاركب نت فى البيت بدلا منا شغال بى usb وطبعااا بعد دخول التليفون فا مش عارف اركب نت اة vodafone or tedata or link اجيب Limited ولا لا انا مش عارررف حاجة ومش عارف اسعار كمان وشكراااااااا
لينك دى اس ال او فودافون
ونصيحه متجيبش ليميتيد خالص
بص تى اى داتا او لينك الاتنين واحد ده اولا
لميتد ولا ان ليمتيد حسب تحميلك انت بتحمل كتير ولا لأ بس الاحسن ان ليمتيد
واوعى تجيب الاوبتمم بتاع تى اى داتا لان الداون لوود بينزل بعج انتهاء الباقة ل 128 و حتتشل لو بتنزل حاجة
خليك فى فودافون حلو جدا بعد معاناة مع معظم الشركات
فودافون 1 ميجا , أكثر من ممتاز , سعره 133 جنيه في الشهر
دة limited or un limitedاقتباس:
فودافون 1 ميجا , أكثر من ممتاز , سعره 133 جنيه في الشهر
لينك الافضل يا باشا خصوصا في الدعم الفني
انا كنت فاهمة ان اتصالات احسن حاجة ... الاراء هنا بتقول لينك وفودافون
بص ياريس هتلاقى هنا كل واحد بيقولك شركتى احسن واحدة ... بس صدقنى هيا بتعتمد على سنترال المنطقة اللى حضرتك فيها كل شركة التحميل عليها ازاى .... يعنى حضرتك لازم تسال عندك احسن شركة عندك فى السنترال بتاعك ايه ؟
عموما انا كنت مشترك زمان فى تى اى داتا وبقالى اكتر من سنة ونص فى لينك ... انا مستريح جدا دلوقتى مع لينك .... الفرق الجوهرى اللى اقدر اقولك عليه بين لينك وتى اى داتا ... ان لينك ممكن واحد محصل يعدى عليه ياخد فلوس النت او انك تروح تدفعه فى مكن 123 وكمان بيستنوا عليك 15 يوم بعد معاد الدفع علشان تدفع وكمان بتدلعك كل صيف ضعف السرعة لو اشتركت 3 شهور ... تى اى داتا مفيهاش الكلام ده لازم تدفع فى الفرع وكمان اخرها اوى يومين او 3 وتفصل النت لو مدفعتش اول الشهر
انا جربت لينك خدمتهم زي الزفت بس ده من اكتر من 4 سنين
تي داتا كويسه جدا ماشفتش اي مشاكل من يوم مااشتركت
انا اجننت يا جماعة انا ساكن فى هضبة الهرم لينك ولا تى داتا ولا فودا
الكلام ده ملوش اساس من الصحه .. فرق جوهرى ايه بس ضحكتنى والله :bigeyes02:
انا مش هقولك تى اى داتا احسن ولا فودافون احسن ..
بس كلامك ده مش صح بالمره .. اولا تى اى داتا فيها محصل برضه ويعدى عليك ف البيت عادى جدا
ثانى حاجه انا عاوز اعرفك انى بدفع النت فى المكتبه اللى تحت بيتى يا باشا وممكن ادفعه فى السوبر ماركت وانا بشترى البيبسى فى ثوانى .. الدنيا اتطورت دلوقتى وفيها حاجه اسمها " فورى " المكن اللى من خلاله ممكن تدفع اى حاجه
تالت حاجه مش اخرها يومين ولا 3 ولا حاجه انا بتعد معاى بال 10 ايام ميفصلش لو اتأخرت عن الدفع !!
حبيت بس اصلح كلام حضرتك لانى مشترك بقالى 8 سنين مع Te Data !!!
بعد اذن صاحب الموضوع, ايه احسن شركة نت تيع سنترال اكتوبر اول.
