يا جماعة فى واحد جارى عايز عربية فا انهى واحدة افضل من حيث اول حاجة الراحة و القوة و اسعار قطع غيار
1-لوجان
2-lifan mini و اللى مش عارفها اللى هى العربية الصينى اللى شبة المنى كوبر
3-اسبيرانزا a113
ياريت يا رجالة حد يدلنى
عرض للطباعة
يا جماعة فى واحد جارى عايز عربية فا انهى واحدة افضل من حيث اول حاجة الراحة و القوة و اسعار قطع غيار
1-لوجان
2-lifan mini و اللى مش عارفها اللى هى العربية الصينى اللى شبة المنى كوبر
3-اسبيرانزا a113
ياريت يا رجالة حد يدلنى
أفضل عربية في اللي انت قولتهم دول من كل النواحي اللوجان ما عدا قطع غيارها علشان غالية شوية
ارمي الليفان خالص و قارن بين الاسبيرانزا و اللوجان
في رعاية الله
الكلام مش مطلق ولا حاجة .. هي بس علشان العربية معاك انت متحيزلها، وبعدين أنا أقصد قطع الغيار الأصلية مش المقلدة، وحضرتك بتتكلم في قطع الغيار الاستهلاكية زي تيل الفرامل لكن لو قطع غيار تانية غير استهلاكية مش هاتلاقيها غير في التوكيل وبأسعار غالية، مثلا شعر الكبالن الأصلية 3550 للكوبلن الواحد، سعر علبة الدركسيون 7700 جنيه .. ومع كل ده العربية جميلة ومحترمة
انا برشح لحضرتك اللوجان
انا شالت فى توكيل العامريه لما كنت هناك فى اخر صيانه
القطع الاستهلاكيه معقوله جدا
وعموما هى برده عاوزه تنزل بره علشان تتظبط شويه بس ده مع الوقت وربنا يسهل
وبعدين ماتكشرشى كده
ياسيدى ولا شمال ولا حاجه
طب قولى فين الشمال دية
عموما يمكن فيه حد مننا غلط مش مشكله
انا معاك ان اسعارها غاليه فعلا لان الستيراد لسه مانزلشى والتقليد لسه ماوصلشى
علشان كده الناس حاسه بالغلو
ولما دول ينزلوا غصب عن عين التوكيل حايخفض اسعاره كمان
العربيه بتنتشر بشده وليها مستقبل كويس ان شاء الله
بس الصبر
وكل سنه وحضرتك طيب ولو انها جت متاخره شويه
معلش ياباشا أنا بتأسفلك يمكن أنا علشان في الشغل بقالي حوالي 10 ساعات مرهق فردودي غريبة شوية.. العربية فعلا محترمة وأنا بحبها جدا لدرجة إني عملت عنها مقارنة قبل كده في القسم مع النيسان صني اللي هي معايا وناس كتير زعلت مني علشان المقارنة دي (هههههه) وأنا بأعيد لحضرتك كلامي إن العربية دي ممتازة وسعرها مناسب جدا لأمكانتياتها ومبنية على شاسيه (من نيسان) .. وآسف للمرة الثانية:oho:
الف شكر ليكم على الاهتمام
وبعدين يارجالة الموضوع قلب لية كدة
والف شكر ليكم على الاهتمام
ألكلام النهائى فى رينو لوجان
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *
العيوب ( ومش هنسميهاعيوب ) هنسيمها حركات غلسة بس هتتعود عليها
الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية
ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك
ودا المصدر
Dacia Logan : Informatii Dacia Logan
نوع العربية
Preference 1.6 MPI 90 CP
بعشقها عشق لولو حبيبتى
وبس يا سيدى وان شاء الله ربنا يوفقك فى اختيار العربية المناسبة لك
-----------------
العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية
تقرير مفصل عن العربية بالشرح والصور بواسطة الاستاذ نادر نبيل
http://www.nilemotors.net/Nile/90472-2010.html
بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم
دى فيدوهات ليا بالعربية
Logan 180 km/h with 6 Passenger [1] - YouTube
180 و 6 راكب
وغرز بيها على الطريق الصحرواى - مصر اسكندرية
ودا لما عديت الـ 180
Logan 180 km/h with 6 Passenger [2] - YouTube
واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/
اللوجان فعلا عربية كويسة فى رنج سعرها
اللوجان طبعا