الموضوع: مشكلة غريبة في الفرامل

ياجماعة الرجل الشمال دى غشيمة
الا بقى كانوا ساقوا الاوتوماتك برجلين اليمين بنزين والشمال فرمل
واللى راكب اوتو عارف الكلام دة الشمال لو نزلت على دواسة الفرامل يبفى انت كدة بهدلت الدنيا والطريق

هيا المشكلة الرجل الشمال دى فى الفرامل هتبهدل الدنيا وهتحس ان الدوسة اللى بدوسها باليمين لو دوستها بالشمال هتلاقى العربية كلبشت لان الحقيقة الشمال داست اكتر من اليمين

محدش كان سايق مرة وجة يدوس دبرياج وكان لابس حاجة عربيضة وداس على الدوستين مع بعض بيبقى احساسك انك لمست الدواسة والعربية كلبشت ولو حد وراك ممكن يتفاجىء بيك
انا شخصيا كان عندى كوتشى لما اسوق بية غصب عنى بيحصل دواسة الفرامل وهو بيدوس على الدبرياج ولولا حمد ربنا كنت هعمل كارثة بسبب الحركة دى لدرجة اللى جنبى قالى انا بحسب فرامل العربية قفشت

المشاركة الأصلية كتبت بواسطة khaled_saga

مع احترامى لكلام حضرتك بس ليا تعقيب بسيط على موضوع سواقة الاوتوماتيك برجلين يمين وشمال .. هو طبعا ملوش علاقة بان الشمال غشيمة ولكن بمنتهى البساطة ان مينفعش تدوس بنزين باليمين وفرامل بالشمال فى نفس الوقت والا هتسبب كوارث

نفس الكلام ينطبق على المانيوال .. تيكنيك السواقة انك بنزين وفرامل باليمين والدبرياج شمال عشان تضمن انك متدوسش بنزين وفرامل فى نفس الوقت



تحياتى لك

برضو مع احترام وجهة نظر سعاتك

انا حصل معايا موقف فى الاوتو اللى اتعلمتة منة ان الشمال دى معندهاش السنس بتاع اليمين

وطبعا لو اتشخدمت البنزين باليمين وفرامل بالشمال هتعمل كارثة زى ماحضرتك بتقول ودى اى حد فى سنة اولى سواقة اتوماتيك لازم اللى يعلمة يعرفة ان التعامل باليمين فقط واليمين+الشمال= كاااااارثة ........... دة بالنسبة للاتوماتيك .



اما بالنسبة للمانويل فا معروف بنزين ياليمين والدبرياج والفرامل بالشمال دة اساسيات سواقة

لو كان فى حد بقى شغال حاجة تانية يبقى دة مع نفسة وربنا معاة .



.................................................. ..................

المشاركة الأصلية كتبت بواسطة newcar2011

طب هوة ايه الى خلاك تدوس فرامل برجلك الشمال والله غريبه

ياباشا لا غريب الا الشيطان
والله حضرتك انا قولت اللى خلانى ادوس فرامل برجلى الشمال
انى سورى كنت لابس كوتشى وشة عريض فاغضب غنى وانا نازل برجلى على الدبرياج حصلت دواسة الفرامل وطبعا اللى بيدوس دبرياج بيدوس بعشم فا لولا ستر ربنا مكنش حد ورايا لان النتيجة كانت ان حد داس فرامل مفاجئة مرة واحدة وضعف الطبيعى . ( وتوضيحا للامور كل الوصف دة مجرد مارجلى نزلت على الدواستين وحسيت شيلت رجلى فى لحظتها متخيل عشان محدش يفكر ان انا دوست الدوستين للاخر ) .
اظن الموضوع مفهوش وجهة استغراب خاااااااالص مجرد خطأ وربنا سترها
مش ماشى العب برجلى الاتنين على الدواسات وبجرب دى مع دى ودى مع دى عشان حضرتك تستغرب اوى كدة .

من الاخر واللى اعرفة ان اليمين دى اتعودت على التعامل بحساسية لان اى دوسة بنزين او فرامل لازم تبقى بحساب عشان كدة السنس عالى فيها
انما الشمال واخدة انها ترزع الدبرياج ولو قلبوا الدواسات اعتقد ان التعود هيخلى الشمال هيا اللى فيها السنس واليمين الغشيمة دة انا بقول لو عشان مجدش يقولنى حاجة مش فى نيتى ........... اظن حضرتك عرفت قصدى اية بأن الشمال غشيمة .

واسف جدا جدا للاطالة بس حبيت اوضع سوء التفاهم
وتحياتى لكم جميعا ...............

المشاركة الأصلية كتبت بواسطة mmamdouh

محدش قال ان الراجل هيدوس بنزين و فرامل فى نفس الوقت انما هيبدل بين البنزين و الفرامل باليمين و الشمال... دة تكنيك بيستخدمة سواقين السباق عشان ميبقاش فيه اى تضيع وقت خلال نقل الرجل اليمين من على البنزين الى الفرامل و العكس... و اللى ساق عربيات كارت هيلاقى اصلا دواسة الفرامل عند الرجل الشمال

mmamdouh

حضرتك برضو فهمت وجهت نظرى خطا واكيد اتصححت كدة
بالنسبة للتكنيك اللى بيستخدة سواقين السباق دة معلومة جيدة عاليا وطبعا وحتما ولا بد انة بيعامل الدواستين بحساب يعنى كدة السنس مطلوب فى الرجل اليمين والشمال . وطبعا فى الحساب انة ميدوس الدواستين وقت واحد ,
فعلا يا استاد ممدوح العربيات الكارت بتبقى دواسة الفرامل ناحية الرجل الشمال ........ بس هسئلك سؤال عشان محدش يتوة هل هو بيتعامل بالرجل الشمال من غير حساسية ولا لازم يبقى عارف ان اقل دوسة على الفرامل بحسااب ؟؟؟
من الاخر دة موضوع تعود ان الرجل دى اخدت على انها تكون حساسة والتانية بدوس وخلاص
او مطلوب ان الاتنين يكون عندهم حساسية فا بتعود على كدة .


ياريت اللى شايف حاجة غلط يقولى ويصححلى مش عيب بالعكس هبقى قرحان انى كنت فاهم حاجة غلط واتصححت مثلا انا بقول اللى اكتسبتة من معلومات وخبرة بسيطة وارد ان المعلومات دى فيها نسبة بسيطة خطأ او مش موضحة للامور والحاجة اللى معنديش معلومات فيها عمرى ما تدخل اتابع واشوف عشان افهم ولو حد احتاج المعلومة دى انقلهالة بس الرك بقى على اللى بتاخد منة المعلومات دى بيفتى ولا عندة فكرة او مرت عالية او حد خبرة والموضوع عمرة مايضايق خصوصا اللى عايز يطور معلوماتة مش مكتفى باللى عندة واللى مش عارفة يفتى بقى.

اللى يضايق بقى لما تتعامل على المنطق دة وحد يحسسك انك بتفتى وبتقول وتحكى قصص وخلاص .
والحمد لله الحاجة اللى معرفهاش معنديش غير رد واحد والله انا معنديش خبرة فى الموضوع دة اسئل حد اهل الخبرة .
وفى الاخر اللى بيشارك بمعلوماتة المحدودة عشان يخدم الناس وبيطور من معلوماتة بيبان عالية واللى بيقتى بيبان عالية والخبرة بيبان عالية .

تحياتى لكم جميعا وتحية خاصة لممدوح باشا ربنا يجازيك خير على مساعدة الاعضاء وتصحيح الاخطاء الخبرة خبرة بردو ربنا يزيدك من علمة .