انا لفيت على شركات كتييير
بجد لينك افضل شركة
اولا كل الشركات الUpstream ربع ال Downstream الا لينك ال up النص
تي اي داتا كانت بتفصل النت لو الفلوس اتاخرت يومين بالظبط لينك كان شهرين و بقو 15 يوم
عروض طول السنة ضعف السرعة او اشهر مجانية
خدمة العملا بقى
لينك لو حصل حاجة من عندهم و اتصلت اخرهم كام ساعة و تلاقيها اتحلت
تي اي داتا بقى
الاول العيب من الراوتر
الراوتر طلع سليم
السلك بتاع حضرتك عايز يتصنفر هات حد يعمله
السلك طلع سليم
طب اتاكد انك حاطط السبليتر على الرئيسي و انه سليم و ياريت لو تجرب تغيره
السبليتر سليم
طب هنزل حد ان شاء الله يشوفه
و يعدلهم كمان يومين تلاتة على ما حد يتكرم و ينزل
بجد اسوا خدمة عملا اتعاملت معاهم في حياتي كلها
انا قارنتلك بين لينك و تي اي داتا لان دول ال هيدوك باند ويدث كبير في الانليميتيد
الباقي بيديلك 25 جيجا و حاجات هبلة كدا و قليلة و يقولك استخدام عادل
انا اشتركت سنتين مع تي اي داتا و كان يومين بالظبط و النت يفصل
واول مرة من غير غرامة و بعد كدا في غرامة 30 جنيه
والله يا فندم زى ما قلت كده .. وموضوع الغرامه ده عمرى ما شفته .. معرفش ليه بقى كان بيحصل معاكم كده .. بس عموما انا مشترك معاهم من زمان جدا زى ما قلت من 8 سنين ف يمكن مثلا بيخلوا الموضوع اسهل عليا "اانا بخمن "
بس كده
والله يا استاذى انا نقلت تجربتى مع تى اى داتا بالكامل .... وعلى فكرة حوار ال 3 ايام ده انا متأكد من لحد دلوقتى علشان انا مشترك تبع تى اى داتا على عنوان تانى ولما بتأخر عن 3 ايام بيفصلو النت
انما لينك بقى بتفضل بال 15 يوم متفصلش وكمان يطلعلك رسالة على البراوزر ويبعتلك رسالة على الموبايل وحاجات تانية
بالنسبة للدفع على ايامى كان المتاح بس الدفع فى الفرع ... وعلى فكرة انا ممكن تسجل الفيزا بتاعتك فى لينك وهما بيسحبوا منها كل شهر بكل بساطة ... ده طبعا غير فرق خدمة العملاء اللى فى رأيى فى صالح لينك
وردود زمايلى اللى بعديا بتثبت كلامى
لو انت مع المقاطعه يبقى بلاش لينك لانها شركه من شركات ساويرس
تى اى داتا السرعه فيها بدأت تقل بشكل ملحوظ من شهرين
بالاضافة الى خدمة العملاء فيها زي الزفت وبعض الاخوة هنا ذكر ده
والاكثر من كده كمان ان الخط بتاعهم 19777 فى الفتره الفاتت اوقات كتير بيكون مش شغال من اصله (مثال حي لسياسة وطريقة تعامل الشركات المملوكة للدولة )
هيفضل فودافون واتصالات اختار منهم الى يعجبك
وان كان اغلب الى اعرفهم ومشتركين فى اتصالات مشتكوش من حاجه
انا مشترك فى لينك limited هما مبدئيا كويسين كسرعة وخدمة عملاء بس الشهر اللى عدى ده كان النت فيه زى الزفت وبيقطع كتير ومش عارف ليه!
