تتخانق علي ربع جنيه ؟

**أبو عبدالله** · 08-09-2011 01:20 AM

المسألة مش مسألة ربع جنيه ولا شلن
المسألة مسألة مبدأ ونظام واحترام
انت ممكن تطلع ادهم ميت مره فلوس لله ولكن برضاك وليس اتاوة عليك مفروضه

المشاركة الأصلية كتبت بواسطة enayat

اتخانقت مرة مع الصراف في الشغل علي خمسين قرش خصمهم من المرتب بقوله ليه خصمت خمسين قرش؟ قالي انا بروح كذا مشوار للشيك مش عاجبكم مش رايح وشوفوا حد تاني قلت له اوك انا مش هامضي علي الاستمارة ناقصة شلن واصريت والموضوع كبر بس في النهاية اخدت حقي

هيا المنصورة كلها كده ولا ايه
هوالشغل ده حكومي اكيد ؟؟؟؟

**M!NA** · 08-09-2011 02:26 AM

المشاركة الأصلية كتبت بواسطة moustafa_saad

انت انسان ايجابى جدا بس للاسف انا بكبر دماغى غالبا خصوصا فى الاماكن اللى مش باتردد عليها كتير

أشكرك لذوقك و تعليقك.....

للأسف بسمع من ناس تانية كلام من نوعية (انت باين عليك فاضي....) أو (الربع جنيه اللي هقف أتخانق عشانه.... وقتي أثمن منه) الخ....!!!!

المشاركة الأصلية كتبت بواسطة أبو عبدالله

المسألة مش مسألة ربع جنيه ولا شلن
المسألة مسألة مبدأ ونظام واحترام
انت ممكن تطلع ادهم ميت مره فلوس لله ولكن برضاك وليس اتاوة عليك مفروضه

+1111

**SYD** · 08-09-2011 02:49 AM

انا النهاردة نسيت (وحط خط تحت نسيت) الباقي مع السواق وابن اللذينة كبر ومادهوليش
والباقي كان ربع جنيه

انا غالبا مش بسيب حقي بسهولة ومؤمن بأن مايضيعش حق وراه مطالب

ولو لقيت الي قدامي قليل الأدب ومصر علي قلة ادبه واستغلاله بسيب الحاجة ومش بشتري

الله المستعان
،
،

**Mahmoud Nagieb** · 08-09-2011 03:05 AM

هو ربع جنيه صعب اتخانق عليه

بس فبل كده كنت راكب تاكسى .... والعداد كان عامل 9.25 .... وانا اديته 10 جنيه فقالى ممعيش فكة

وراح قايلى خلاص بقى دولة 75 قرش ... اتنرفزت اوى بقى من الكلمة ده ... روحت راكب تانى وقلتله وصلنى طب لأول الشارع .... راح باصصلى كده وراح موصلنى .... قبل ما العداد يجيب 10 بالظبط كان راكن وقاللى اتفضل

**enayat** · 08-09-2011 08:54 AM

المشاركة الأصلية كتبت بواسطة mr_7oda

هو ربع جنيه صعب اتخانق عليه

بس فبل كده كنت راكب تاكسى .... والعداد كان عامل 9.25 .... وانا اديته 10 جنيه فقالى ممعيش فكة

وراح قايلى خلاص بقى دولة 75 قرش ... اتنرفزت اوى بقى من الكلمة ده ... روحت راكب تانى وقلتله وصلنى طب لأول الشارع .... راح باصصلى كده وراح موصلنى .... قبل ما العداد يجيب 10 بالظبط كان راكن وقاللى اتفضل

ههههههههههههههههههه لا جامده اوي دي

**kar!m** · 08-09-2011 09:12 AM

امبارح راكب تاكسى حته بسيطه جدا .. بركبها دايما و أنا راجع من الشغل ب 2 جنية .. اللى جنبى كان رايح نفس المكان و راكب معايا بيسأل السواق الأجره كام؟ قال له 3 جنية الواحد .. قلت له ليه أنا بركبها كل يوم ب 2 جنية .. قال لى لأ مش هينفع .. قلت له طب شكرا نزلنى و نزلت و ركبت تاكسى تانى ب 2 جنية.

**fepsceasar** · 08-09-2011 10:58 AM

اوعى تسمح لحد يستغلك وصدقنى ما فيها خناق ولا حاجة هو لما يلاقيك صاحى لنفسك وعارف حقك ما بيطولش فى الكلام
الحاجة اللى ما تعرفش سعرها اسال عليها قبل ما تشتريها لو لاقيتها اغلى 5قروش شلن أوعى تشتريها
انا مرة سواق ميكروباص كان واخد الناس رهاين :)) ورايح يمون بنزين قولتلوا بتعلم ايه يا اسطى
قال: مين اللى بيتكلم
قولتله انا انت داخل المحطة تعمل ايه؟
قالى لا ما فيش انا هملا بس ازازة المياة
ومرة واحد داخل يمون قولتلوا عيب اللى بتعملوا وخت فلوسي ونزلت قولتلوا لازم تستاذن الناس الاول واللى مش موافق ياخد فلوسه
وغيره وغيره من تصرفات سخيفة

-

-

الموضوع: تتخانق علي ربع جنيه ؟

LinkBack

أدوات الموضوع

عرض

-

-

-

-

-

-

المواضيع المتشابهه

معاية مقدم 10 الاف جنيه واقدر ادفع الف جنيه شهريا والمطلوب مازدا 929 موديل88او89او90

معاية مقدم 10 الاف جنيه واقدر ادفع الف جنيه شهريا والمطلوب مازدا 929 موديل88او89او90

بدله حماده بعشرين جنيه ,,,,,,وبدله مبارك بمائه الف جنيه

تركيب الغاز الطبيعى بـ1000 جنيه أو بـ900 جنيه !

تسجيل زلموكه بالشهر العقارى 120 جنيه بينما اونو ب 600 جنيه

الكلمات الدلالية لهذا الموضوع

المفضلات

المفضلات

ضوابط المشاركة