عشان الكابلات اتقطعت
و برضو كلمهم و قولهم لو ينفع يحلوها من عندهم بيحلوها في ساعات
لا ما انا كاتب رد قبل كدا على بتوع تي اي داتا و هما الاسوا بالفعل
بتوع تي اي داتا بيستغبو انما بتوع اتصالات اغبية اصلا
معلومة لصاحب الموضوع لو بتعمل دونلود كتير مينفعكش غير تي اي داتا او لينك لان الباقي بيطبق سياسة الاستخدام العادل و بتبقى 25 جيجا لل 512 و تقريبا 50 لل 1 ميجا بيت
+11111111111اقتباس:
بتوع تي اي داتا بيستغبو انما بتوع اتصالات اغبية اصلا
يا جماعة انا في تي اي داتا
وبجد ديه شركة بنت تييييييييت
انا عايز اغير للينك
سمعت عن العرض اني اشترك في لينك واخد ضعف المدة يعني مثلا شهر اخد شهرين تلات شهور اخد تللات شهور اضافية
وكمان روتر وايرليس هدية
فانا عاوز اعرف لو اشتركت 6 شهور هل هاخد روتر هدية بردو؟ ولا لازم سنة؟
وكمان بالنسبة للروتر الاسلكي"الوير ليس" هل فيه سلك اوصلة بالكمبيوتر العادي؟ انا مليش خبرة في الروتر الاسلكي
أنا سبقتكم شوية .. وحاولت فعلاً أغير من تى إى داتا إلى لينك ..
بس واضح ان تى إى داتا وحشين فى كل حاجة .. حتى فى الخروج من عندهم
لأنهم بيطبقوا سياسة (دخول الحمام مش زى خروجه) ..
وقفت الخط ووتعاقدت بالفعل مع لينك ، لكنهم قالوا لى لازم تجيب من تى اى داتا حاجة اسمها كود الالغاء cancellation code
طلبته من تى اى داتا ، قالوا لى فى خلال أسبوع ، عدا اسبوع وماجاش حاجة ، كلمتهم فى الكود يا ولاد التيت ، حاضر بعد أسبوع ، وأسبوع ورا اسبوع ورا اسبوع لغاية ما عدا شهرين ونص .. اتنفرزت عليهم كتير وكان ردهم بمنتهي الذوق : "روح اشتكى يا افندم" ..
لاحظوا ان كل ده وأنا ماعنديش نت فى انتظار كود الالغاء لبدء الخدمة مع لينك ..
وآخر ما زهقت رجعت لهم صاغراً ورجعت الخدمة الزبالة بتاعهم :(
معقولة الكلام الفاضى ده ... انا مش عارفة الناس دى بتتعامل معانا كده ليه شوية اتصالات وشوية تى اى داتا ....... والله حرام
طيب حضرتك حاول تكلم 155 او تبعت ل mnp@tra.gov.eg او NTRACC@tra.gov.eg
ياباشا لو إنت تبع سنترال المريوطية
يبقى بلاش تى إى زفت عشان فعلا زفت وتقطيع و داون لود بالبايت وحاجة تجيب هسهس
بقالى سنتين بتعذب معاهم وفعلا خدمة العملاء متبرمجة على اللى يقوله
زى ما أحد الاعضاء قال فى حالة إى شكوى أول حاجة بص على الراوتر وبعديها السلك وهكذا زى ما مكتوب
غير إن خدمة العملاء أغبياء بدرجة رهيبة بيبقو هيجيبو لى شلل لما أتهبل وأكلمهم وممكن تفضل على الانتظار نص ساعة ولاحاجة على ما خط يبفضى و دة دليل على سوء الخدمة وإزدياد عدد الشكاوى
مش عارف العرض لسه شغال ولا خلص بس لو اشتركت شهر واحد على سرعة بداية من 1 ميجا هتاخد الراوتر
لازم تشتكيهم
تي اي داتا مبيدوش الكود لحد و مبيكنسلوش الخط اصلا
انا لما روحت لينك قالولي هتروح تقولهم كانسيل الخط و بعديها بيومين على طول تتصل ب 155 و تقولهم مش راضيين هينجزوك على طول
على كده يبقى الـ usb أرحم
وفي عروض روتر وخصم في فودافون يا جماعة؟
أنا كنت جبت آخرى وكان لازم النت ترجع فى أقرب وقت ..
ان شاء الله لما أخلص اللى ورايا واحس انى ممكن استغنى عن النت كام يوم هاعيد الكرة
واستعين بالتليفونات والاي ميلات الى وضعتوها للشكاوى.